Éxodo 23:31 - Qullan Arunaca

³¹ Catuscäta uca orakeman korpapajja aqhamäniwa: Mar Rojo sat kotata filisteonacan Mar Mediterráneo sat jach'a kotapcama, ucqhatsti Arabia ucsa wasarata Eufrates sat jawircama. Ucampis nayajja amparamaruw catuysma uca orakenacan jaquir jakenacarojja jumawa ucatjja alisnucütajja jan jac'amancapjjañapataqui.

Aymar Bibliia 1986

³¹ Catuscäta uca orakeman korpapajja aqhamäniwa: Mar Rojo sat kotata filisteonacan Mar Mediterráneo sat jach'a kotapcama, ucqhatsti Arabia ucsa wasarata Eufrates sat jawircama. Ucampis nayajja amparamaruw catuysma uca orakenacan jaquir jakenacarojja jumawa ucatjja alisnucütajja jan jac'amancapjjañapataqui.

Qullan Arunaka DC

³¹ Uraqiman qurpanakapax akhamäniwa: Mar Rojo qutata, Mar Mediterráneo jach'a qutkama, ukatsti wasarata Éufrates sat jawirkama. Nayaw uka uraqinakan jakir jaqinakarux amparamar katuyäma, jumasti nayraqatamat jupanakar alisnuküta.

Éxodo 23:31 Jak'a apnaqawi uñst'ayäwi

Génesis 15:18

Uca pachpa ururaquiw Tatitojj Abramampejj mä amtäwiru mantäna, saraquïnwa: —Aca orakjja wawanacamaruw churä, Egipto jawirata, Eufrates sata jach'a jawircama.

1 Reyes 11:2

cawquïr marcanacanquir warminacampitejj Diosajj jan muncänjja, israelitanacana casarasipjjañanacapa, jupanacan chuymanacapasti jan yakha diosar apatäpjjañapataqui. Ucampis Salomonajj uca warminacaru munasinwa jupanacampi mayachasïna.

1 Reyes 20:13

Uccañcamasti Israelan Acab reyin nayrakataparusti mä profetaw jutäna, aqham sasa: —Tatitojj aqham siwa: ‘Jumajja uca walja uñisirinacam uñjcta ucasa, nayawa amparamaru jichhürojj catuyäma, juman yatiñamataqui nayajj Tatitötajja’ —sasa.

1 Reyes 4:21

Salomón reyiw take marcanacjjaru apnakäna Eufrates sat uca jawirata filisteonacana orakepcama, uqhamarac Egipto korpacama. Jupanacasti impuestonacwa pagapjjäna, ucatsti Salomón reyiruwa jaysapjjäna jupan jacañapcama.

1 Reyes 4:24

Salomonasti apnakänwa Eufrates ucata inti jalsu toke orakenaca, Tifsa ucata Gaza chekacama, uqhamarac uca orakenquir reyinacarusa, ucatsti sumancañwa utjayaraquïna uca muytpacha orakenacaru.

1 Reyes 8:65

Uca pachpa urunacanjja Salomonajj take Israel walja jakenacampejja Enramadas sat fiestapwa luräna Tatit Diosan sutiparu, uqhamarac yakha pakallk uru fiestampiraqui, takpachasti tunca pusini uru fiestwa luräna. Uca jakenacasti jutapjjänwa Hamat chekaru mantañäquis ucqhata, Egipto jawiratpacha.

2 Crónicas 9:26

Ucatsti Salomonajj wali munañani reyïnwa, take reyinacat sipana, Eufrates jawirata kalltasina, filisteonacana orakepcama, uqhamarac Egipto korpacamaraqui.

Salmos 72:8

Maysa lamar kotat maysa lamar kotcam apnakpan, Eufrates jawirat kalltasa, aca orak tucuscama.

Números 21:34

Ucatsti Tatitojj Moisesarojj sänwa: “Jan ajjsaramti, nayaw amparamar catuysma, take ejercitopa, uqhamarac orakepsa, cunjämtejj Sehón reyirojj lurctajja uqhamwa luräta, cawquïri amorreo reyitejj Hesbón marcana jaccäna ucaru” sasa.

