Éxodo 25:30 - Qullan Arunaca

³⁰ Uca mesarojj sapa cutipuniw t'ant'jja uchäta nayan nayrakatajjanjja.

Aymar Bibliia 1986

³⁰ Uca mesarojj sapa cutipuniw t'ant'jja uchäta nayan nayrakatajjanjja.

Qullan Arunaka DC

³⁰ Uka mesa patxarusti, nayatak yaqhachat t'ant'xa naya nayraqataxar uchapunïtawa.

Éxodo 25:30 Jak'a apnaqawi uñst'ayäwi

1 Reyes 7:48

Uqhamaraquiw Salomonajj lurayaraquïna Tatitun templopana maynïr yänacajj utjqui ucanaca: korit lurata altara, kori mesa, ucaruraquiw Tatitur loktat t'ant'anacjja uchapjjerïna,

1 Crónicas 23:29

Jupanacasti utt'ayatäpjjänwa kollan t'ant'a lurapjjañapataqui sekequi uchapjjañapataquiraqui granonacata ofrenda jac'üqui ucata, jan levaduran tortanacata, sartenat phayat ofrendanacata, chaput masanacata, ucjjarusti take pesanacatsa, uqhamarac tupuñanacatsa.

1 Crónicas 9:32

Coatitanacata yakhep familianacapawa utt'ayatäpjjäna loktaña t'ant'anaca waquichañana, jupanacasti sekequi uchapjjerïna, sapa samarañ urunacana.

2 Crónicas 13:11

Jupanacasti alwata jayp'ucamaw Tatitur loktapjje take naqhat loktäwinaca, uqhamarac inciensonacsa, ucatsti uchapjjaraquiwa k'oma mesaru t'ant'anaca cunjämatï lurañapäpqui ucarjama, jayp'unacasa lamparanacwa nactayapjjaraqui, ucanacasti korit lurat candelabronacanwa naqhayi. Cuntï nanacan Tatit Diosajjajj sapquitäna ucwa nanacajj phokhapjjta uca laycu, ucampis jumanacajj apanucuwayapjjtawa.

2 Crónicas 2:3

Ucatsti Salomonajj Tironquir Hiram reyirojj yatiyänwa qhitanacap tokejja, aqham sasa: “Jumajj cunjämtï David awquejjampejja lurcäyätajja uqhama luraraquim, jumajj awquejjarojj cedro madera apayanïyätajja, reyi utap lurayascän ucapachajja.

2 Crónicas 2:4

Nayajj mä templo Tatitu Diosajjataqui lurayäjja, jupar loktañajjataqui, jupar jach'achañataqui, perfumenaca nact'ayañajjataqui, jupataqui wiñay seke t'ant'anaca loktañajjataqui, uqhamarac alwasa, jayp'usa sacrificionac nact'ayasina loktañjjataqui, samarañ urunacana, phajjsi kallta urunacana, uqhamarac Tatit Diosar jach'achañataqui yakha fiestanacansa, ucanacasti lurasipuniwa Israel marcanjja.

Éxodo 35:13

mesa callañapamppacha, uqhamarac take yänacapampi; t'ant'sti Tatitun nayrakatapar uchañataqui,

Éxodo 39:36

Mesjja take yänacapampi, uqhamarac Tatitun nayrakatapancqui uca t'ant'sa.

Éxodo 40:23

Mesa patjjarojja t'ant'anac sum uchäna Tatitun nayrakataparu, cunjämtejj Tatitojj siscäna uqhamarjama.

Éxodo 40:4

Mankhëjjarojj ucharaquïtawa mesa suma asquicht'asa cunanacatejj mesaru uchañajj waquisqui ucanacsa, uqhamarac candelersa ucharaquim, uca patjjarojj uchjjaraquïtawa lamparanaca nina naqhayañataqui.

Ezequiel 41:22

Sinti Kollana sat Lugara uñcatasinsti, mayaw utjaraquïna maderat lurat altarar uñtata, thiyanacapasti mä metroncamaraquïnwa, amstarusti mä metro chicatancamaraqui. Esquinanacanïnwa, thiyanacapasa utt'äwipasa maderat lurataraquïnwa. Ucat uca jakejj saraquitu: “Aca mesajj Tatitun nayrakatapancquisa uca mesawa” sasa.

Malaquías 1:12

Ucampisa jumanacajj ñankhachapjjestawa. Altarajjajj mesajjäcaspas uqhamwa amuyapjjtajja; ‘Uchatäqui uca mank'anacas k'añuwa’ sasaw jisc'achapjjtajja.

Malaquías 1:7

Jumanacasti nayan altarajjarojj k'añu t'ant'anaca apanipjjtajja, ucatsti sasipcactawa: ‘¿Cunanarac jumarusti ñankhachapjjsma?’ sasa. Jumanacasti nayarojj ñankhachapjjestawa cunapachatï amuyapcta altarajjajj janis cuna yäkañäcaspa uqhama, ucapacha.

Números 4:7

Ucatsti loktaña mesa patjjarojj mä morado telampiw janjjatapjjaraquini, uca patjjaruw uchapjjaraquini platonaca, cucharonanaca, copanaca, jarranaca vino loktañataqui, uqhamaraqui sapür loktañ t'ant'anacsa.

Mateo 12:4

Diosan utapar mantasinjja, kollanäquis uca t'ant'anacwa mank'antäna, ucasti janiw juparojj wact'cänti ni amigonacaparus uca mank'añapajja, jan ucasti sacerdotenacaquiw mank'añapäna.

Hebreos 9:2

Uca santuariosti aqham uscutänwa: Nayräjjancquis uca Kollan Chekäquis ucawjanjja utjänwa mä candelabrompi, mä kollan t'ant'anac uchañ mesampi.

1 Samuel 21:4

Sacerdotesti saraquïnwa: —Cuna t'ant'a apt'atäctejj ucajj janiw aleka t'ant'aquïquiti, jan ucasti Tatitur loktatawa. Ucampisa churämawa jakenacamatejj jan warminacampi jac'ascani ucapachajja.

1 Samuel 21:5

Davidasti jan camscayaraquiw arsüna: —Cunjämatejj nanacajj guerrancasipcapuntjja, uqhamasti nanacajj janiw warminacampejj jac'asitäpcti. Aca jutäwejja, aleka jutañaquïcchi ucasa, cunapachatejj mistunipcta ucapachajj jakenacajjajj k'omäsipcänwa, uqhamasti jichhajj chekpachansa k'omaquïsipquiwa —sasa.

1 Samuel 21:6

Uqhamasti sacerdotejj uca Tatitur loktata t'ant'jja Davidaruw churjjäna. Ucansti janiraquiw yakha t'ant'ajj utjcänti, uca loktat t'ant'anacaquïnwa, uca quipca urpacharaquiw altaratjja apakatäjjäna, ucat uca lantjja junt'u t'ant'a uscjjañataqui.