Esdras 9:1 - Qullan Arunaca

¹ Ucanac tuct'ayatarusti, jilïrinacajja nayar jac'achasisinjja sapjjetuwa: “Israelitanacasa, sacerdotenacasa, uqhamarac levita jakenacasa, aca orakenquir jakenacatjja janiw yakhachata jacapquiti, cananeos, hititas, ferezeos, jebuseos, amonitas, moabitas, egipcios, uqhamarac amorreos ucanacan ajjtcaña diosanacar loktasa sarnakäwinacapatjja.

Aymar Bibliia 1986

¹ Ucanac tuct'ayatarusti, jilïrinacajja nayar jac'achasisinjja sapjjetuwa: “Israelitanacasa, sacerdotenacasa, uqhamarac levita jakenacasa, aca orakenquir jakenacatjja janiw yakhachata jacapquiti, cananeos, hititas, ferezeos, jebuseos, amonitas, moabitas, egipcios, uqhamarac amorreos ucanacan ajjtcaña diosanacar loktasa sarnakäwinacapatjja.

Qullan Arunaka DC

¹ Ukanak tukt'ayatarusti, marka apnaqir jilïrinakax nayar jak'achasisin sapxitu: “Esdras, yatiyañ munapxsma; israelitanakasa, sacerdotenakasa, levita jaqinakasa, janiw aka markankir jaqinakat yaqhachat jakapkiti: cananeonakata, hititanakata, ferezeonakata, jebuseonakata, amonitanakata, moabitanakata, egipcionakata, amorreonakatsa, ukanakan axtkañ idolonakar luqtas sarnaqäwinakapatxa.

Esdras 9:1 Jak'a apnaqawi uñst'ayäwi

Génesis 15:16

Ucampisa pusi generación pasatatwa wawanacamajj aca chekar cuttanjjapjjani, amorreonacan jucha luratanacapajj janïraw sinti jan walïquiti uca laycu —sasa.

1 Reyes 11:1

Salomón reyejj faraonan phuchapjjarusti, yakha walja warminacaruwa munäna: moabitanacaru, amonitanacaru, edomitanacaru, sidoniasanacaru, uqhamarac hititanacaru;

2 Crónicas 33:2

Ucampis jupan luräwinacapajja jan walïnwa Tatitun nayrakatapana, jupasti luränwa Tatitojj israelitanacan nayrakatapata ajjtcaña luräwinacani marcanacaru jakenuccäna, uca pachpa luräwinaca.

2 Crónicas 8:7

Ucatsti hititas, amorreos, heveos, ferezeos, uqhamarac jebuseos uca jakenacajj kheparapcäna, qhitinacatejj jan israelitanacäqui,

Esdras 10:2

Ucatsti Jehiel sat chachan Secanías yokapasti, arsünwa, jupasti Elam uca familiatänwa, aqham sasa: “Nanacasti janiw sum phokhapcti Diosasampejja, jaya marcanacanquir yakha diosanacar sirviri warminacampiwa casarasipjjta uca laycu; ucampis Israel marcataquejj suyt'añajj utjasquiwa.

Esdras 10:8

Take qhitinacatejj quimsa urucama jan purinipcani ucanacarojja, jilïrinacana, uqhamarac amuyt'ayapqui ucanacan amtataparjamajja orakenacapajja apakatäpjjaniwa, uqhamarac jupanac taypitsa apanucutäpjjaraquiniwa, jaya marcar apanucutata cutt'anirinacajja.

Nehemías 13:23

Uñjaractwa uca urunacana yakhep judionacana casarasipjjatapa Asdod, Amón, uqhamarac Moab ucanquir warminacampi;

Nehemías 4:3

Jupan jac'apansti Tobías sat amonita chachaw aqham saraquïna: —Uñtapjjam perkanac sayt'ayasipquiri: ¡Mä kamakesa uca perkaru jalsusajj allinucuwayaspawa! —sasa.

Nehemías 4:7

Ucampis Sanbalat, Tobías, árabe jakenacasa, uqhamaraqui Amonanquirinacasa, Asdod ucanquirinacasa cunapachatï yatipjjäna Jerusalén marcana perkanacapa sayt'ayañajja nayrakataru sarantascaquitapatjja, uqhamarac p'iysutanac perkantasitapatjja walipuniw colerasipjjäna.

Nehemías 9:2

Ucatsti jaya marcat jutir jakenacat jithektasinjja, sayt'asisinwa juchanacapa arsusipjjäna, uqhamarac nayra awquinacapan juchanacapatsa.

