Ester (hebreo) 4:3 - Qullan Arunaca

³ Uqhamarac reyina ordena churatapajj kawqha provincianacarutejj purïna ucanjja judionacajj wali jach'a llaquisiñancapjjänwa. Ucatsti jupanacajj llaquisitanacapjja uñacht'ayapjjänwa ayunasina, jachasina, uqhamarac wali warariñanacampi, waljaninacaraquiw luto chhanqha isi isintasisinjja khella pataru iquipjjaraquïna.

Aymar Bibliia 1986

³ Uqhamarac reyina ordena churatapajj kawqha provincianacarutejj purïna ucanjja judionacajj wali jach'a llaquisiñancapjjänwa. Ucatsti jupanacajj llaquisitanacapjja uñacht'ayapjjänwa ayunasina, jachasina, uqhamarac wali warariñanacampi, waljaninacaraquiw luto chhanqha isi isintasisinjja khella pataru iquipjjaraquïna.

Qullan Arunaka DC

³ Kawkha suyunakarutix reyin qillqatapax purkäna ukkhanxa, ukhamarakiw judionakax walpun llakisipxäna, jupanakax llakisiñatsa ayuno lurapxäna, jacht'asisa, wararisaw llakkañ ayqupxäna, waljaniw jupanakat qhillxar ikipxäna, ukatsti chhankha isinakampiw isthapisipxarakïna.

Ester (hebreo) 4:3 Jak'a apnaqawi uñst'ayäwi

Ester (hebreo) 1:1

Acanacasti lurasïnwa cunapachatï rey Asuerojj mä imperio apnakcäna ucapacha. Uca imperiosti pataca pä tunca pakallkoni provincianacanïnwa, India sat chekat kalltasina Etiopía chekacama.

Ester (hebreo) 3:12

Mara kallta phajjsina tunca quimsa uru sarakatarusti take reyin secretario kellkerinacapawa jawsayatäna. Jupanacajj kellkapjjänwa Amán chachajj mayqui provincianquir jilïrinacaru, uqhamarac take marcanquir jilïrinacaru ucanaca. Aca arsüwisti kellkatänwa sapa provincianacana, marcanacan lajjranacapata, uqhamaraqui rey Asueron sutiparu firmata, anillopampi sellantataraqui.

Ester (hebreo) 4:16

“Saram, Susa marcanquir take judionaca tantacht'anim, ucatjja ayunapjjam nayataqui; janiw mank'apjjätasa, ni umapjjaraquïtasa quimsa uru, quimsa aruma. Nayasti tawako warmi uywatanacajjampejja uca quipcaraqui lurapjjaraquëjja, ucatjja nayajj reyimpi parliriw saräjja, uqhama lurañajja leyirjamajj janis walïscpan. Ucampis jiwayapjjetanejja, jiwayasipcaquitpana” sasa.

Ester (hebreo) 4:2

Ucatjja uqhampachaw reyina palaciopa puncurojj purinïna. Ucampis uqhama luto isinjja janiw ucaru mantayapjjerïcänti.

Ester (hebreo) 4:4

Reina Esteraru sirviri warminacampi, uqhamarac juparu uñjir eunuco chachanacampejj cunatejj lurasqui ucjja yatiyapjjänwa. Reinasti uca yatisinjja wali llacthaptäna, ucatsti Mardoqueorojj isinaca apayäna uca luto isi trocasiñapataqui, ucampis jupajj janiw uca isi catokaña muncänti.

Ester (hebreo) 9:31

mayipjjänwa Purim sat fiesta amtasin lurapjjañapata amtatäqui uca phajjsirjama, cunjämtejj arscäna Mardoqueompi, reina Esterampejj jupanacataqui, uqhamarac wawanacapat sarakerinacataquejja, uqhamarjama. Uca kellkatarjamajja uchapjjaraquïnwa arsüwinaca ayunañataqui, uqhamarac llaqui jachañanacataqui.

Job 2:8

Ucat Job chachajj khella taypiru konuriw sarjjäna, uqhamaraqui ñek'e phuqhu p'aquit jiq'illitampiw jat'isiscäna.

Isaías 22:12

Uca urojj take ch'amani Tatitojj jumanacaruw jawsapjjtam, jachapjjañamataqui, wararipjjañamataqui, ñic'utanacamsa k'ararasipjjañamataqui, aykoña uñacht'ayañataquisti chhanqha isinaca uscusipjjam.

Isaías 22:4

Ucatwa sistjja: “Jithektapjjam nayatjja, chuyma cawcst'ataw jachañ munta, marcajjan aynacht'atapatsti jan chuymachapjjestati.”

Isaías 58:5

¿Jumanacasti amuyapjjtati cawquïri ayunañatejj llact'ata jicjjatasiñäqui, p'ekes mä alir uñtata alintata, uqhamaraqui llaqui isimpi isthapita khelljjan iquiñäqui ucajj cheka ayunütapa? ¿Ucaruti jumanacajj ‘Ayuno’ sapjjta? ‘¿Tatitun suma urupa sapjjaracta?’

Ezequiel 27:30

Wal arnakasipjjani, jumatjamasti sintpunwa jachapjjaraquini, p'ekenacaparusa lak'anacampiw jach'jjatasipjjani, khella taypinwa korumnakapjjani.

Daniel (hebreo) 9:3

Ucatsti nayajj Tatitu Diosaruw mayisiscaraquïyäta, juparuw achict'asiraquïyäta, ayunasina, chhanqha isinacampi isthapisisa, khellaru kont'asisaraqui.

Jonás 3:6

Cunapachatï Nínive marcan reyiparu uca yatiyäwinacajj purïna ucqhajj, jupajj konuñapat sartasinjja, suma isinacap apsusisinjja, llaqui isimpiw isintasiraquïna, ucatsti khelljjaruw kont'asiraquïna.

Mateo 13:42

Jupanacarojj nina akquis uca hornoruw jakontapjjani, ucanwa wararipjjani, laca ch'aqhsa t'urusipjjaraquini.

Mateo 22:13

Ucapachaw reyejj uywatanacarojj aqham sï: ‘Amparampita cayupampita chinuntasinjja anka ch'amacanacaru jakonucunipjjam, ucanwa wararini laca ch'acsa t'urusiraquini.’

Mateo 25:30

Aca jan wali sirvirirusti, anka ch'amacanacaru jakonucupjjam, ucanwa wararini, laca ch'aqhsa t'urusiraquini.’

Josué 7:6

Ucatsti Josué chachampi jach'a amuyt'an israelit jakenacampejj isinacap wiqhanokasipjjäna, uqhamaraqui khellampis p'eketa willjjatasipjjäna, wali chuymanacapan mayjt'ata, ucatsti p'ekenacap alt'apjjäna Diosan arcap thiyaru wali jayp'untañcama.

1 Samuel 11:4

Qhitatanacasti cawqhantejj Saúl waynajj jaccäna uca Gabaa sat chekaruw puripjjäna; ucan jakenacaruw cunatejj pascatayna take ucanac yatiyapjjäna. Takeniw ucanac ist'asajj wali jachapjjäna.