Éxodo 10:26 - Qullan Arunaca

²⁶ Uqhamarac nanacan uywanacajjsa anaquisjjapjjäwa, janiwa mä uywsa jaytawayapcäti, ucanacat ajllisinwa nanacajj Tatiturojj loktapjjäjja. Ucampis qhayaru puriñcamajja cunanacjjay munapjjchï Tatituru yupaychañataquejja, uc janiw yatisipcti —sasa.

Aymar Bibliia 1986

²⁶ Uqhamarac nanacan uywanacajjsa anaquisjjapjjäwa, janiwa mä uywsa jaytawayapcäti, ucanacat ajllisinwa nanacajj Tatiturojj loktapjjäjja. Ucampis qhayaru puriñcamajja cunanacjjay munapjjchï Tatituru yupaychañataquejja, uc janiw yatisipcti —sasa.

Qullan Arunaka DC

²⁶ Ukhamarusa, uywanakaxsa nanakamp chikaw anakisxapxä, janiw mä uywas akan qhiparkaniti, nanakax uka uywanakat ajllisin Tatituruw luqtapxä. Khayar puriñkamax kunanakay Tatitur yupaychañatak wakischini uk janiw yatisipkiti —sasa.

Éxodo 10:26 Jak'a apnaqawi uñst'ayäwi

Éxodo 10:25

Ucampis Moisesajj saraquïnwa: —Juma pachpawa uywanac churawayapjjetäta nanacan Tatitu Diosajjaru sacrificiot nact'ayasin loktanipjjañajjataqui.

Éxodo 10:9

Ucat Moisesajj saraquïnwa: —Nanacajj sarjjapjjäwa jisc'a wawanacajjampi, chuyman awquinacampi, yokanacajjampi, phuchanacajjampi, uqhamarac ovejanacajjampi, vacanacajjampi uqhama, acasti nanacataquejj Tatitun mä jach'a fiestapäniwa.

Éxodo 12:32

Apasjjapjjaraquim ovejanacama, vacanacama cunjämtejj sapcayäta uqhamarjama, ucat sarjjapjjam; ucampis nayataquejja Diosarojj mayipjjaraquim —sasa.

Éxodo 8:27

Nanacasti wasararuwa quimsür sararu sarapjjäjja, ucanwa nanacan Tatitu Diosajjarojj sacrificio loktanipjjäjja, cunjämtejj jupajj nanacar sapquitu uqhamarjama.

Proverbios 3:9

“Tatiturojj take kamir cancañamampi jach'añcham, yapumat nayrïri achunac churañampiraqui;

Isaías 23:18

Ucampisa uca jicjjatatanacapasti Tatituru loktatäniwa, janiw imatäcaniti, janiraquiw imañ utanacarus uscutäcaniti, jan ucasti qhitinacatejj Tatitur yupaychapqui ucanacar churatäniwa walja mank'añanac alasipjjañapataqui, uqhamarac suma isinacsa.

Oseas 5:6

Ovejanacapampi, vacanacapampi cunaw Tatitur thakerejj sarapjjani, ucampis janiw jicjjatapcaniti, jupanacat jayarst'awayjjatap laycu.

Zacarías 14:20

Uca urojja caballonacan campanillanacapasa “Tatitur catuyata” sat kellkanacanïniwa. Ucapachaw templonquir phuqhunacasa kollanaraquïni altar nayrakatanquir jach'a tasanacjamaraqui.

2 Corintios 8:5

Cuntejj suyapcäyät ucat juc'ampsa lurasipcaquïnwa, jupanacpachaw nayrakata Diosarojj catuyasipjjäna, ucjjarusti nanacaruraqui Diosan munañaparjama.

Hebreos 11:8

Iyawsäwi tokeraquiw Abrahamajj cunapachatejj Diosajj jawscäna ucqhajj ist'äna, ucatsti jupajj mistuwayjjänwa cawqharutejj Diosajj orak churañapäcäna ucaru. Orakepat mistusinsti janiw cawcsar sarataps yatiscaraquïnti.