Esdras 6:14 - Qullan Arunaca

¹⁴ Uqhamatwa judionacan sarayirinacapajj lurañanacjja sarayasipcaquïna asquichapcäna uca lurañampejja, ucasti Hageo, Ido sat chachan Zacarías yokap uca profetanacan arsutanacaparuw lurasiscäna. Templo lurañasti tucuyasïnwa Israelanquiri Diosan arsutaparjama, uqhamarac Persia marcanquiri Ciro, Darío, Artajerjes uca reyinacan arsutanacaparjamaraqui.

Aymar Bibliia 1986

¹⁴ Uqhamatwa judionacan sarayirinacapajj lurañanacjja sarayasipcaquïna asquichapcäna uca lurañampejja, ucasti Hageo, Ido sat chachan Zacarías yokap uca profetanacan arsutanacaparuw lurasiscäna. Templo lurañasti tucuyasïnwa Israelanquiri Diosan arsutaparjama, uqhamarac Persia marcanquiri Ciro, Darío, Artajerjes uca reyinacan arsutanacaparjamaraqui.

Qullan Arunaka DC

¹⁴ Judionakan sarayirinakapasti Hageo, Zacarías uka profetanakan ch'amañcht'atax irnaqäwinak lurasipkakïnwa. Israelan Tatitun arsutaparjamaw wasitat pirq lurañax tukuyasïna, ukhamaraki Persia markankir Ciro, Darío, Artajerjes uka reyinakan arsüwinakaparjama.

Esdras 6:14 Jak'a apnaqawi uñst'ayäwi

Esdras 3:8

Jerusalén marcaru Diosan utaparu purinitapata payïri marana, payïri phajjsipanwa kalltapjjäna Diosan templopa wasitat utachaña Salatiel sat chachan Zorobabel yokapa, uqhamarac Josadac chachan Josué yokaparaqui, jupanacamp chicäpcän ucanaca, sacerdotenaca, levitanaca, uqhamarac preso apatanacajj Jerusalenaru cutt'anipcäna take ucanacaraqui. Uca luraña sarayapjjañapataquisti catuyapjjänwa pä tunca maranita ucsar jila marani levita chachanacaru.

Esdras 4:24

Uqhamatwa Jerusalenan Diosan templopa lurañajja sayantäna, Persia marcanquir Darío reyin payïri marapcama.

Esdras 4:3

Ucampisa Zorobabel chachampi, Josué chachampi, uqhamarac familianacata maynïri israelita jilïri chachanacampejja ucjjarojj aqham sapjjänwa: —Janiw jumanacamp chicajj Diosajjan templopjja lurapcsnati. Jan ucasti nanac sapaquiwa lurapjjäjja Israelan Tatit Diosajjataquejja, uqhamwa Persianquiri Ciro sat reyejj sapjjaraquitu —sasa.

Esdras 5:1

Ido sat chachan yokanacapa Hageo, uqhamaraqui Zacarías uca profetanacasti, yatiyapjjänwa Judá orakenquiri, Jerusalén marcanquir jakenacaru, cuntï Israelan Tatit Diosapat catokapcäna uca yatiyäwinaca.

Esdras 5:13

Ucat khepjjarojja Ciro reyejja Babilonia marcjjaru kallta marapanwa arupa churi Diosan templopajj wasitat luratäñapataqui’ sasa.

Esdras 5:2

Ucatsti Salatiel chachan Zorobabel yokapampi, uqhamarac Josadac chachan Josué yokapampejj wasitataw lurañ kalltapjjäna Jerusalenan Diosan templopa, ucatsti Diosan profetanacapajj jupanacampïscänwa yanapañataqui.

Esdras 6:3

“Persia marcanquir Ciro reyejj kallta marapanwa aca arunaca arsüna, aqham sasa: ‘Jerusalenanquir Diosan templopa wasitat luratäñapataquisti, cimientonaca jakontaspan, ucatsti templojj lurasiracpan, uca sacrificionacajj loktatäñapataqui. Ucasti alayarojj pä tunca pakallkoni metronïniwa, anchorusti pä tunca pakallkoniraqui;

Esdras 6:8

Nayasti aca arunacwa jupanacar churta judionacan sarayeriparu yanapt'añataqui, Diosan templopa wasitata lurapjjañapataqui: Reyejja impuestonaca catokqui Eufrates jawirata inti jalanta tokenquiri provinciata ucanacjja, horasaparuraqui pagaspan uca luräwejj jan sayantañapataqui.

Esdras 7:1

Uca khepa maranac pasjjatapatjja, cunapachatï Persia marcanquir Artajerjes reyejj apnakascäna ucqhajja, mä chachaw Esdras sat utjäna, jupasti aca familianacata sarakerïnwa: Seraías, Azarías, Hilcías,

Esdras 9:9

Nanacajj esclavöpcchïyäta ucasa, janiw jumajja apanucupquistati esclavo cancañana t'akhesiñana. Jumajj qhuyapayasiñamjja uñacht'ayapjjestawa Persia marcanquir reyinac toke, ucatsti jacayapjjestawa temploma sayt'ayañataqui tucjata taypita, uqhamarac imapjjaraquista Judá orakena, uqhamarac Jerusalén marcansa.

Nehemías 6:15

Perkasti tucuyatäjjänwa pä tunca pheskan uru sarakataru, Elul sat phajjsina, uca luräwinsti pheska tunca payan urunacanwa tucuyatäna.

Isaías 44:28

Ciro reyirusti nayaw saracta: ‘Jumaw awatirïtajja, cuntejj nayajj muncä ucwa jumajj luraraquïta.’ Jerusalenarusti saractwa: ‘Jumajj wasitat sayt'ayatäjjätawa.’ Templorusti saractwa: ‘Cimientonacamajj uscutäjjaniwa sasa.’ ”

Hageo 1:1

Rey Darion pä mara apnakataparusti, sojjtïri phajjsina kallta uruwa Tatitojj Hageo profeta toke Salatielan Zorobabel yokaparojj parli, jupasti Judá marcanjja gobernadoränwa, uqhamarac Josadacana Josué yokapampiru cuna, jupasti uca pachajj jach'a jilïri sacerdotënwa.

Hageo 1:8

Kollunacar sarapjjam ucatsti madera aptanipjjam, templojjsti wasitat utachapjjam; nayasti ucanjja c'uchiquïyäwa, jach'a cancañajjwa uñacht'ayaraquï.

Zacarías 1:1

Quimsakallko phajjsina pä mara Dariojj reyëjjäna ucqhaw Tatitojj aca arunac parlawayänjja Zacarías profeta, Berequiasan yokapa, Idon allchhiparu. Saraquïnwa:

Zacarías 1:16

Ucatwa, naya Tatitojja sistjja: Jichhajj qhuyapayasiñampiw cutt'antjja; Jerusalenaru wasitatwa lurayaraquï Tatitun utapsa, uqhamaraqui take marcpacha’ ” sasa.

Zacarías 4:9

‘Zorobabelaw aca templon cimientopjj uchawayejja, jupa quipcaraquiw tucuyaraquinejja. Ucatwa jumanacajj uñt'apjjätajja nayar qhitanquitu ucajj take ch'amani Tatitütapa.

Zacarías 8:9

Acsti take ch'amani Tatituw, sejja: “Ch'amañchasipjjam, jumanacajja aca urunacanwa ist'apjjtajja profetanacajj arsuwaycän uca arunaca, take ch'amani Tatitun templopa wasitat sayt'ayjjañataqui cimiento uchantapcäna uca uruta.