Éxodo 29:30 - Qullan Arunaca

³⁰ Aarón khepatsti cawquïr wawanacapan wawanacapay sacerdotëchini ucajja kollan chekaru sacrificio loktir mantañataquejja pakallko uruwa uca sacerdote isjja uchasiñapajja.

Aymar Bibliia 1986

³⁰ Aarón khepatsti cawquïr wawanacapan wawanacapay sacerdotëchini ucajja kollan chekaru sacrificio loktir mantañataquejja pakallko uruwa uca sacerdote isjja uchasiñapajja.

Qullan Arunaka DC

³⁰ Aarón qhipatsti wawanakapat khitiy sacerdotet sayt'chini ukaxa, qullan chiqawjar wilañcha luqtir mantañatakix paqallqu uruw uka sacerdote isi uchasiñapa.

Éxodo 29:30 Jak'a apnaqawi uñst'ayäwi

Génesis 8:10

Noesti yakha pakallko urumpwa suyt'äna ucatsti wasitatwa uca palomjja antutnucuraquïna.

Génesis 8:12

Yakha pakallko urumpwa suyt'ascaquïna, ucatsti wasitatwa palomarojj qhitanucuraquïna, ucampis palomajj janiw cuttancjjänti.

Éxodo 12:15

Jumanacasti pakallko uruwa jan levaduran t'ant'a mank'apjjäta, nayrïr uruta kalltasinjja janiwa utanacaman levadurajj utjañapäquiti. Ucampis qhititejja aca pakallko uruna levaduran t'ant'a mank'ani ucajja Israel marcajjatjja apanucutäniwa.

Éxodo 29:29

“Aaronana Tatitur loktat isinacapasti, jupa khepatjja wawanacapataquiraquïniwa cunapachatejj jupanacajj Tatitur loktatäpcaraquini ucqhajja sacerdotëñataqui jilïri cancaña catokapjjañapataqui.

Éxodo 29:31

“Ucjjarusti loktañataquïqui uca orko ovejan aychanacapsti kollan chekanwa phayäta.

Éxodo 29:35

“Uqhamasti cunjämtejj nayajj take siscsma uqhamarjama Aaronampi, uqhamarac wawanacapampejj luram. Jupanacarusti pakallko uruya loktam sacerdotëñataqui jilïr cancaña catokañanacapcama.

Ezequiel 43:26

Uqhamaraquiwa sapüru, pakallko urunacaw sacerdotenacajj altaranac k'omachapjjani, ucat ucsti Tatitur loktañataquiw waquichapjjaraquini.

Levítico 13:5

Uca pakallko urunaca pasjjepansti, wasitatwa uñjjataraquini, ucat uca llagatejj pachpaquïscani, janiraqui juc'ampi llagacht'atäcaraquiniti, ucapachasti wasitatwa yakha pakallko urunacataqui jist'antaraquïni.

Levítico 16:32

Cawquïri sacerdotetejj ajllitäcani, uqhamarac jupajj awquipa lanti sacerdoteta sayt'añapataquisa uscutaraquïni, ucasti cuna loktañanacatejj juchata pampachatäñataquejj waquisqui ucanacwa loktaraquini; jupasti linot lurat isinacampiw isthapisini, cawquïri isinacatejj Tatitur loktatäqui ucanacampi,

Levítico 9:1

Quimsakallko uru sarakatarusti, Moisesajj Aaronampiru, wawanacapampiru, uqhamarac take jilïri jakenacampiruw jawsäna,

Levítico 9:8

Aaronasti altararu jac'achasisinjja, cuna orko vaca kalltejj juchapata loktañataqui irpancänjja ucwa qharinucuraqui.

Números 20:28

Ucqhanwa Moisesajj Aaronarojj sacerdote isipa issuyäna, ucatsti Eleazararuw isintayäna. Uca pachpa kollu patjjanwa Aaronajj jiwjjaraquïna; Moisesampi Eleazarampisti kollutjja sarakanjjapjjänwa.

Hebreos 7:26

Uqhamapï Jesusajj cuna jilïri sacerdottejj suycäyätan ucajja. Jupajj kollanawa, jan juchaniraquiwa, juchaninacats jithektata, alajjpachats juc'amp alayar aptataraqui.