Éxodo 25:21 - Qullan Arunaca

²¹ Ucampis uca arca patjjarojj juchanacat pampachatäñataqui ofrenda loktañäquis uca, uqhamarac cuna amtäwinactejj lurctan ucanac uchäta, ucatsti tapampiw khopjjatjjäta.

Aymar Bibliia 1986

²¹ Ucampis uca arca patjjarojj juchanacat pampachatäñataqui ofrenda loktañäquis uca, uqhamarac cuna amtäwinactejj lurctan ucanac uchäta, ucatsti tapampiw khopjjatjjäta.

Qullan Arunaka DC

²¹ Ukatsti uka qhuphiñ arca patxar uchäta, uka arca manqhirusti churkäma uka kamachi uchäta.

Éxodo 25:21 Jak'a apnaqawi uñst'ayäwi

1 Reyes 8:9

Arcanjja janiw cuna yakhas utjcänti, jan ucasti Moisesajj Horeb chekana kalat lurat pä tablanaca uchcäna ucaquiwa ucancäna, Egiptot mistunipcäna ucqha Tatitojj sumancäwir tablanaca israelitanacampi lurcäna uca.

2 Crónicas 23:11

Ucatsti Joiada sacerdotempi, yokanacapampejja reyin yokaparuwa irpsunipjjäna, corona p'ekepjjaru uchasa, uqhamarac catuyapjjäna Diosan leyi kellkatanacapa. Juparu aceitempi warjjatasinjja, reyitwa utt'ayapjjäna. Ucatsti takeniwa cusisiñat art'apjjäna: “¡Jacpan reyejja!” sasa.

Éxodo 16:34

Tatitun Moisesaru arsutaparjamasti Aaronajj phuqhu uchäna Tatitun altarap nayrakataru, ucaru maná t'ant'ajj imatäñapataqui.

Éxodo 26:34

Arcjja kollanansa kollanapa sat chekaruw uchäta tapampi khopjjatasina.

Éxodo 30:6

Uca altarjja uchätawa sumar mantäwi arca imt'qui uca velo nayräjjaru, uca chekanwa nayajj jumampi jiquisëjja.

Éxodo 40:20

Ucampis Moisesajj Diosan tunca camachi arunacapanïqui uca tablanacsti arca mankheruw apantäna. Ucjjarusti arcarojj morok'o lawanacwa ucharaquïna callañataqui, patjjarusti tapampiraquiw khopjjataraquïna.

Levítico 16:13

uca inciensti Tatitun nayrakatapancqui uca ninjjaruw jach'jjataraquini, ucat uca incienso jiwk'esti cuna tapatejj arca khopjjatatäqui juchat pampachatäñataqui ucaruw chhaktayaraquini, cawquïritejj amtäwi arcäqui ucaru. Uqhamatwa Aaronajj jan jiwcaraquiniti.

Levítico 16:2

Ucat Tatitojj Moisesarojj aqham saraquïnwa: “Aarón jilamarojj saraquim, jan cuna horasasa mantacpati cawquïri kollan chekantejj velo khepäjjan utjqui uca chekarojja, uqhamaraqui cawquïri tapatejj arca khophitäqui juchat pampachatäñataqui uca nayrakatarusa, jan jiwarapjjañapataqui; nayasti mä kenayanwa uñstaraquï uca juchat pampachatäñäqui uca tapa patjjana.

Números 17:4

Ucanacsti uchaniraquïtaw Jiquisiñ Carparu, sumancayiri arcan uñcatasiparu, cawqhantejj nayajj jumanacampi jiquiscta ucqharu.

Números 7:89

Cunapachatï Moisesajj mantcäna Tatitumpi Jiquisiñ Carparu, Tatitumpi parlañataqui, ist'änwa Tatitu Diosan juparu parlascatapa, suma Arust'äwiru Mantañ Arca imañ patata, uca pä chhekhan angelanac taypita.

Romanos 10:4

Cristow Moisesan leyipjja tucuyawayjje, ucatsti take qhititejj jupar iyawsqui ucanacajj Dios nayrakatan catokatäñapataqui.

Deuteronomio 10:5

ucatsti nayajj kolluta apanisajj; uca maderat lurat arcaruwa imaraquïyäta, cunjämatï Tatitu Diosajj sisquitäna uqhama, ucanwa jichhacama imatäscaraqui.”