Éxodo 22:3 - Qullan Arunaca

³ Ucampis urutejj jiwayani ucajja, jiwayirejj juchañchatäniwa. “Ucatsti lunthatajj pagañapawa cunanactejj lunthatqui ucanacata. Ucampis jan kollkenïcchiti pagañataqui ucajja, waquisiwa lunthatajj aljatäñapa uqhamata lunthatqui uca yänacan alapa pagatäñapataqui.

Aymar Bibliia 1986

³ Ucampis urutejj jiwayani ucajja, jiwayirejj juchañchatäniwa. “Ucatsti lunthatajj pagañapawa cunanactejj lunthatqui ucanacata. Ucampis jan kollkenïcchiti pagañataqui ucajja, waquisiwa lunthatajj aljatäñapa uqhamata lunthatqui uca yänacan alapa pagatäñapataqui.

Qullan Arunaka DC

³ 3 (2) Ukampis inti jalsutattix lunthatar jiwayani ukaxa, jiwayirix juchañchatäniwa. “Lunthatirix kunanaktix lunthatki ukanakat alapxa kutt'ayxañapawa, jan qullqinïkchi ukasti, lunthatatapat kutt'ayxañatakix jupa pachpa aljataw uñjasini.

Éxodo 22:3 Jak'a apnaqawi uñst'ayäwi

Génesis 44:10

Mayordomosti saraquïnwa: —Cunjämtejj sapctajj ucajj phokhaspan, ucampisa, cawquïrittï copa catjcä ucaquiw esclavöjjanejja, mayninacasti librequïsipcätawa.

Éxodo 21:2

“Mä hebreo sirvirtejj aläta ucajja sojjta maraw irnakañapa, ucampis pakallko maranjja librëjjañapawa janiw cunsa pagañapäquiti librëjjatapatjja.

Éxodo 21:34

phuch'unejja uca uywanirojja pagañapawa, ucampis phuch'unejja uca jiwat uywjja catusjjañapawa.

Éxodo 22:2

“Ucampis lunthatarutejj lunthatasquir catjasina nuwjas jiwayapjjani ucajja jiwayirejj janiw juchañchatäcaniti.

Isaías 40:2

Jerusalenarusti munasiñampirac parljjayapjjam, Esclavo sarnakañapajj tucusjjewa sapjjaraquim, jan wali luratanacapatjja phokhjjewa, amparajjatsti mä ucqhampi catokjjaraqui, take juchanacapat mutuyäwi catokañapäcän ucjja.”

Isaías 50:1

Tatitojj siwa: “¡Jan amuyapjjamti nayan Israelaru qhitanucutajj-jja, jupasti taycamawa, cunjämtejj mä jakejj warmiparojj apanucqui uqhama, jan ucajj nayan jumanacar esclavot aljatajjsa, qhitimpisa manunïtajj laycu! Jumanacajj aljatäpjjayätawa, jucha lurapjjatam laycu; jumanacan taycama Israelasti apanucutaraquïnwa, jumanacajj nayatac sayt'asipjjatam laycu.

Mateo 18:25

Uca sirviristi janiw cunampis phokherjamäcänti. Reyejj ucjjarojj siwa: ‘Warmipamppach wawanacapamppach take cunanacapamppach esclavot aljantatäpan, uqhamat uca manupajj phokhatäñapataqui’ sasa.

Jueces 10:7

Ucatpï Diosajj colerasisinjja filisteonacampi, amonitanacampi t'akhesiyatäñarojj catuyänjja.

Jueces 2:14

Uqham uñjasinsti Diosajj Israel marca contra colerasisajja lunthatanacampiw cunanacapatejj jupanacan utjqui ucanaca aparayäna, uqhamarac uca thiyanacan jaquir uñisirinacapampiraquiw tucjayaraquïna, jupanacajja janiw sayt'asipcänti.