Números 34:2

israelitanacaru aca yatichäwinac yatiyañapataqui: “Niyaw jumanacajj Canaán orakeru mantapjjäta. Aca orakenacaw jumanacar catuyatäni, ucatsti acanacäniw korpanacapajja.

Deuteronomio 1:7

Jichhasti take yänacam apthapisipjjam; sarapjjam amorreonacan kollunacaparu, uqhamaraqui take jupanacancquis uca orakenacarusa: Arabá sat chekaru, kollu orakenacaru, pampanacaru, Néguev sat chekaru, jach'a kota thiyan orakenacaru, cananeonacan orakeparu, Eufrates sat jach'a jawircama.

Deuteronomio 1:8

Nayaw take uca orakenac amparamarcam catuyapjjsma, jichhasti sarapjjamay uca orakenac catuntiri, cawquïrtï naya Diosajj juramentompi arsusina churta nayra awquinacamaru; Abrahamaru, Isaacaru, Jacoboru, uqhamarac wawanacaparusa’ sasa.

Deuteronomio 11:24

Cawqharutï jumanacan cayunacamajj tact'ani ucanacajj jumanacancaniwa. Orakenacaman korpasïwinacapajj lokatatasiniw wasara chekata Líbano sat chekacama; ucatsti Eufrates sat jawirata Mar Mediterráneo sat jach'a kotacama.

Deuteronomio 2:33

Ucampisa jiwasan Tatitu Diosasaw amparanacasar catuyapjjestu jupanacar atipjañasataqui, wawanacaparu, uqhamarac take ejercitoparusa.

Deuteronomio 2:36

Cawquïri marcatï Arnón jawirampi chicäqui, Aroer sat marca, ucatsti cawquïri marcatï valle chekancqui ucatpacha Galaad orakcamajj janiw cawquïri marcas jiwasan amparanacasatjja jaltirjamäpcänti, jiwasan Tatitu Diosasasti take marcanacwa amparasar catuyaraquistu.

Deuteronomio 20:16

Ucampis Tatitu Diosamajj churctam uca oraken marcanacapanjja janiw cunsa jacasquir jaytapjjañamäquiti,

Deuteronomio 3:2

“Ucatsti Diosajj nayarojj sitänwa: ‘Jan jumajj ajjsaramti, nayaw juparu, ejercitoparu, uqhamarac take marcaparu amparamar catuysma, uqhamata Sehón sat amorreonacan reyiparus lurcta uca quipca lurañamataqui, cawquïritï Hesbón marcan jaccäna uca’ sasa.

Deuteronomio 6:19

Uqhamat Tatitu Diosajj take uñisirinacamaru jumanac nayräjjat ananucuñapataqui, cunjämtï arupampi arscäna uqhama.

Deuteronomio 9:3

“Jichhasti jumanacajj yatipjjañamawa, Tatitu Diosamaw jumanacan nayram sarasqui, ucatsti mä ninaru uñtataraquiw akantani, jumanac nayräjjana, t'unjaraquini, jisc'achjaraquini take uca marcanacarojja. Jumanacasti uca marcanacarojj mä nayra ch'ipjjtanacwa t'unjapjjäta, cunjämatï Tatitu Diosajj arupampi arsuwayqui uqhama.

Josué 1:4

Nayasti orakjja churapjjämawa wasara lugaratpacha, uqhamaraqui Líbano kollunaca, jach'a Eufrates sat jawircama, uqhamaraquiw churapjjäma hitita jakenacan take orakenacapa, intis jalantqui ucsa Mediterráneo sat jach'a kotcama.

Josué 10:19

Uccañcamasti jumanacajj janiraqui uca chekan kheparapjjamti, jan ucasti uñisiriru khepa toket nuwantapjjam, uqhamaraqui jan marcanacaparojj cuttayapjjamti, jumanacan Dios Tatitumaw amparanacamar catuyapjjtam uca laycu” sasa.

Josué 10:8

Ucatwa Diosajj Josué chacharojj säna: “Jan jumajj ajjsarayasimti, nayaw jumar catuysma, janiraquiw cawquïri reyis jumampi nuwasiñjja puedcaniti” sasa.

