Esdras 9:14 - Qullan Arunaca

¹⁴ ucatsti nanacajj ¿wastatampiti camachi arunacamaru jan phokhañaru puripjjeristjja, ajjtcaña luräwinacani jakenacampi familiachasisinjja? ¿Janiquiti jumajj colerascasma nanac toke, ucatsti tucjapjjaraquitasmajja, jan maynis nanac taypita jacañapcamajja?

Aymar Bibliia 1986

¹⁴ ucatsti nanacajj ¿wastatampiti camachi arunacamaru jan phokhañaru puripjjeristjja, ajjtcaña luräwinacani jakenacampi familiachasisinjja? ¿Janiquiti jumajj colerascasma nanac toke, ucatsti tucjapjjaraquitasmajja, jan maynis nanac taypita jacañapcamajja?

Qullan Arunaka DC

¹⁴ ¿wasitampit kamachi arunakam p'akintapxirista, ukatsti axtkañ saräwini warminakapampit jaqichasipxirista? Janiw ukhamäkaspati, ¿Janit jumasti nanakar q'al tukjañkam phiñaskasmasti?

Esdras 9:14 Jak'a apnaqawi uñst'ayäwi

Esdras 10:10

Ucatsti Esdras sacerdotejj sayt'asisinjja sänwa: —Jumanacasti jaya marcanquir warminacampi casarasisajja juchwa lurapjjta, uqhamata Israelan juchapa jiljjatayasa.

Esdras 9:2

Jupanacasa yokanacapasa uca jakenacan phuchanacapampiwa casarasipjje; uqhamasti Diosan marcapajj yakha marcanacanquir jakenacampiwa mayachasjjapjje. Nayrakatajja jilïrinacampi marca apnakerinacampiwa aca juchjja lurapjje” sasa.

Esdras 9:8

Ucampis jichhajja nanacan Tatit Diosajja, juman qhuyapayasiñam laycuwa nanacata mä tamajja samarat jacañana jicjjatasipjjäna, uqhamatwa nanacar wact'ayapjjesta kollana orakena jacäwinacajja utt'ayañataqui; jumawa machak khana jacañanacajjaru churapjjesta, t'akhesiñanacajja taypina mä juc'a samsuñsa churasaraqui.

Nehemías 13:18

Chekpachansa nayra awquinacamajja acanacwa lurapjjäna, ucatwa Diosasajja walja jan walt'añanaca apayanistu, uqhamarac aca marcarusa. Jumanacasti ¿wastatampiti munasipcacta Diosar colerayaña Israel contra samarañ uru p'aquisinjja?” sasa.

Éxodo 23:32

“Jumasti, janiw jupanacampejj mä suma amtäwir mantätati, ni diosanacapampisa.

Éxodo 32:10

¡Jichhasti nayaru jaytita, nayasti wali coleratätwa, ucatsti jupanacarojj take t'unjäjja! Ucampis jumarojj mä jach'a marca tucuyäma —sasa.

Isaías 1:9

Take ch'amani Tatitutejj mä kawkhani jiwasanacat jan jilt'aycasapänjja, jichhajj Sodoma, uqhamaraqui Gomorra marcar uñtatäsänwa.

Jeremías 44:9

¿Cuntejj nayrapacha awquinacamajj lurqui ucanacjja armasjjapjjtati, cuntejj Judá marcanquiri reyinacasa, warminacapasa lurapqui ucanacjja, jumanacasa uqhamaraqui warminacamasa lurapcta ucanacjja? Jumanacajj sinti jan walinacpun Jerusalén marcana Judá marcanacansa lurapjjtajja.

Jeremías 46:28

Naya Tatituw ucjja arsta. Jacobon marcapa, nayan uywatajja, jan ajjsaramti, nayaw jumampïscta. Cawqui marcanacarutejj ananucsma uca marcanacsti nayaw k'ala t'unjaraquï; ucampisa jumarojj janiw t'unjcämati, jan ucasti mayisitamjamaruraquiw chekacharaquïma, mutuyäwimsti churapuniraquïmawa.”

Ezequiel 6:8

Ucampisa nayajj jumanacatjja mä kawkhaniru jiwañat khespiyaraquïwa, ucanacasti yakha marcanac taypin willitatataw jacapjjani.

Números 16:21

—¡Jithektapjjam aca marcata, nayaw anchhita jupanacar t'unjä! —sasa.

Números 16:45

—Jithektapjjam take uca jakenacata, nayaw anchhita jupanacar t'unjä —sasa. Moisesampi, Aaronampejj oraker p'ekenacap puriyañcamaw alt'apjjäna,

Juan 5:14

Uca pasatatsti Jesusajj uca jakerojj templonwa jicjjatäna, ucatsti saraquïnwa: —Uñjam, c'umaräjjtawa, jichhajj jan juc'amp juch lurcjjamti jan wastat juc'amp jan walir puriñamataqui —sasa.

Romanos 6:1

¿Camsaraquiñänisti? ¿Juchjja lurascaquiñäniti ucat Diosan munasiñapajj juc'amp jiltañapataqui?

Deuteronomio 9:14

Jumasti sartam, nayaw aca marca t'unjä, aca oraketsa chhaktayaraquïwa jan mayampi amtasiñataqui, ucampis jumarojj mä jach'a marca tucuyaraquïma, ch'amani uqhamaraqui wali jilt'ata marca’ sasa.

Deuteronomio 9:8

Uqhamaw jumanacan Horeb sat kolluna Diosarojj sinti colerayapjjäyätajja, ucatsti uqhama wali colerayatajj niyapuniw Diosajj jumanacarojj t'unjapjjtamjja.

Jueces 2:2

jumanacajja aca oraken jaquirinacampejj jan suma arust'äwiru mantapjjamti, jan ucasti altaranacapjja take tucjapjjam’ sasa. Ucampis jumanacajj janiw ist'apquistati, ¡uñtapjjamay cuntejj lurapcta uca!