Salmos 106:35

Diosar jan uñt'ir jakenacampiw chicachasipjjäna, luräwinacap yatekasipjjäna:

Éxodo 13:5

Cunapachatejj Tatitojj puriyapcätam cananeonacana, hititanacana, amorreonacana, heveonacana, jebuseonacan orakenacaparu; cawquïr oraktejj awquinacamaru churañataqui arscäna, cawqhantejj leches misq'is umjam jalasqui uca orakeru purisajja aca phajjsina fiesta lurañjja amtasipjjapunïtawa.

Éxodo 23:23

Nayan angelajjawa jumat nayra sarani, ucatsti jupawa irpätam amorreonacana, hititanacana, ferezeonacana, cananeonacana, heveonacana, uqhamarac jebuseonacana orakenacaparojja, nayasti jupanacarojj tucjäwa.

Éxodo 33:16

Jumatejj jan nanacampi sarcasma ucajj ¿cunjämataraqui yatisispasti jakenacamasa, nayasa juman yanapamampi sarasipcatajjatsti? Ucampis juman yanapamampiquiwa jakenacamasa, nayasa take aca oraken jaquir jakenacans uñjcata mayja uñstapjjeristjja —sasa.

Isaías 52:11

¡Mistunjjapjjam, mistunjjapjjam Babiloniatjja, jan cuna k'añurus llamct'apjjamti, mistunjjapjjam Babiloniatjja! ¡Jan cunampis k'añucht'asipjjamti qhitinacatejj Tatitun yänacapa apanipcta ucanacajja!

Jeremías 26:10

Judá orakenquiri jach'a jilïrinacasti, ucanac ist'asinjja, palacion reyipatjja temploruw sarapjjäna, ucansti Machak Puncu sisqui uca chekaruw kont'asipjjäna.

Jeremías 26:16

Uqhamasti jilïrinacampi, jakenacampisti sacerdotenacarojj sapjjaraquïnwa, uqhamaraqui profetanacarusa: “Janiw cuna juchas utjquiti aca jakeru jiwayatäñapataqui catuyañajja, Tatitu Diosan sutipjjaruraquiw jiwasarojj parlistu” sasa.

Levítico 18:3

“Jan Egipto marcan sarnakäwinacaparjama jacapjjamti, cawquïri marcantejj jumanacajj jacapcäyäta. Janiraqui Canaán oraken sarnakäwinacaparjamasa sarnakapjjamti, cawquïri orakerutejj nayajj jacapjjañanacamataqui irpapcsma uca orakena, janiraqui uca marcan sarnakäwinacaparjama jacapjjamti.

Malaquías 2:11

Judá marcasti janiw phokcjjeti Diosampi arust'äwiru mantatapjja, ucatsti wali jach'a juchanacaw Jerusalén marcana, uqhamaraqui Israel orakensa lurasi. Judá marcasti jan wali sarnakañanacampiw Diosan munat kollan templopjja k'añuchi, Judá marcanquir jakenacajj yakha c'ari diosanacar yupaychir warminacampiraquiw casarasipjje.

Números 23:9

Aca jach'a kalanac patatwa uñjta, aca jisc'a kollunac patatwa uñtaracta; yakhachataw aca marcajj jacaraqui, janiraquiw cawquïr marcjamäquisa.

Números 25:6

Ucampisa mä israelita jakejj utaparuw mä madianita warmirojj irpasïna, Moisesan uñjcata uqhamarac take israelitanacan uñjcata, ucañcamasti jupanacajj jachasipcänwa Tatitumpi Jiquisiñ Carpa mantañana.

Deuteronomio 18:9

“Cunapachatejj jumanacajj Tatitu Diosaman churata oraker mantapjjäta ucqhajj jan jumanacajj uca k'añu luräwi sarnakäwinacapjja yaticasipjjamti.

Deuteronomio 23:8

Ucatsti wawanacapan wawanacapatjja quimsïri wawäcjje ucanacajj Diosan tantachasïwipan catokatäñjja puedjjaraquiwa.

Deuteronomio 7:1

“Jumanacan Tatitu Diosamaw puriyapjjätam cawquïri oraktï catuntapcäta ucaru, ucatsti jumanacan nayrakatamatjja pakallko wali jach'a ch'amani marcanacaruwa jakonucuni: hititanacaru, gergeseonacaru, amorreonacaru, cananeonacaru, ferezeonacaru, heveonacaru, uqhamarac jebuseonacarusa.

Josué 23:12

Ucampis jumanacajj yatipjjam, jumanacatï Diosat saraktapjjäta, ucatsti uca jumanac taypin kheparir jakenacampi chicachasipjjäta, uqhamaraqui jupanacampis casarasipjjäta ucqhajj,