Ester (hebreo) 2:7 - Qullan Arunaca

⁷ Mardoqueosti mä prima cullacanïnwa, wajcha, jan awquini, uqhamarac jan taycani. Ucampis aca Mardoqueojj awquinacap jiwjjepansti jupan wawapat uñt'asisaw uywasjjäna. Sutipasti Hadasa, jan ucajj Ester satänwa, jupasti suma jiwa uñnakani warmïnwa.

Aymar Bibliia 1986

⁷ Mardoqueosti mä prima cullacanïnwa, wajcha, jan awquini, uqhamarac jan taycani. Ucampis aca Mardoqueojj awquinacap jiwjjepansti jupan wawapat uñt'asisaw uywasjjäna. Sutipasti Hadasa, jan ucajj Ester satänwa, jupasti suma jiwa uñnakani warmïnwa.

Qullan Arunaka DC

⁷ Mardoqueox mä prima kullakanïnwa, jupasti wajcha, jan awkini, jan taykanïnwa. Ukampis Mardoqueo chachaw wawan awkinakap jiwxipan wawapat uñt'asis uywasxäna. Sutipasti Hadasá, jan ukax Ester satänwa, jupasti suma uñnaqt'ani jiwa tawaqukïnwa.

Ester (hebreo) 2:7 Jak'a apnaqawi uñst'ayäwi

Génesis 48:5

Jichhajja Egiptor janïra nayajj purinctsa ucqha nazqui uca Efraín, uqhamarac Manasés wawanacamajj nayancjjewa. Jupanacajj Rubén, uqhamarac Simeón wawanacajj-jamaraquiwa.

Ester (hebreo) 1:11

Vasti reinaru, reyin nayrakataparu irpapjjañapataqui suma coronani uqham isthapita, uqhamata take marcanquir jakenacasa, jach'a jilïr jakenacasa reinaru jiwaquïtap uñjasinjja muspharapjjañapataqui, jupasti wali jiwaquïnwa uca laycu.

Ester (hebreo) 2:15

Ucampis cunapachatejj Mardoqueon Abihail sat tiopan Ester phuchaparu reyin ucar sarañapajj wact'cän ucqhajja jupajj apasïnwa cuntejj Hegai sat warminac uñjiri reyin eunuco sat jakepajj siscäna ucaqui. Uqham lurasinsti Esterajj taken munasiñapwa jicjjatänjja jiwaquïtap laycojja.

Ester (hebreo) 2:20

Mardoqueon yatichataparjamasti Ester warmejj janiw arscänti marcapatjja, ni familiapatsa, jan ucasti cunjämtejj Mardoqueojj yatichcäna jupa jac'anccäna ucqhajja uqhamarjamaw phokhascäna.

Ester (hebreo) 8:1

Uca urpachawa rey Asuerojj Ester reinarojj Amán chachan utapjja wajjt'jjänjja, jupawa judionacan uñisiripänjja. Mardoqueosti jutaraquïnwa reyin ucaru, ucampis Ester warmejj reyirojj yatiyjjänwa Mardoqueojj primo jilapätapata.

Job 31:17

Janipuniw naya sapaqui mank'ajj-jja mank'caraquïyätti, janipuniw wajchanacarusa mank'aquipcaraquïyätti.

Job 31:18

Wajcharusti awquipäquiristsa uqhamaw uñjäyätjja, ijma warminacatsa arjjatasipuniraquïyätwa.

2 Corintios 6:18

Jumanacan Awquimäyäwa, jumanacasti wawanacajjäpjjaraquïtawa” siw take ch'aman Diosajja.

Efesios 6:4

Uqhamarac awquinaca, jumanacajj wawanacamarojj jan colerayapjjamti, jan ucasti chekapar yatichasina sum uywapjjam, Tatitur iyawsapjjañapataqui.

1 Juan 3:1

Yatipjjam Dios Awquejj kawksa munasistu wawanacapat uñt'atäñasataqui, jïsa wawanacapapunïsctanwa. Ucatpï Diosar jan iyawsirinacajj jan uñt'quistutejja, Diosar jan uñt'apjjatap laycu.