Ester (hebreo) 1:1 - Qullan Arunaca

¹ Acanacasti lurasïnwa cunapachatï rey Asuerojj mä imperio apnakcäna ucapacha. Uca imperiosti pataca pä tunca pakallkoni provincianacanïnwa, India sat chekat kalltasina Etiopía chekacama.

Aymar Bibliia 1986

¹ Acanacasti lurasïnwa cunapachatï rey Asuerojj mä imperio apnakcäna ucapacha. Uca imperiosti pataca pä tunca pakallkoni provincianacanïnwa, India sat chekat kalltasina Etiopía chekacama.

Qullan Arunaka DC

¹ Asuero reyix Persia jach'a marka apnaqkäna uka urunakan taqi akanakax lurasïna. Uka markasti pataka pä tunka paqallquni suyunakanïnwa, India chiqat qalltasa Etiopía chiqakama.

Ester (hebreo) 1:1 Jak'a apnaqawi uñst'ayäwi

Esdras 4:6

Asuero reyejj reinañ kalltascäna ucqhajja, jupanacajj Judänquiri uqhamaraqui Jerusalenanquiri jakenacatwa juchañchäwinaca parlapjjäna.

Ester (hebreo) 10:1

Rey Asuerosti apthapïnwa impuestonacjja uca orakenacan jaquirinacata, uqhamarac kota taypi islanacan jaquirinacatsa.

Ester (hebreo) 2:3

Ucampis reyejj utt'aypan thakerinaca take provincianacaru, jach'a marcapanjja. Ucat take tawakonacar apanipjjañapataqui cawqhantejj reyinjj utjqui warminacan palaciopajja Susa sat suma sayt'at marcana ucaru. Ucatsti jupanacarojj uñjañapawa Hegai sat chacha, reyin eunuco sat jakepa, warminac uñjiri guardiapa. Ucampis Hegai chachajj uca tawakonacarojj cunanacatejj waquisqui ucanaca churañapänwa jiwaquïñapataqui.

Ester (hebreo) 8:9

Reyin kellkerinacaparojj janc'aquiw jawsayanipjjäna, uca urusti quimsïri phajjsina pä tunca quimsani uru sarakatänwa, jan ucasti Siván sat phajjsina. Ucampis take cunanactejj Mardoqueojj arscäna judionacataquejja uqhamarjamaw kellkatäna, take provincianacan marcanacanquiri jilïrinacaru, uqhamaraquiw kellkatäna patac pä tunca pakallkon provincianquir jilïrinacaru, uca provincianacasti India oraketa, Etiopía orakcamänwa, take cartanacasti kellkatänwa lajjranacaparjama, suma kellkata sapa provinciaru. Uqhamaraquiw judionacarusa kellkatänwa lajjranacapata suma kellkäwinacaparjama.

Ester (hebreo) 9:30

uca cartsti apayapjjänwa rey Asuerojj patac pä tunca pakallkon provincianaca apnakqui ucanquir take judionacaru suma khana sumancaña arunacampejja,

Isaías 18:1

¡Ay, cunaquïcani cawqhantejj lak'onacajj ojjopjje uca marcajja, Etiopía jawiranacat qhursancquis uca marcanacataquejja,

Isaías 37:9

Ucanwa Asirianquir reyejj mä aru ist'araquïna, ucasti Tirhaca sisqui, ucan Etiopía reyipasti, mä jach'a ejército sartayascatapa, uqhamaraqui nuwasiñataqui waquichasiscatapa Asirianquir reyitaqui. Ucatwa Asirianquir reyejj mayampi Judá orakenquir Ezequías reyin ucarojj qhitanaca qhitaraquïna, aqham sasa:

Daniel (hebreo) 11:2

Jichhasti cunatejj chekapäqui ucwa uñacht'ayäma: “Persia marcarusti quimsa reyinacaw apnakascani, ucanac khepasti yakha reyiraquiw sartani, jupasti sinti kamiriraquïniwa, mayni quimsa reyinacat sipansa. Cunapachatejj uqhama kamiri cancañapampi wali munañanipuni tucjjani ucapachasti, take kamir cancañapampiwa Grecia marcataquejj sayt'ani.

Daniel (hebreo) 6:1

Darío reyisti amtaraquïnwa pataca pä tuncani marca apnakerinaca utt'ayaña, jupanacasti uca reinona apnakapjjañapataqui.

Daniel (hebreo) 9:1

“Asuero jaken yokapa, qhititejj medo jakenac castäqui, uca Dariow caldeonacan reinopjja apnakascäna.