Éxodo 29:33 - Qullan Arunaca

³³ Jupanacasti ucanacjja mank'apjjañapawa jupanacan juchanacapajj perdonatäñapataqui loktatätap laycu, cunapachatejj jupanacajj loktatäqui sacerdotëpjjañapataqui ucqha. Ucampis yakhanacajja janiwa ucanacatjja mank'apjjañapäquiti, ucanacajj Tatitur loktatätap laycu.

Aymar Bibliia 1986

³³ Jupanacasti ucanacjja mank'apjjañapawa jupanacan juchanacapajj perdonatäñapataqui loktatätap laycu, cunapachatejj jupanacajj loktatäqui sacerdotëpjjañapataqui ucqha. Ucampis yakhanacajja janiwa ucanacatjja mank'apjjañapäquiti, ucanacajj Tatitur loktatätap laycu.

Qullan Arunaka DC

³³ Jupanakaw uka aycha manq'apxani, juchanakapat pampachäwi jikxatañatak luqtatätap layku, kunapachatix luqtatäpkäna, sacerdote jilïr kankañ katuqapkän ukapacha. Ukampis janiw khiti jan uñt'at jaqis ukanakat manq'añapäkiti, ukanakan qullanätap layku.

Éxodo 29:33 Jak'a apnaqawi uñst'ayäwi

Salmos 22:26

T'akhesiyat jakenaca, sist'asiñcam mank'apjjam, Tatitur thakerinaca, jupar jach'añchapjjam: walja maranac jacapjjaraquim.

Éxodo 29:32

Aaronampi, uqhamarac wawanacapampiw uca ovejan aychapampi, canastilloncqui uca t'ant'ampjja mank'asipjjani, Tatitumpi Jiquisiñ Carpa puncu jac'ana.

Levítico 1:4

Amparampi uca uywan p'ekepjjaru lokjjatasa, uqhamat uca uywajj jupa lanti catokatäñapataqui, uca jakesti juchanacapat pampachatäñapataquiraqui.

Levítico 10:12

Ucjjarusti Moisesajj Aaronampiru, Eleazarampiru, Itamarampiru, cawquïrinacatejj Aaronan pani jilt'iri yokanacapäcän ucanacaruw saraquïna: —Tatitur nact'ayata loktäwinacatjja cuna granonacat loktäwitejj jilt'qui ucanaca apsusinjjapjjam, ucatsti jan levadurani mank'apjjaraquim altar jac'ana, ucajj sinti kollanätap laycu.

Números 1:51

Ucatsti cunapachatejj uca Tatitumpi Jiquisiñ Carpajj mä chekat mä chekaru apatäni ucqhajj jupanacaw apapjjani, jupanacaraquiw ucqhansa jararapjjaraquini, wasitatsa sayt'ayapjjaraquini ucaru puriñataqui. Take cawquïri yakha jakenacatejj uca kollan chekaru jac'achasini, ucajj juchañchasin jiwayatäniwa.

Números 16:40

Ucasti israelitanacan amtasipjjañapataquïnwa, Aarón chachan wawanacapat sipansa, janiraquiw qhitisa altarar jac'achasiñapäcänti, Tatituru incienso loktañataquejja. Janitejj ist'asipcani ucqhajja, Coré chacharu, jilanacapampiru pasqui uqhamaw lurasiraquini cawquïri jaketejj loktañ munqui ucampejja. Uqhamaw phokhasïna cunjämatejj Tatitojj Eleazarar siscatayna Moisés toke uqhamarjama.

Números 16:5

ucatsti Coré jakempiru, arquirinacapampirojj sänwa: —Arumanthiw Tatitojj yatiyani qhitis jupanqui, qhitiraquisa jupar catuyata, qhitisa juparu ofrendanac churaspa ucanaca, cawquïrirutejj jupajj ajlliscani, ucaquiw ofrendjja loktaraquini.

Números 18:4

Uqhamaraquiw yanapapjjätam Jiquisiñ Carpan luräwinacapampejja take loktäwinacan lurañanacampi. Ucampisa janiw cawquïri jan uñt'at jakesa jumanacar jac'achasiñapäquiti.

Números 18:7

Ucampisa, jumampi wawanacamampiquiw sacerdoten luräwinacapjja, altarana velo khepäjjansa lurapjjäta. Aca lurañasti jumanacaruw wact'apjjtam, nayaraquiw uca sacerdote luräwinac churapjjäma. Ucampisa cawquïritejj sacerdotet sarnakani jan cunäcasa, ucasti juchañchasin jiwayatäniwa.”

Números 3:10

sacerdocio lurañanacsti Aaronan wawanacapan amparaparu jaytaraquim. Maynitejj jan cunäcasina sacerdotet sarnakani ucajj juchañchasin jiwayatäniwa.”

Números 3:38

Inti jalsu toketsti, kollan lugar uñcatasita, Tatitumpi Jiquisiñ Carpäquis uca nayräjjarojj, Moisesampi, Aaronampiw puripjjäna, uqhamaraqui Aarón chachan wawanacapa, jupanacasti kollan lugar uñjapjjäna, maynïri israelitanac lanti. Ucatsti cawquïritejj jan cunäcasin sacerdotenacan lurañanacap lurän ucajj juchañchasin jiwayatänwa.

1 Corintios 11:24

yuspagarasinsti, pachjänwa, ucat säna: “Mank'apjjam, acajj janchejjawa jumanac laycuraquiw t'unjata. Acsti nayat amtasis lurapjjam” sasa.

1 Corintios 11:26

Uqhamat sapa cuti jumanacajj aca t'ant'a mank'apcäta, uqhamarac aca copata umapcäta ucqhajja, Tatitun jiwatapwa yatiyasipctajja jupan jutañapcama.