Éxodo 26:31 - Qullan Arunaca

³¹ “Ucjjarusti luraraquïtawa mä velo azul telata, wila morado telata, wila telata, uqhamarac lino sat hilo c'anthitata. Ucatsti uca velorojja pä angelanacwa luräta suma bordata.

Aymar Bibliia 1986

³¹ “Ucjjarusti luraraquïtawa mä velo azul telata, wila morado telata, wila telata, uqhamarac lino sat hilo c'anthitata. Ucatsti uca velorojja pä angelanacwa luräta suma bordata.

Qullan Arunaka DC

³¹ “Ukxarusti morado telat mä cortina luräta, sajuna telata, wila telata, suma lino k'anthitata, uka cortinxarusti pä chhiqhaninak sum p'itakipayäta.

Éxodo 26:31 Jak'a apnaqawi uñst'ayäwi

2 Crónicas 3:14

Ucatsti luraraquïnwa wila morado telata cortinanaca, púrpura, uqhamarac lino ucataraqui, ucanacarusti chhekhanacan angelanacampiw bordayaraquïna.

Salmos 137:5

Jerusalén marca, jumat armasirisma ucajja, cupi amparajjajj jan aytquir tucpan.

Éxodo 25:18

Ucatsti pani querubines sat angelanac koritcamaqui luraraquïta martillompi lek'suta, ucatjja arcarojj purap thiyaruw uchäta.

Éxodo 25:4

morado tela, púrpura sat tela, wila tela, lino sat kokata suma lurat hilo, cabritonacan t'awrapa,

Éxodo 26:1

“Tatitumpi Jiquisiñ Carpsti tunca cortinani luräta, uca cortinanacajja lino sat hilonaca c'anthitata luratäñapawa, suma azul telata, morado telata, uqhamarac wila telata, ucasti querubines sat angelanacampi suma bordatäñapawa.

Éxodo 26:32

Ucatsti acacia sat lawat lurat pusi postenacaru warct'am, korit lurat ganchonacampi caturayasa. Ucampis uca poste lawanacajj patata korimpi lip'suyatäñapawa, aynacharusti kollketa lurat planchampiraquiw uchäta sapa posteru mä planchampi.

Éxodo 27:16

Uqhamarac patioru mantañäqui ucqhasti llätunca metro cortinanïñaparaquiwa lino sat hilo c'anthitat lurat azul telata, wila morado telata, uqhamarac wila telata lurata. Ucampis uca cortinajja suma bordatäñapawa, pusi posteni, pusi broncet lurata planchanacani poste aynachar uchañataqui.

Éxodo 27:21

Ucampis Aaronampi, wawanacapampiw uca lamparanacjja asquichapjjani uqhamata Tatitu nayrakatapanjja jayp'uta arumanthi khantatcama naqhañapataqui tantachasiñ chekanjja, ucasti suma arust'äwiru mantatäqui uca arca jac'ancqui uca velota ankäjjancañapawa. Aca leyisti wiñayataqui churatawa israelitanacaru, uqhamarac wawanacapan wawanacapataquisa.

Éxodo 28:15

“Luraraquïtawa pectoral sat isi asqui uñjañ yänacani cunjämtejj efod sat isi lurctajja uqhama, suma bordata. Aca isjja lurätawa korita, azul telata, wila morado telata, wila telata, ucanacasti lino sat hilo c'anthitat luratäñapawa.

Éxodo 35:12

arcjja callañanacapampi, tapampi uqhama, uca quipcarac imjjatqui uca velopsa,

Éxodo 35:25

Uca quipcarac take suma amuyt'an warminacasti amparanacapampejj kapupjjaraquïnwa azul, wila morado, wila ch'anqhanaca, uqhamarac lino sat suma hilonacsa.

Éxodo 35:35

Ucat jupanacarusti take cunanac lurañ amuyumpiw phokt'i planonac lurañanacampi azul telaru, wila morado telaru, wila telaru, lino sat suma fino hilompi bordañanaca, uqhamarac yakha suma yänacampi lurañanaca.

