Esdras 6:20 - Qullan Arunaca

²⁰ Sacerdotenacasa, levitanacasa k'omachasipjjänwa, takenisa leyirjamajja k'omäpjjänwa. Ucjjarojja take qhitinacatejj jayar apayatäpcäna ucanac laycojja Pascuana sacrificionacwa loktapjjäna, sacerdote masinacapana, uqhamarac jupanac pachparaqui.

Aymar Bibliia 1986

²⁰ Sacerdotenacasa, levitanacasa k'omachasipjjänwa, takenisa leyirjamajja k'omäpjjänwa. Ucjjarojja take qhitinacatejj jayar apayatäpcäna ucanac laycojja Pascuana sacrificionacwa loktapjjäna, sacerdote masinacapana, uqhamarac jupanac pachparaqui.

Qullan Arunaka DC

²⁰ Sacerdotenakasa, levitanakasa kamachinakarjam taqiniw q'umachasipxäna. Ukxarusti, Pascua wilañcha luqtapxarakïna, Babiloniat kuttanirinakata, yaqha sacerdote masinakapata, ukhamarak jupanak pachpatsa.

Esdras 6:20 Jak'a apnaqawi uñst'ayäwi

2 Crónicas 29:34

Sacerdotenacajj juc'aniquïpjjatap laycujja, nact'ata loktäwinaca loktañataqui uywanacan lip'ichinacapjja janiw take apakaña tucuyapcänti, jupanacan levita jilanacapawa yanapapjjäna uca lurañana tucuyañataqui, mayni sacerdotenacana k'omachasiapcama; levitanacasti juc'amp janc'aquïpjjänwa k'omachasiñataqui sacerdotenacat sipansa.

2 Crónicas 35:11

Ucatsti uywanacjja jiwayasin loktapjjäna Pascuataqui, levitanacasti uywanacwa qharirasipcäna, sacerdotenacasti cuna wilanactejj levitanacajj pasayapcäna ucanacampiraquiw altararu ch'ajjch'uquipasipcaraquïna.

2 Crónicas 35:14

Ucjjarusti levitanacajj wact'ayapjjaraquïnwa cunatejj jupanacaru wact'cäna ucanaca, uqhamarac sacerdotenacataquisa, Aarón chachat saraker sacerdotenacasti, wali lurañanacanïnwa arumcama nact'ata liq'inaca loktañanacampi uca laycu. Ucatwa levitanacajja waquichapjjäna cunatejj jupanacarusa, Aarón chachat saraker sacerdotenacarus wact'cäna ucanacjja.

2 Crónicas 35:15

Ucatjja k'ochurinacatjja, qhitinacatejj Asaf chachat sarakeripäpcäna ucanacasti lurañanacapanwa jicjjatasipjjaraquïna, cunjämatï David, Asaf, Hemán, uqhamarac reyin Jedutún profetapasa waquichcäna uqhamaru. Puncu uñjirinacasti puncunacapanaracwa jicjjatasipjjäna; janiraquiw qhitisa lurañanacapjja apanucupjjañapäcänti, jupanacataquejj levita masinacapajj cunatejj jupanacar loktäwita wact'qui ucanacjja waquichasipcaraquïnwa.

Éxodo 12:21

Moisesasti, jilïri israelitanac jawsayanisasti sänwa: “Jumanacasti familianacamampejja mä orko oveja jan ucajj mä cabritsa qharsusina pascua fiesta lurapjjam.

Hebreos 7:27

Janiw mayni jilïri sacerdotenacjamäquiti, ucanacasti animalanac jiwayasin sacrificionac sapüru loktapjje, nayrakatajj jupanacan pachpa juchanacapata, ucjjarojj jaken juchanacapatraqui. Ucampis Jesusajj mä cutiquiw wiñayataqui jupa pachpa taketac loktasiwayi.