Éxodo 25:40 - Qullan Arunaca

⁴⁰ Jichhasti suma amuyumpi luram cunjämtejj kollunjja uñacht'aycsma uca quipcaqui.

Aymar Bibliia 1986

⁴⁰ Jichhasti suma amuyumpi luram cunjämtejj kollunjja uñacht'aycsma uca quipcaqui.

Qullan Arunaka DC

⁴⁰ suma amuyumpiw luräta, qullun uñacht'ayksma ukhamarjama.

Éxodo 25:40 Jak'a apnaqawi uñst'ayäwi

1 Crónicas 28:11

Ucatsti Davidajj Salomón yokaparojj plano churäna, templon puncupata, utanacapata, imaña utanacata, utanacapata, patäjja utanacapatsa, mankhëjja utanacapatsa, uqhamarac Sinti Kollana utatsa.

1 Crónicas 28:19

“Take acanacaw kellkatäna Tatitojj Davidaru uñstasina arut aru kellkaycäna ucajja, ucansti take lurañanacaw suma khanañchatäna, cunanacatejj planorjama lurasiñapäcäna ucanacajja.”

2 Crónicas 4:7

Ucjjarojj korita tunca candelabronaca lurayaraquïna, cunjämatï lurañapäcäna uqhamaru, ucatsti temploruwa uchayäna, cupëjjarojja pheska, ch'ekäjjarusti pheskaraqui.

Éxodo 25:39

Candelero, uqhamarac yänacapsa lurätawa suma koritcamaqui quimsa tunca quimsan kilonacata.

Éxodo 25:9

Ucampis uca utjäwjja, uqhamarac take yänacapsa cunjämtejj nayajj uñacht'aycäma uqhamarjamaw luräta.

Éxodo 26:30

Uqhamasti uca Tatitumpi Jiquisiñ Carpjja cunjämtejj kollunjja uñacht'aycsma ucar uñtatwa luräta.

Éxodo 27:8

Uqhamasti uca altarjja p'iywa luräta lawata, cunjämtejj kollun uñjctajja uca quipcaqui.

Éxodo 31:11

Ucatsti loktañataqui aceite, uqhamarac suma k'apquir incienso kollan chekan lurapjjañaparaqui. Jupanacasti take cunsa lurapjjañapawa cunjämtejj nayajj siscsma uqhamarjama.”

Éxodo 36:2

Moisesasti jawsänwa Bezaleel, Aholiab, uqhamarac take suma amuyumpi cunanacsa lurir chachanacaru; Tatitusti jupanacaruw churäna yatiña, jupanacajj chuymapatjamwa jutapjjäna uca lurañanacaru yanapirejja.

Números 8:4

Candelabrojj korita martillompi lek'sutänwa cayuta p'ekecama, Moisesasti uca candelerjja luränwa cunjämatï Tatitojj siscatayna uqhamarjama.

Hechos 7:44

“Awquinacasanjja utjänwa wasaranjja arust'äwi carpa, ucasti luratänwa cunjämtejj Diosajj Moisés toke arscäna uqhamaru, saraquïnwa cunapachatejj lurapcäta ucqhasti cunjämtejj uñjcta uqhamäñapawa.

Hebreos 8:5

Aca sacerdotenacasti cunatejj alajjpach yänacan ch'iwipäqui ucanac tokequiw jupanacajj sirvipjje. Yattanwa ucanacajj mä copiaquiwa. Cunapachatejj Moisesajj santuario lurañapäcän ucqhajja, Diosajj sänwa: “Wal amuyam cuntejj kollunjj uñacht'aycsma ucar uñtatwa take cuns luräta” sasa.

Josué 22:28

Cawquïritï nanacaru, uqhamarac wawanacajjarusa uqham sapjjetaspa ucqhajj nanacasti jupanacarojj sapjjeristwa: ‘Uñtapjjam, awquinacajjasti aca mä altar Diosataqui lurapjjäna, Diosan altarap quipcaqui, ucasti janiwa naqhantayañataqui, uywanac loktañataquiti ni cuna wilañchanac loktañataquisa, jan ucasti mä suma amtasïwit sirviñapataquiwa jumanacampi, nanacampi’ sasa.