Éxodo 35:6

Uqhamarac azul tela, wila morado tela, wila tela, lino sat suma hilo, cabriton t'awrapa,

Éxodo 36:35

Ucjjarusti luraraquïnwa velo sat cortinanaca azul telata, wila morado telata, wila telata, lino sat suma c'anthita hilonacata, ucatsti uca velorojja pä angelanacaracwa suma bordantaraquïna.

Éxodo 36:36

Ucatsti korit lurat ganchonacampiw acacia sat lawat lurat pusi postenacaru warccatapjjäna, uca postenacasti korimpi lip'suyatcamaquïnwa, aynach mankherusti kollket lurat pusi planchanacampiraquiw uchapjjaraquïna.

Éxodo 36:8

Qhitinacatejj mayninacat sipansa juc'ampi suma lurañanac yatipcäna ucanacajja Tatitumpi Jiquisiñ Carpwa lurapjjäna. Jupanacasti lurapjjänwa tunca cortinanaca lino sat hilota azul tela, wila morado tela, wila tela, ucatsti ucanacaruw bordapjjäna pä angelanaca.

Éxodo 38:23

Jupan yanapiripasti Ahisamac sat chachan Aholiab yokapänwa Dan sat tributa, jupasti herrerönwa, uqhamarac p'itiri, borderi azul telanacata, wila morado telanacata, wila telanacata, lino sat suma hilonacampi.

Éxodo 40:21

Ucatsti uca carpa mankheruw arcjja uchäna, ucampis velo sat cortinaraqui ucharaquïna arcaru imt'añapataqui cunjämtejj Tatitojj Moisesar siscäna uqhamarjama.

Éxodo 40:3

Uca mankherusti uchätawa arca, ucatsti velompiraquiw jist'akaraquïta.

Cantar de los cantares 7:1

¡Reyin phuchapa, cunja sumasa juman cayunacamajj wisqhumanjja! Jiqhaniman muytapasti suma korita lurat c'achachatjamawa suma yatirin amparapampi lurt'atjama.

Levítico 16:15

uca khepatwa cabritorojj jiwayjjaraquini, jakenacan juchanacapata mä sacrificiöcaspasa uqhama, ucatsti uca wiljja velo khepäjjaruw apjjaraquini; uca mankhanwa taparojj patjjata uqhamarac nayräjjata ch'allt'ani, cunjämtejj vacan wilapampejj ch'allt'cäna uqhama.

Levítico 16:2

Ucat Tatitojj Moisesarojj aqham saraquïnwa: “Aarón jilamarojj saraquim, jan cuna horasasa mantacpati cawquïri kollan chekantejj velo khepäjjan utjqui uca chekarojja, uqhamaraqui cawquïri tapatejj arca khophitäqui juchat pampachatäñataqui uca nayrakatarusa, jan jiwarapjjañapataqui; nayasti mä kenayanwa uñstaraquï uca juchat pampachatäñäqui uca tapa patjjana.

Números 4:5

Cunapachatejj takpach marcajj sarjjaruña munani ucqhajj Aaronampi wawanacapampejj kollan velonaca apakapjjani puncu mantañata, ucatsti Arust'äwi Arcaruw ucampi janjjatapjjani,

Mateo 27:51

Ucapachaw templonquir uca jach'a cortinajj payaru ch'iyjtawayjjäna, amstat kalltasina aynachcam tucuyasa. Orakes qhathatiraquïnwa, karkanacasti ch'iyatattaraquïnwa.

Marcos 15:38

Ucapachasti temploncquis uca jach'a cortinajj payaruw ch'iyjtawayäna, amstat aynacharu.

Lucas 23:45

Intejj ch'amact'awayänwa, ucatsti templon cortinajj payaruw chic chicat ch'iyjtäna.

Efesios 2:14

Cristow sumancayirisajja, jupajj judionacsa jan judionacsa mä sap marcacwa tucuyawayi cawquïr uñisiñatejj mä perkjama jaljcäna uc t'unjasina.