Éxodo 18:14 - Qullan Arunaca

¹⁴ Ucat Moisesan awcch'ipasti, cuntejj Moisesajj israelitanacar lurcän uca uñjasinjja sänwa: —¿Cunsa aca jakenacampi lurta? ¿Cunatsa jumaqui kont'asta, ucampis take jakenacasti jornalpacha sayt'ata sayapjje? —sasa.

Aymar Bibliia 1986

¹⁴ Ucat Moisesan awcch'ipasti, cuntejj Moisesajj israelitanacar lurcän uca uñjasinjja sänwa: —¿Cunsa aca jakenacampi lurta? ¿Cunatsa jumaqui kont'asta, ucampis take jakenacasti jornalpacha sayt'ata sayapjje? —sasa.

Qullan Arunaka DC

¹⁴ Jetró awkch'ipasti, Moisesan luratap uñjasaxa, jupar akham jiskt'äna: —¿Kunatsa ukataq ch'am tukta? Jaqinakax willjtat jayp'ukamaw juman ukar juti. ¿Kunatarak juma sapak jupanakar taripañatak qunt'astasti? —sasa.

Éxodo 18:14 Jak'a apnaqawi uñst'ayäwi

2 Samuel 15:2

Alwat sartasisinjja, thaqui thiyaruw sayt'asïna, marca mantañawjaru, ucatsti take qhitinacatejj uca chekaru purinipcäna cuna toketsa reyina ch'ajjwanac t'akjañapataqui uqhamat cheka uñjäwi jicjjatañataqui. Ucanacarusti jisct'araquïnwa jawsasinjja: “¿Cawqui marcatsa jutapjjta?” sasa. Uca jakenacatejj: “Nayajj Israelan tribunacapanquirïtwa” sän ucapachasti.

Éxodo 18:13

Khepärmanthisti Moisesajj israelitanacan nayrakataparuw kont'asïna jupanac taypina jan walt'ayasiñanacajj utjatapa uñjañataqui. Ucampis israelitanacajj Moisés nayrakatanjja alwat jayp'ucamaw sayt'at sayapjjäna.

Éxodo 18:15

Moisesasti awcch'iparojj saraquïnwa: —Nayan ucarusti jakenacajj jutapjjewa Diosan munañapa yatjjatañataqui.

Éxodo 18:26

Jupanacawa jakenacarojj take horasana jan walt'äwinacapanjja uñjapjjäna. Ucampis sinti jan walinacsti Moisesaruw yatiyapjjäna; jupanacasti cunatejj jisc'a jan walt'añanacäqui ucacwa asquichapjjäna.

Números 15:34

Jupanacasti jac'atwa uñch'uquipjjäna, jan cunas juparu lurañataquejj amtatätap laycu.

Jueces 1:16

Hobab quenita sata Moisesan awcch'ipan wawanacapasti Palmeras sat marcatsti Judá tribunquirinacampiw mistsupjjäna Judá wasararu Arad sat chekata aynacharu. Ucatsti ucaruwa kheparapjjäna ucanquir jakenacampi chica jacañataqui.