Éxodo 28:36 - Qullan Arunaca

³⁶ “Ucjjarusti korit mä placa luraraquim, ucatsti ucaruwa uchäta, mä sellöcaspas ucar uñtata, aca arunaca: ‘TATITUR CATUYATAWA’ sasa.

Aymar Bibliia 1986

³⁶ “Ucjjarusti korit mä placa luraraquim, ucatsti ucaruwa uchäta, mä sellöcaspas ucar uñtata, aca arunaca: “TATITUR CATUYATAWA” sasa.

Qullan Arunaka DC

³⁶ “Ukxarusti suma qurit mä placa luräta, ukarusti mä chimpükaspas ukham aka arunak uchäta: ‘Tatitur katuyata’ sasa.

Éxodo 28:36 Jak'a apnaqawi uñst'ayäwi

1 Crónicas 23:13

Amram chachan wawanacapasti acanacäpjjänwa: Aarón, Moisés ucanaca. Aarón chachasti Diosan ajllitänwa kollana ofrendanaca loktañapataqui, ucatsti Tatitun nayrakatapana incienso naqhayañapataqui, sirviñataqui, bendición arunacsa wiñay arsuñapataqui; uca lurañanacsti Aaronampi, wawanacapampiw wiñayataqui lurapjjañapänjja.

Salmos 93:5

Tatay, arsutanacamajj asquiwa, jan onjjtquiriwa, kollan cancañajj utamar wiñay c'achachiriwa.

Éxodo 19:6

Jumanacasti nayar sirviri sacerdotenacäpjjätawa, uqhamarac nayaru catuyat suma marcaraqui.’ Take acanac israelitanacar yatiyam —sasa.

Éxodo 28:11

Mä joyeruwa uca kalanacarojja sutinacjja lurañapajja, cunjämtejj mä sellojj luratäqui uqhama. Uca paypacha kalanacsti koriru catjjaruyam callachjjaru apjjatañataqui.

Éxodo 28:35

Uqhamasti Aaronajj sacerdoten lurañanacapa lurañataquejja uca capjja ucht'asiwayañapapuniwa, uqhamata cunapachatejj kollana sat chekaru Tatitun nayrakatapar mantcani, jan ucajj mistuncanisa ucqhajja uca campanillanacana suenatapajj ist'asiñapataqui, uqhamatwa jupajj jan jiwcaniti.

Éxodo 28:37

Uca placjja ucham turbante sat p'ekeru uchasiñatac luratäqui uca nayräjjaru, ucatjja azul hilompiw ch'okjjatäta jan jalaktañapataqui.

Éxodo 28:9

“Uqhamarac ónice sat pä suma wila kalanac catum, ucatsti ucaruw uchäta Israelan wawanacapan sutinacapjja,

Éxodo 29:6

Ucjjarusti p'ekerojj turbante sata ucharaquïta, ucampis uca turbante patjjarojj ucharaquim lurcta uca placa, uqhamata uñacht'ayañapataqui suma loktata sacerdotëtapa.

Éxodo 39:27

Ucjjarusti lurapjjaraquïnwa túnica sat isinaca lino sat suma hilonacata Aaronataqui uqhamarac wawanacapataquisa mä suma p'itirin p'itata.

Éxodo 39:30

Ucjjarusti lurapjjaraquïnwa mä placa koritcamaqui, uca placajja uñacht'ayañapataqui Tatitur loktat sacerdotëtapa, ucatsti uca placarojj mä sellöcaspas uqhamwa lurapjjäna, ucatjja ucaruw uchapjjäna “Tatitur catuyatawa” sasa.

Éxodo 39:31

Ucjjarusti mä morado cordonwa uchapjjäna uca placa catuyañataqui, turbante amsta tokeru. Cunjämtejj Tatitojj Moisesar siscäna uqhamarjama.

Isaías 23:18

Ucampisa uca jicjjatatanacapasti Tatituru loktatäniwa, janiw imatäcaniti, janiraquiw imañ utanacarus uscutäcaniti, jan ucasti qhitinacatejj Tatitur yupaychapqui ucanacar churatäniwa walja mank'añanac alasipjjañapataqui, uqhamarac suma isinacsa.

Ezequiel 43:12

Ucaw templon leyinacapajja, uca kolluna take orake temploru muytatäquis uca chekajj sinti kollana sataraquïniwa” sasa.

Levítico 10:3

Ucatsti Moisesajj Aaronarojj saraquïnwa: —Tatitojj acpï sañ munänjja cunapachatejj siscäna: ‘Qhitinacatejj nayaru jac'achasipjjetani ucanacarusti k'oma cancañajjwa uñacht'ayäjja, take israelitanacarusti c'ajquir khanajjwa uñacht'ayaraquëjja’ —sasa. Aaronasti uca arunaca ist'asajj janiw cunsa siscjjänti.

Levítico 19:2

“Israelita jakenacarusti aqham saraquim: Jumanacasti kollanäpjjam, naya Tatitu Diosamasti kollanätwa.

Levítico 8:9

Ucatsti mä ch'okañampiw p'eketjja ch'okantaraqui, nayräjja para patjjarusti, cuna kori placatejj utjcän ucwa ucharaquïna, ucawa sacerdoteru tucuyjjaraqui, cunjämtejj Tatitojj Moisesaru siscatayna uqhamarjama.

Zacarías 14:20

Uca urojja caballonacan campanillanacapasa “Tatitur catuyata” sat kellkanacanïniwa. Ucapachaw templonquir phuqhunacasa kollanaraquïni altar nayrakatanquir jach'a tasanacjamaraqui.

Hebreos 12:14

Takenimpis suman sarnakasiñ thakapjjam, k'oma jacañan sarnakasa, jan ucampisti janiw qhitis Tatitur uñcatcaspati.

Hebreos 7:26

Uqhamapï Jesusajj cuna jilïri sacerdottejj suycäyätan ucajja. Jupajj kollanawa, jan juchaniraquiwa, juchaninacats jithektata, alajjpachats juc'amp alayar aptataraqui.

1 Pedro 2:9

Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.

Apocalipsis 21:27

Janipuniw uca marcarojj cuna k'añus mantcaniti, ni qhiti jan walinacasa, uqhamarac sallkjañanaca luririsa. Qhitinacatejj Corderon jacañ libropan kellkatäquis ucanacaquiw uca marcarojj mantapjjani.