Ester (hebreo) 1:3 - Qullan Arunaca

³ Rey Asuerosti quimsa mara apnakjjasinjja, mä fiesta luräna take ministronacaparu, yanapiri jilïrinacaparu, Persa, Medo ucanquir ejerciton jilïrinacapampiru, uqhamarac provincianacan jilïrinacapampiru.

Aymar Bibliia 1986

³ Rey Asuerosti quimsa mara apnakjjasinjja, mä fiesta luräna take ministronacaparu, yanapiri jilïrinacaparu, Persa, Medo ucanquir ejerciton jilïrinacapampiru, uqhamarac provincianacan jilïrinacapampiru.

Qullan Arunaka DC

³ Asuero reyix marka apnaqäwip kimsa mara phuqkasaxa, mä jach'a phunchhäwi luräna, taqpach irnaqirinakapampitaki, jilïr yanapirinakapampitaki, ukatsti Persankiri, medonkir ejercitonakan jilïrinakaparuw jawsayäna, suyunakan jilïr mallkunakaparux jawsayarakïnwa.

Ester (hebreo) 1:3 Jak'a apnaqawi uñst'ayäwi

Génesis 40:20

Quimsa uru pasatatsti faraonan urupänwa, ucatsti jupajj mä jach'a fiesta luräna jakenacapataquejja. Jawsayata jakenac nayrakatatwa faraonajj coperonacan jilïriparojj carcelat irpsuyanjjäna, uqhamarac panaderonacan jilïriparusa.

1 Reyes 3:15

Salomonajj iquita sartasinjja amuyasïnwa mä samcätapa. Ucatsti cunapachatï Jerusalenaru purïna ucqhajja, saränwa Tatituna sumar mantaña arcapa nayrakataru, ucatsti loktänwa nact'at sacrificionaca, uqhamarac sumancthapiñataqui sacrificionaca. Ucatsti take yanapirinacaparuwa jach'a mank'añanaca mank'ayaraquïna.

Esdras 1:2

“Persianquiri Ciro reyejj acanacwa arsu: ‘Alajjpachanquiri Tatitu Diosawa amparajjaru aca orakenquir take marcanaca catuyitu, ucatsti saraquituwa Jerusalenan mä templo lurayañajjataqui, ucasti Judá orakenwa jicjjatasi.

Ester (hebreo) 1:14

Uca jac'apanquir jakenacasti acanacänwa: Carsena, Setar, Admata, Tarsis, Meres, Marsena, Memucán. Aca pakallko Persa, Media uca marcanquir suma aytat jakenacasti jach'a tantachasïwi ucanjja wali jach'a cargonacwa apapjjäna marca apnakañanjja.

Ester (hebreo) 1:4

Acanacjja luränwa uñacht'ayañataqui kamir cancaña, marcapajj jach'a ch'amanïtapa, uqhamarac jupajj ch'amampi apnakatapa. Uca fiestajja chica maracamänwa.

Ester (hebreo) 2:18

Ucatsti Ester reynarojj mä jach'a mank'äwimpiw jach'añchañjja churänjja, jach'ar aptasinsti uca fiestarojj jawsayänwa take jilïrinacaru, uqhamarac marcpachan yanapirinacaparu. Ucjjarusti provincianacarojj impuestonacsa menost'ayaraquïnwa, uqhamarac walja wajjt'äwinacaracwa churaraquïna mä suma reyjamajja.

Ester (hebreo) 3:7

Mara kallta phajjsina, jan ucajj Nisán sat phajjsina, cunapachatejj rey Asuerojj tunca payan mara marca apnakjjäna ucqhasti suerte wartapjjänjja Amán chachan nayrakatapanjja, cuna urusa, cuna phajjsinsa jupan amtäwipajj phokhasispa uca apañataqui. Ucatsti mistsünwa tunca payan phajjsinjja tunca quimsan uru sarakataru, ucasti Adar sat phajjsina.

Isaías 21:2

Diosajj cuntejj uñacht'ayquitu ucasti ajjsarcañawa; lunthatirejj lunthatiwa, t'unjiristi t'unjaraquiwa. ¡Elam, sartasim! ¡Medo jakenaca, nuwantapjjam! ¡Janiw juc'ampi cunsa ist'añ muncti!

Jeremías 51:11

Tatitojj Babilonia marca t'unjañ muni, Media orakenquir reyinacan chuymaparusti uca pachpa t'unjaña amtäwinacwa uscuraqui. Ucaw Tatitun phoksusïwipajja, jupan temploparu cuntejj lurapqui ucanacatjja. ¡Jichhajj flechanacam waquichasipjjam! ¡Escudonacamsa sum catjjarupjjaraquim!

Daniel (hebreo) 5:1

Babilonianquiri Belsasar reyejj mä jach'a mank'äwi luräna, ucatsti jach'a jilïri jakenacapatjja waranka jakenacaruw jawsayäna, uca mank'äwinsti reyimpi uca jawsayata jakenacapampejj walpun vino umapjjäna.

Daniel (hebreo) 5:28

PARSIN, ucasti sañ munaraqui: Juman reinomajj jaljtatawa, jichhasti medo, uqhamaraqui persa jakenacaru catuyataraquïniwa’ sasa.

Daniel (hebreo) 6:1

Darío reyisti amtaraquïnwa pataca pä tuncani marca apnakerinaca utt'ayaña, jupanacasti uca reinona apnakapjjañapataqui.

Daniel (hebreo) 8:20

“Uca pä wajjrani orko oveja uñjctas ucajj Media, uqhamaraqui Persia sisqui ucanacan reyinacapawa.

Marcos 6:21

Ucampis Herodiasajj suycän uca horasajj purinïnwa. Ucasti rey Herodesan urupänwa. Uruyasiñataquisti jupajj jawsthapiyänwa jilïrinacaru, capitananacaru, Galileanquir jilïr jakenacampiru.