Éxodo 14:31 - Qullan Arunaca

³¹ Ucampis israelitanacajja, Tatitojj jach'a ch'amapampi egipcionacar tucjir uñjasinsti wali Tatiturojj ajjsartapjjäna. Ucat Tatiturojj iyawsasaraquiw confiasipjjäna, uqhamarac Moisés sirviriparusa.

Aymar Bibliia 1986

³¹ Ucampis israelitanacajja, Tatitojj jach'a ch'amapampi egipcionacar tucjir uñjasinsti wali Tatiturojj ajjsartapjjäna. Ucat Tatiturojj iyawsasaraquiw confiasipjjäna, uqhamarac Moisés sirviriparusa.

Qullan Arunaka DC

³¹ Israelitanakax kunjämtix Tatitux jach'a ch'amapampi egipcionakar tukjkäna ukanak uñjasinsti, Tatitur axsartapxänwa, ukat jupar iyawsapxäna, Moisés luqtiriparus jaysapxarakïna.

Éxodo 14:31 Jak'a apnaqawi uñst'ayäwi

2 Crónicas 20:20

Khepärmanthisti wali alwatwa sartasipjjäna Tecoa wasara tokeru sarañataqui. Mistuña horasansti Josafat reyejj sayt'asisinwa säna: “Ist'apjjeta Jerusalenanquiri, uqhamarac Judá orakenquir jakenaca: Tatit Diosamaru iyawsapjjam, ucatsti janiw ajjsarapcätati; jaysapjjam profetanacaparu, ucatsti take cunasa jumanacataquejj waliquïscaniwa” sasa.

Nehemías 9:9

Jumajj uñjtawa cunjämsa nayra awquinacajjajja Egiptona t'akhesipjjäna ucjja, uqhamarac ist'aractawa llaquisiñ horasan parlasitanacapjja Mar Rojo sat kota jac'ana.

Salmos 119:120

Janchejjajj nayrakataman ajjsarañat qhathati, camächit arunacam laycuw chuymajj alt'ayta.

Éxodo 19:9

Ucampis Tatitojj Moisesarojj sascaquïnwa: —Uñjätawa, nayasti jumaruw uñstäma wali ch'amac kenay taypita, uqhamata jakenacajj nayajj jumampi parliri ist'apjjañapataqui. Ucata jumarojj iyawsas confiasipjjañapataqui —sasa. Ucampis Moisesajj israelitanacan arsusitanacapjja Tatiturojj yatiyänwa.

Éxodo 4:31

Ucanac uñjasinsti israelit jakenacajj iyawsapjjänwa, Tatitojj jupanacata amtasitapa, uqhamarac t'akhesitanacapsa uñjatapa. Ucatsti jupanacajj quillt'asisaw Diosarojj yupaychapjjäna.

Lucas 8:13

Kala taypiru jalantirïqui uca jathasti acawa: qhitinacatejj Diosan arupa ist'apqui, uqhamarac cusisiñamp catokapjje, ucampis janiw wali saphintatäquiti, mä kawkha pachataquiquiw iyawsapjje. Yant'anaca purinjjepanjja jithektjjapjjaquiwa.

Juan 11:45

Mariaru chuymachiri sarapcatayna uca judionacatjja waljaniw Jesusan luräwinacap uñjasina juparojj iyawsapjjäna.

Juan 2:11

Acjja Jesusajj luränwa Caná sat marcana, Galilea ucsana. Aca milagrojj nayrïr milagrönwa. Uca luräwimpisti ch'amap uñacht'ayäna, yatekerinacapasti juparojj iyawsapjjaraquïnwa.

Hechos 8:13

Quicpa Simonaraquiw iyawsasinjja bautisasjjäna. Felipemp chicaraquiw jupajj sarnakjjäna, muspharcañ milagronaca, uñacht'äwinac uñjatap laycu.

Hebreos 3:5

Uqhamapï, Moisesajj mä suma sirvirjamänjja Diosan utapanjja; jupan lurañapasti cuntejj Diosajj siscani ucanacat parlañänwa.

Josué 24:7

Jupanacasti nayaruw mayipjjetäna, ucatsti nayaw jumanacampi egipcio jakenacampi taypirojj ch'amact'aytjja, uqhamaraquiw uca kotan umanacsa jupanac patjjaru antutt'äyäta. Jumanacasti uñjapjjtawa take cuntï Egipto marcan lurcta ucanacatjja. ‘Ucatsti jumanacajj walja maranacaw wasaran sarnakapjjtajja.

Josué 4:14

Diosasti uca urojj Josué chacharojj wali jach'a jaket uñt'ayäna israelit jakenacampejja, uqhamaraquiw respetayäna cunjämtejj Moisesar lurcäna take sarnakäwipana uqhama.

Josué 4:24

Uqhamatwa take acapachan jaquir jakenacajj yatipjjani cunja ch'amanïquitï Dios Tatitojj uca, ucatsti jumanacajj ajjsarapjjapunim Dios Tatitumarojja” sasa.

1 Samuel 12:16

“Uqhamasti jichhajj jan onjjtapjjamti cawqhancapctatejj uca chekata, cuna jach'a uñacht'äwinactejj Tatitojj jumanacar uñacht'ayapcätam ucanacwa uñjapjjäta.

1 Samuel 12:18

Ucspachaw Samuelojj Tatitur mayïna, ucatsti jupajj ucspachaw khejjokhejjonacampi jallumpi apayanïna, uqhamasti take jakenacaw wali Tatituru, uqhamarac Samuelorus ajjsartapjjäna,