Éxodo 25:10 - Qullan Arunaca

¹⁰ “Acacia sat maderatjja mä arca lurapjjäta, ucan tupupasti aqhamäñapawa: largorojja mä metro tunca centimetroni, anchorusti sojjta tunca pheskan centimetroni, altorusti sojjta tunca pheskan centimetroraquiqui.

Aymar Bibliia 1986

¹⁰ “Acacia sat maderatjja mä arca lurapjjäta, ucan tupupasti aqhamäñapawa: largorojja mä metro tunca centimetroni, anchorusti sojjta tunca pheskan centimetroni, altorusti sojjta tunca pheskan centimetroraquiqui.

Qullan Arunaka DC

¹⁰ “Ukatsti acacia lawat mä arca luräta, sayt'urux mä metro tunka centimetroni, iranarusti suxta tunka phisqan centimetroni, alayarusti suxta tunka phisqan centimetroni.

Éxodo 25:10 Jak'a apnaqawi uñst'ayäwi

2 Crónicas 8:11

Salomonasti faraonan phuchaparojja Davidana marcapatjja aptayjjaraquïnwa, jupataqui palacio luraycäna ucaru, jupajj amuyänwa Israelanquir David reyin palaciopanjja, warmipan ucan jacañapajj jan asquïtapa, cawqha chekanacarutejj Tatitun arust'äwi arcapajj mantcäna ucqhanacajja kollanätap laycu.

Éxodo 31:7

Tatitumpi Jiquisiñ Carpa tantachasiñataqui, sumar mantäwi arca, uca arcan tapapa, Carpan take yänacapa,

Éxodo 35:12

arcjja callañanacapampi, tapampi uqhama, uca quipcarac imjjatqui uca velopsa,

Éxodo 39:32

Tatitumpi Jiquisiñ Carpa lurañasti tucuyatäjjänwa. Israelitanacasti take cunanacsa suma phokhata lurapjjäna cunjämtejj Tatitojj Moisesar siscäna uqhamarjama.

Números 3:31

Aca jach'a familianacaraquiw imapjjäna Tatitun Arust'äwi Arcapa, mesapa, candeleropa, altaranacapa, uqhamarac take cunanacatejj yupaychañatac sirvqui ucanacsa, velonacapsa, take yänacapsa.

Números 4:5

Cunapachatejj takpach marcajj sarjjaruña munani ucqhajj Aaronampi wawanacapampejj kollan velonaca apakapjjani puncu mantañata, ucatsti Arust'äwi Arcaruw ucampi janjjatapjjani,

Números 4:6

uca patarusti suma lip'ichinacampiw janjjatapjjaraquini, ucjjarusti sapa morado telampiw janjjatapjjaraquini, ucatwa lawanacampi apañatac uchapjjaraquini.

Hebreos 9:4

Ucansti mä kori altaraw utjaraquïna, incienso naqhayañataqui, uqhamarac arust'äwi arca korimpi apaquipata. Uca arca mankhansti mä kori chatuw ucancäna, maná sat t'ant'araquiw uca chatu mankhancaraquïna, Aaronan ch'ojjñatatcänsa uca varapasa ucancaraquïnwa, uqhamarac arust'äwi kellkat kalanacasa.

Apocalipsis 11:19

Ucatsti alajjpachanjja Tatitun templopaw jist'artäna, Diosan arust'äwi luratanacapäquis uca arcas uñstaraquïnwa. Ucatsti llijullijunaca, khejjokhejjonacaraquiw utjäna, wali ojjoñanaca, orak qhathatis utjaraquïnwa, chhijchhis wal puriraquïna.