Éxodo 29:43 - Qullan Arunaca

⁴³ Uqhamarac uca chekanwa nayajj israelitanacampi jiquisëjja, uca chekajj k'omachatäniwa nayan ucancatajj laycu.

Aymar Bibliia 1986

⁴³ Uqhamarac uca chekanwa nayajj israelitanacampi jiquisëjja, uca chekajj k'omachatäniwa nayan ucancatajj laycu.

Qullan Arunaka DC

⁴³ Uka chiqan israelitanakampix jikisï, uka chiqasti nayan ukankatax laykuw qullanañchat uñjasini.

Éxodo 29:43 Jak'a apnaqawi uñst'ayäwi

1 Reyes 8:11

Uca kenaya laycusti sacerdotenacajj janiw kheparcjjapjjänti culto lurañataqui, Diosan jach'a cancañapajj temploparu phokt'atap laycu.

2 Crónicas 5:13

Takenisa jupanacajj mayar tucutaquiwa trompetanaca tocapjjäna, uqhamarac mayaquiw Tatitur k'ochupjjäna, yuspagarapjjaraquïna, trompetanaca tocasa, platillonaca tocasa, uqhamarac tocañ yakha instrumentonacampiraqui k'ochupjjäna, aqham sasa: “Tatitur jach'añchapjjam, jupasti suma Diosawa, munasiñapasti wiñayataquïtap laycu” sasa. Uca horasansti Tatitun templopajj mä kenayampiwa phokhantasïna.

2 Crónicas 5:14

Uca kenaya phokhantatap laycusti sacerdotenacajja, janiw juc'amp kheparañ muncjjapjjänti Tatitur yupaychañataqui, Tatitun jach'a cancañapajj templor phokt'atap laycu.

Éxodo 25:22

Ucanwa jumampejj jiquisiñäni. Nayajja suma arust'äwi arca patjjancqui uca pä querubines sat angelanac taypitwa israelitanacataquejj arunacajja churanïma.

Éxodo 29:42

Aqhama ofrendanaca nayaru jach'añchasa naqhayañataquejja awquita, wawanacapan wawanacapataquejja wiñayäniwa nayan nayrakatajjana. Ucsti loktapjjaniwa Tatitumpi Jiquisiñ Carpäqui uca puncu nayrakataru. Ucawja chekanwa nayajj jumampi jiquisëjja, jumaru parlañataqui.

Éxodo 29:44

Ucampis nayajja k'omachäwa Jiquisiñ Carparojja, uqhamarac altararusa; uqhamarac k'omacharaquïwa Aaronampiru, wawanacapampirusa, uqhamata nayan sacerdotenacajjäpjjañapataqui.

Éxodo 40:34

Mä kenayaw Tatitumpi Jiquisiñ Carpa patjjarojj urpjjatäna, ucatsti uca carparojj Tatitun jach'a cancañapaw phokt'äna.

Éxodo 40:35

Ucampis Moisesajj tantachasiña chekarojj janiw mantaña puedcänti, kenayawa uca patjjarojj urpjjatäna, uqhamarac Tatitun jach'a cancañapaw uca carparojj phokhantaraquïna uca laycu.

Isaías 60:1

Jerusalén, mä c'ajquir khanampi llawuntata sartasim, khanamasti purinjjewa, Tatitun c'ajquir khapak cancañapasti jumjjan khani.

Ezequiel 43:5

Ucat Tatitun ch'amapaw nayarojj aptaraquitu, mankhäjjanquir uta ankäjja tokeruw irparaquitu, ucanwa nayajj uñjaracta cunjämsa Tatitun khanapajj temploru phokhantäna uca.

Levítico 9:4

uqhamaraqui mä orko vacampi, mä orko ovejampi Tatitun nayrakatapanjja qharinucuspan, sumancthapiñataqui sacrificiot loktata. Ucjjarusti granonacat waquichata ofrenda apanipjjaracpan, aceitempi chaptata, jichhürusti Tatituw jumanacaru uñstapjjätam uca laycu” sasa.

Levítico 9:6

Ucat Moisesajj saraqui: “Tatituw acjja arsuwayi, jichhajj phokhapjjam, ucatsti Tatituw jumanacarojj jach'a khanapampi uñstapjjätam” sasa.

Malaquías 3:1

Take ch'aman Diosasti siwa: “Nayaw mayni qhitä nayatac thaqui waquichañapataqui. Cawquïri Tatiturutï jumanacajj thakasipcäyäta, jupasti janc'aquiw temploparojj mantani. ¡Acajj purinjjewa cawquïri qhitatï suma arust'äwi apancani ucajja!”

2 Corintios 3:18

Ucatpï jiwasanacajja, ajanunacasajj jan uca velompi imantatäjjatap laycojj mä espejor uñtatjamaw Tatitun jach'a cancañapatjja c'ajtanjja. Uqhamaraquiw jiwasajj juc'ampi juc'ampi Cristjama tucusctan juc'ampi khanapajj jiwasancatap laycu. Ucwa Ajayüquis uca Tatitojj jiwasanacataquejj luri.

2 Corintios 4:6

Diosajj khanapjja ch'amacan khantaycäna, uca pachpa Diosaraquiw khanapjja chuymanacasan khanayi. Uca khanampisti Diosan c'ajquir cancañapajj Jesucriston ajanupan khanquis uc uñt'apjjañasataquiwa.

1 Juan 3:2

Munat jilatanaca, jichhajj Diosan wawanacapäjjtanwa, ucampis janïraw khanañchquistuti cunäcañänitejj tucuy urunacan ucjja. Ucampis yattanwa cunapachatejj Tatit Jesucristojj uñstancani ucqhajja, jupjamaw tucuñäni, cunjämäquitejj jupajj uqhampacha uñcatatas laycu.