Ester (hebreo) 10:3 - Qullan Arunaca

³ Mardoqueo sat judiosti reyit ucjjarojj jupaw jilïrïnjja, ucampis jupajja judionac taypinjja mä jach'a jaket uñt'atänwa, uqhamarac marca masinacapan munataraqui, jupajja thakänwa asquinaca marcapataqui, uca quipcaraqui nuwasiraquïnwa jupa casta jakenacan asquipataqui.

Aymar Bibliia 1986

³ Mardoqueo sat judiosti reyit ucjjarojj jupaw jilïrïnjja, ucampis jupajja judionac taypinjja mä jach'a jaket uñt'atänwa, uqhamarac marca masinacapan munataraqui, jupajja thakänwa asquinaca marcapataqui, uca quipcaraqui nuwasiraquïnwa jupa casta jakenacan asquipataqui.

Qullan Arunaka DC

³ Mardoqueo judío jaqix, reyit ukxarux jupaw jilïrïna; judionak taypinsti jupax wali aytat jaqit uñt'atänwa, marka masinakapansa wali munatarakïnwa, markapatak askinak thaqhatapata, marka masinakapan suma askin jakasipxañapatak ch'amachasitap layku.

Ester (hebreo) 10:3 Jak'a apnaqawi uñst'ayäwi

Génesis 41:40

Jumajj jichhajj palaciojjan jach'a jilïrïyätawa, jumaw apnakäta. Take jakenacasti jumaruw jaysapjjaraquïtam. Nayasti juman jilïrimaquïyäwa reyïtajj laycu.

Génesis 45:10

Gosén oraken jacaraquïta, wawanacamampi, allchhinacamampi, take uywanacamampi cuna, uqhamarac take cunatejj utjctam ucanacampi. Uqhamatwa naya jac'ancascapinïtajja.

Génesis 45:11

Acanwa mank'añjja churapjjäma, jumarusa, familiamarusa, uqhamarac take qhitinacatejj jumampi chicäqui ucanacarusa, uqhamat jan cunas jumanacatjja faltañapataqui, jichhasti mach'ajj utjascaquiniwa pheska marampi cuna’ ” sasa.

2 Crónicas 28:7

Efraín orakenquir Zicri chachajj, wali nuwasirïnwa, jupasti reyin Maasías yokaparuw jiwayäna, uqhamarac palacion Azricam jilïriparu, uqhamarac reyin Elcana nayrïri oficialaparu.

Nehemías 2:10

Ucampis cunapachatï Horón chekanquir Sanbalat chachampi, uqhamarac Tobías amonita sirviri chachampi yatipjjäna ucqhajja, jupanacataquejj janiw ucajj asquïcänti mayni chacha israelitanacaru yanapiri jutatapajja.

Ester (hebreo) 2:5

Suma sayt'at Susa sat marcanjja mä judío jakew jacasïna Mardoqueo sata, jupasti Jair sat chachan yokapänwa, Simei, Cis uca familiata sarakeri Benjaminan tribupata.

Ester (hebreo) 3:2

Reyiru palaciopan take sirvirinacasti quillt'asipjjänwa cunapachatejj Amán chachajj pascäna, jan ucajj jupanacampicäna ucqhajja; uqhamarac p'ekenacapsa alt'apjjaraquïna, reyiwa uqhama lurapjjañapataqui arsüna. Ucampis Mardoqueo chachasti janiw uca arsutaru jaysaña muncänti.

Daniel (hebreo) 5:16

Ucampisa nayajj ist'twa jumajj ch'amanïtama, take payachasïwinaca, uqhamaraqui cuna ch'ama yänacatejj utjqui ucsa khanañchirïtama. Jumatejj uca arunaca leet'äta, ucatsti cuntejj sañ munqui uca khanañcharaquïtäta, ucapachasti jumarojj mä suma púrpura sat isimpiw isthapiyäma, cuncamarusti mä kori cadena warcuntayaraquïma, nayan reinojjansti quimsïri chekaruw utt'ayaraquïma —sasa.

Daniel (hebreo) 5:29

Ucspachaw Belsasar reyejj saraquïna, Daniel chacharojj púrpura isinacampi isthapiyapjjañapataqui, cuncaparusa mä kori cadena warcuntapjjañapataqui, ucatsti take jakenacaruwa yatiyaraquïna ucspacha Daniel chachajj uca reinonjja quimsïri chekaru utt'ayatäñapawa, sasinwa yatiyäna.

Daniel (hebreo) 6:3

Jupasti mayni uñjirinacat sipansa janc'aquiw jilaru mistsuraquïna, uqhamaraqui take jilïrinacjjarusa jupajj take cunataquis yatiñanïtap laycu; ucatwa reyejj juparojj utt'ayañ munäna mä jach'a apnakerita uca marcanjja.

Romanos 10:1

Jilatanaca, chuymajjanjja muntwa, oracionajjansti Diosarojj mayisctwa israelitanacajj khespiyatäñapataqui.

Romanos 14:18

Qhititejj Cristor uqham sirvchejja ucajj Diosataquejj sumawa, jakenac nayrakatansti sumat uñt'ataraquiwa.

1 Samuel 18:16

Ucampisa, take Israel marcanjja, uqhamarac Judá orakensa, Davidarojj walpun munasipjjäna, cunapachatejj guerraru sarapcäna ucapachajj jupaw sarayäna, uqhamarac cuttayanjjaraquïna.

1 Samuel 23:17

Saraquïnwa: —Jan ajjsaramti. Saúl rey awquejjasti janiw jicjjatcätamti. Jumasti mä urojj Israelan reyipaw tucüta. Nayasti juman jac'amancaraquïwa, sullca reyïquiristsa uqhama. Acsti, Saúl rey awquejjasti yatiraquiwa.