Josué 13:6

Naya Diosaw Israel marcan nayräjjapata uca sidonios sat jakenacar ananucuscä, uqhamaraqui kollu tokenacan jaquir jakenacarusa, Líbano oraketa Misrefot-maim orakcama. Jumasti jichhajj Israel marcaru uca orakenac churañaru, uchasim, cunjämtï nayajj siscsma uqhamar phokhasa.

Josué 2:24

Jupanacasti Josué chacharojj sapjjänwa: “Diosajj take uca orakenac jiwasaruw churistu; jichhasti uca oraken jaquir jakenacajj jiwasat yatisajj wal qhathatipjje” sasa.

Josué 21:44

Tatitojj Israel marcarojj samaraña apanïna, uqhamaraqui arsutapsa phokharaquïnwa. Janiraquiw cawquïri uñisirinacapas jupanac nayräjjan ch'amanïcänti; Diosaraquiw ucanacarojj atipjäna.

Josué 23:14

“Nayasti niyaw jiwjjä, ucampis muntwa jumanacan amtasiñanacama take chuymanacamampi, uqhamaraqui take jacañanacamampiraqui. Diosasti take suma arunacapwa jumanacampi phokhe, cunjämtï jupajj arsüna uqhama. Janiw cuna arunacapas jan phokhasisajj pasawayquiti.

Josué 24:11

Ucatsti jumanacajj Jordán jawir pasanisajja, Jericó marcaruw purinipjjtajja. Amorreonaca, ferezeonaca, cananeonaca, hititanaca, gergeseonaca, heveonaca, jebuseonaca ucanacajj Jericó marcan jaquirinacänwa, jupanacasti jumanacampiw nuwantasipjjäna, ucampis nayaw jumanacar ch'am churapjjsma atipjapjjañamataqui.

Josué 24:12

Uca pani amorreonacan reyiparojj janiw jumanacajj espadampi ni arcompisa atipapctati jan ucasti nayaw chuymanacapar ajjsarañ uchta, jumanac nayrakatana. Ucat jupanacajj janïra jumanacas puripcta jupanac thiyaru ucqhaw jaltjjapjjäna.

Josué 24:18

Juparaquiw jiwasan nayrakatasatjja take marcanacaru jakonucu thaquinjja, uqhamaraqui aca marcan amorreo jaquir jakenacarusa. Take ucanacatsti nanacajj Diosaruquiw sirvipjjä, jupaquiraquiw nanacan Diosajjajja —sasa.

Josué 24:8

Nayaraquiw amorreonacan orakeparojj irpanipjjsma, Jordán jawirat inti jalsu tokeru. Jupanacasti jumanacampiw nuwantasipjjäna, ucampis nayawa ch'am churapjjsma jumanacan atipjapjjañamataqui, uqhamaraqui orakenacapsa catuntasipjjañamataqui.

Josué 8:18

Ucatsti Diosajj Josué chacharojj aqham sänwa: “Jichhasti aca marcarojj t'unjayam, nayaw quipca amparamar catuysma” sasa. Josué chachasti marcarojj t'unjayänwa.

Josué 8:7

Ucapachaw jumanacajj mistunipjjäta cawqharutï imantasipcta ucqhata, ucatsti marcar mantasin t'unjapjjäta, Diosasasti amparanacamaruw uca marcjja catuyapjjätam.

Josué 9:7

Ucatsti israelit jakenacajj jupanacarojj sapjjänwa: —Inas jumanacajj aca jac'anacan jacasipcsta; ¿Cunjämaraqui jumanacampi mä suma amtäwiru mantsnasti? —sasa.

Jueces 1:4

Uqhamaw judänquirinacajj atipjasinjja cananeonacana, ferezeonacana orakenacapa catuntasipjjäna, ucampis jupanacarojja Diosawa yanapasina uqhama atipjayäna. Bezec sat orakensti tunca waranka jakenacaruw atipjapjjäna.

Jueces 11:21

Ucampis Israel marcan Tatitu Diosapaw yanapapjjetu Sehón reyiru, uqhamarac ejercitoparu atipjañataqui, ucata amorreonacan take uca orakenacapa catuntasiñanacajjataqui.

1 Samuel 23:4

Uqhamasti Davidajj wasitatwa Tatiturojj jisct'asiscaquïna, Tatitusti saraquïnwa: —Jumajj sarascaquim Keila marcaru, nayaw amparamaru filisteonacjja catuyascäma —sasa.