Ester (hebreo) 7:3 - Qullan Arunaca

³ Ucat Ester warmisti saraquïnwa: —Jumatejj Jach'a Rey, munaschista, uqhamarac jumataqui waliquïchini ucajja, nayajj muntwa, Jach'a Rey, mayiracsmawa, jacañajj-jja munaquimaya uqhamarac marcajjan jacañapsa.

Aymar Bibliia 1986

³ Ucat Ester warmisti saraquïnwa: —Jumatejj Jach'a Rey, munaschista, uqhamarac jumataqui waliquïchini ucajja, nayajj muntwa, Jach'a Rey, mayiracsmawa, jacañajj-jja munaquimaya uqhamarac marcajjan jacañapsa.

Qullan Arunaka DC

³ Ester reinasti ukxaruw sarakïna: —Juma reyitix nayar munaschista, jumatak walikïchi ukaxa, nayax muntwa, mayt'asiraksmawa, nayarusa, markaxarus jiwañat qhispiyapxita;

Ester (hebreo) 7:3 Jak'a apnaqawi uñst'ayäwi

1 Reyes 20:31

Ucatsti oficialanacapajj juparojj sapjjänwa: “Nanacajj yatipjjtwa Israelan reyinacapajj suma amtäwir mantasinjja phokherïpjjatapa; uqhamasti chhanqha isinaca uchasiñäni, cuncarusti mä lazoraqui, ucatsti Israelan reyipa nayrakataparu sarañäni, inach jan jiwayquistani” sasa.

2 Reyes 1:13

Ucatsti reyejj quimsïr cutinwa qhitäna mä capitanaru yakha pheska tunca soldadonacampi. Ucampis uca quimsïr capitanajja cawqhanccäntejj Eliasajj ucqhacamawa maqhatäna, ucatsti quillt'asisinjja jupan nayrakatapanjja achict'asïnwa: —Achict'assmawa profeta, nayan jacañajjarojj qhuyapt'ayitaya, uqhamarac aca pheska tunca sirvirinacaman jacañanacapsa.

Ester (hebreo) 4:8

Uqhamajja churaraquïnwa Susa marcan judionaca jiwarayañataqui ordenajj yatiyascäna uca kellkatanaca Esteraru churañapataqui, uqhamata jupajj suma yatiñapataqui. Uqhamarac ewjjaraquïnwa Esterajj reyimpi jupa quipca parlt'asa achict'añapataqui, marcapan uqhamata khespitäñapataqui.

Ester (hebreo) 5:8

Jumatejj, Jach'a Rey, cancañamat munaschista, uqhamarac nayan munatajjarjam mayitajjarusa ist'añ munaracchista ucajja, kharüruya wastatampi jumar jach'añchañataqui mank'añ fiesta waquichcta ucaru jutaraquim, Amán chachampi chict'ata. Ucanwa nayajj arsöjja cuntejj jumajj Jach'a Rey, mayquista ucjja —sasa.

Ester (hebreo) 7:7

Rey Asuerojj wali colerataw sartasin mistsuwayjjäna cawqhantejj mank'añ fiesta lurapcäna uca utatjja, palacioncqui uca jardinaru, ucampis Amán chachajj reyejj juparu jiwayañatac amtatapa amuyasinsti, uca pachpa utaruw kheparäna Ester reynaru achict'asiñataqui jacañapa khespiyañapataqui.

Ester (hebreo) 8:5

saraquïnwa: —Jach'a Rey, juman jilïr cancañamataquejj waliquïchi, jumatejj nayan mayitajja chekaw sistajja, uqhamarac chekpachana nayaru munchista, ucajj kellkaspan mä ordena ina ch'usaru tucuyañataqui, cawquïr cartanactejj Amán chachajj apayqui judionacajj jiwarayasina tucjatäñapataqui take apnakcta uca provincianacaru.

Job 2:4

Ucat Supayajj Tatiturojj saraquïnwa: —Mayni jaketaquejja janchipatejj waliquïscchi jan cuna camachata ucajja take cunasa waliquïsquiwa. Ucampis mä jakejja jacañapa khespiyasiña laycojja cunsa luraquispawa.

Jeremías 38:26

Ucampisa jumajj jupanacarojj saraquim: ‘Nayajj reyiruw achict'asiscäyäta jan wasitat Jonatán jaken utaparu apayapjjañapataqui, jan ucan jiwascañataqui’ sasa.