Ester (hebreo) 10:2 - Qullan Arunaca

² Take cunanactejj jilïr cancañampi lurqui, ch'amampiraqui, uqhamat Mardoqueoru jach'a jilïr cancañaru uchqui uca khanañchäwisa libron kellkantatawa, cunanacatejj lurasqui Media, Persia uca marcanacan take ucanacajja ucaru uchatawa.

Aymar Bibliia 1986

² Take cunanactejj jilïr cancañampi lurqui, ch'amampiraqui, uqhamat Mardoqueoru jach'a jilïr cancañaru uchqui uca khanañchäwisa libron kellkantatawa, cunanacatejj lurasqui Media, Persia uca marcanacan take ucanacajja ucaru uchatawa.

Qullan Arunaka DC

² Taqi kunanaktix uka reyix jilïr kankañampi, ch'aman kankañamp lurki, ukhamaraki Mardoqueoru jach'a jilïrit utt'ayki uka qhanañchäwisa, Media, Persia markanakankir reyinakan qillqatapankiwa.

Ester (hebreo) 10:2 Jak'a apnaqawi uñst'ayäwi

1 Reyes 11:41

Salomonan ucjjar yakha luratanacapajja, uqhamarac yatiñ cancañapatsa, take luratanacapatsa Salomonan crónicas sat librona kellkatawa.

1 Reyes 14:19

Jeroboaman ucat ucjjaru luratanacapasa, uqhamarac cuna nuwasïwinacantejj sarnakcäna, uqhamarac reyïcasina yakha luräwinacapasa kellkatawa Israelana reyinacapana crónicas sat librona.

1 Reyes 22:39

Ucat ucjjaru Acab reyin luratanacapasa, cunanactejj jupajj lurcäna ucanacatsa, marfilat lurat palaciotsa, uqhamarac marcanac sayt'aycäna ucanacatsa kellkatawa israelan reyinacapan crónicas sat libropana.

Ester (hebreo) 2:23

Ucampis uca amtäwejj suma yatjjatatänwa, ucatsti chekätapa yatjjatasinjja uca pani eunuco sat jakenacajj juchañchatäpjjänwa jaychcatata jiwapjjañapataqui. Aca luräwisti reyin nayrakatapanwa libroru kellkantasïna, marcana cuna luräwinacatejj kellkatäqui uca libroru.

Ester (hebreo) 6:1

Uca arumasti reyejj janiw icthapcänti, ucatjja marcan take jach'a luräwinacatejj librona kellkatäqui ucwa aptayani jupa nayrakatan leet'atäñapataqui.

Ester (hebreo) 8:15

Mardoqueosti reyin palaciopatjja mistuwayänwa laramampit jank'ompit lurat túnica isin isintata, ucat p'ekerojj mä kori coronampi asjjatata, uqhamarac lino sat wila k'ellu manto capani. Uqham uñjasinsti Susa marcan take jaquirinacaw wali cusisita arnakasipjjäna.

Ester (hebreo) 8:2

Ucatsti reyejj, Amán chacha catcäna uca anillo apsusisasti Mardoqueoruw churäna. Ester warmisti Mardoqueorojj ucharaquïnwa cunanacatejj Amán chachan utapan utjqui ucanac apnakañapataqui.

Ester (hebreo) 9:4

Mardoqueosti reyin palaciopanjja mä jach'a jilïrïnwa, uqhamätapsti take provincianacanwa yatipjjäna, ucampis jupajja uruta urunjamaw ch'amani munañani tucüna.

Salmos 18:35

Jumaw arjjatista, khespiyaraquista, cupi amparamampiw catjjarusista, qhuyapayasiñamaw aytat jaker tucuyitu.

Daniel (hebreo) 2:48

Ucatsti reyejj Daniel waynarojj mä jach'a jilïrit utt'ayaraquïna, walja suma wajjt'asiñanacapwa churaraquïna; uqhamarus Babilonia provincia apnakañapataquiw utt'ayaraquïna, ucjjarusti take yatiñani jakenacatejj utjcäna uca marcanjja ucanacjjaru munañanïñwa churaraquïna.