Éxodo 19:20 - Qullan Arunaca

²⁰ Tatitusti sarakanïnwa Sinaí kolluru wali alto chekaru. Ucatsti Moisesarojj jawsänwa uca kollur maqhatañapataqui. Ucat Moisesajj maqhatänwa.

Aymar Bibliia 1986

²⁰ Tatitusti sarakanïnwa Sinaí kolluru wali alto chekaru. Ucatsti Moisesarojj jawsänwa uca kollur maqhatañapataqui. Ucat Moisesajj maqhatänwa.

Qullan Arunaka DC

²⁰ Tatitux Sinaí qulluruw saraqanïna, uka patar makhatañapatakiw Moisesar jawsäna. Moisesasti makhatänwa.

Éxodo 19:20 Jak'a apnaqawi uñst'ayäwi

1 Reyes 19:11

Ucatsti Tatitojj sänwa: “Ankar mistunim, ucatsti nayan nayrakatajjanraqui sayt'asiraquim, kollu patjjana” sasa. Uca horasanwa Tatitojj pasawayi, ucatjja mä jach'a wali ch'amani thayawa kolljja allinucuraqui, uqhamarac Tatitun nayrakatapana karkanacjja jaljtayaraqui; ucampis Tatitojj janiw uca thayanccänti. Uca thayjjarusti mä orake qhathatiraquiw utjaraquïna; ucampis Tatitojj janiw uca orake qhathatinccänti.

Nehemías 9:13

“Ucatjja Sinaí kolluruwa sarakaniractajja, uqhamarac jupanacampiraquiwa alajjpachatpacha parlaniractajja; jupanacarusti churtawa suma asqui arsüwinaca, cheka yatichäwinaca, uqhamarac leyinaca, suma camachi arunacampi.

Salmos 81:7

Llaquisiñaman jawsista, nayasti khespiysmawa, khejjoker kenay taypitpach nayajj jaysansma, Meriba phuju jac'an yant'sma.

Éxodo 19:11

Jupanacasti jurpüru alwataquejja suma waquichatäpjjañapawa. Naya Tatitusti jurpür alwaw Sinaí kollurojj sarakanëjja take israelitanacansa uñjcata.

Éxodo 19:3

Ucansti Moisesajj, Diosampi jiquisiñataquiw kollur maqhatäna, ucatsti Tatitojj kollutwa parlanïna: —Yatiyam aca arunaca Jacobon israelita wawanacaparu:

Éxodo 24:15

Uqham sawayasinsti Moisesajj kolluruw maqhatawayäna. Ucatsti kollurojj kenayawa wali urpjjatäna.

Éxodo 24:18

Moisesasti kenay taypinjamwa kollurojj maqhatäna, kollunjja pusi tunca urumpi, pusi tunca arumampiwa ucancäna.

Éxodo 34:2

Uqhamarac waquichasim arumanthi wali alwata Sinaí kolluru maqhataniñataqui. Kollunsti wali alto chekaruwa nayarojj uñstitäta.

Éxodo 34:4

Ucatsti Moisesajj pä tablanacwa kalata luräna nayrïr tablanacjama. Ucat khepärmanthi wali alwatasti uca pä kalat lurata tablanac apjjaruwayasinwa Sinaí kolluru maqhatäna, cunjämtejj Tatitojj siscäna uqhamarjama.

Deuteronomio 33:2

aqham sasa: “Tatitu Diosaw Sinaí kolluta juti; Seir kollutwa khant'aniraquistu; Parán kollunacat khantaniraqui, uqhamaraquiwa jutani Meriba-cades chekata; cupi amparaparu akquir leyinac apt'asita.

Deuteronomio 9:9

Cunapachatï nayajj uca Horeb kolluru maqhatäyäta uca kalat lurat tablanac aptiri, Diosampi jumanacampi suma arust'äwi lurat khanañchir tablanaca ucqhajj, pusi tunca urumpi pusi tunca arumampiw ucancäyäta jan mank'asa ni umasa.