Esdras 6:12 - Qullan Arunaca

¹² ¡Ucatjja cawquïr Diosatejj Jerusalenaru ajlliscäna sutipa ucancañapataqui ucawa tucjani qhiti reyitejj, jan ucajj cawquïr marcatï jan walt'ayaña amtcani, jan ucajj tucjañsa muncaraquini Jerusalenanquir Diosan temploparu ucjja! Naya Darío reyiwa aca arunaca arsta lurasiñapataqui. Phokhaspan arsutajjarjama kellkatajjarjamaraqui” sasa.

Aymar Bibliia 1986

¹² ¡Ucatjja cawquïr Diosatejj Jerusalenaru ajlliscäna sutipa ucancañapataqui ucawa tucjani qhiti reyitejj, jan ucajj cawquïr marcatï jan walt'ayaña amtcani, jan ucajj tucjañsa muncaraquini Jerusalenanquir Diosan temploparu ucjja! Naya Darío reyiwa aca arunaca arsta lurasiñapataqui. Phokhaspan arsutajjarjama kellkatajjarjamaraqui” sasa.

Qullan Arunaka DC

¹² ¡Diosay t'unjpan kawkïr reyitix, jan ukax kawkïr markatix aka arsüwi jan jayskani, ukhamaraki Diosan utap t'unjañsa yankarakini ukaruxa! Naya Darío reyiw aka arunak arsta. Qillqatarjam phuqhaspan” sasa.

Esdras 6:12 Jak'a apnaqawi uñst'ayäwi

1 Reyes 9:3

Ucatsti sänwa: “Nayajj ist'smawa oración luratama, uqhamarac nayar mayisitamsa, nayasti k'omachtwa aca templo lurarapquista sutejja ucancañapataqui ucjja. Nayasti uñtanïwa, uqhamarac chuymajjasa ucancaraquiniwa.

2 Crónicas 7:16

nayajj aca templorojja ajllistwa, loktaractwa sutejjajj ucan wiñaya ucancañapataqui. Nayasti imäwa, uqhamarac amtasipuniraquïwa.

Esdras 6:13

Ucatsti Tatnai sat chachajja, qhititejj Eufrates jawirata inti jalanta toke provinciana marca apnakerïcäna ucasa, Setar-boznai chachasa, uqhamarac masinacapampejj Darío reyin arsutaparjamawa phokhapjjäna.

Esdras 6:14

Uqhamatwa judionacan sarayirinacapajj lurañanacjja sarayasipcaquïna asquichapcäna uca lurañampejja, ucasti Hageo, Ido sat chachan Zacarías yokap uca profetanacan arsutanacaparuw lurasiscäna. Templo lurañasti tucuyasïnwa Israelanquiri Diosan arsutaparjama, uqhamarac Persia marcanquiri Ciro, Darío, Artajerjes uca reyinacan arsutanacaparjamaraqui.

Esdras 7:15

Jumasti aparaquim kollke, kori cuntï reyimpi amuyt'irinacapampejj chuymanacapatjam churapqui, Jerusalenan jaquiri Israelan Diosaparu,

Esdras 7:17

Uca kollkempisti alätawa vaca kallunaca, qhariñ ovejanaca, mä maran ovejanaca, ucampi chicasti granonacata ofrendanaca, uqhamarac vino Jerusalenanquiri jumanacan Diosaman altarap patjjana loktañataqui.

Esdras 7:26

Ucatsti take qhitinacatejj jan phokhapcani Diosaman leyiparu, uqhamarac reyin leyiparusa ucanacajja, janc'aqui jiwañataqui juchañchatäpan, jan ucajj jayaru apayatäpan, jan ucajj multa pagpan, jan ucajj carcelaru uchantatäpan.”

Ester (hebreo) 8:14

Ucatsti reyin ordenatarjamajja carta apirinacajj lakapuniw jalayapjjäna wali jalir caballonacatjja. Ucatsti uca amtäwejja Susa sat suma sayt'at marcanjja yatiyasjjaraquïnwa.

Salmos 5:10

¡Diosajjay, jupanacarojj! mutuyamaya, amtatanacaparojj aynacht'ayamaya; jumar kallcatapjjatap laycusti, ñankha luratanacapat jakonucum.

Éxodo 20:24

Jichhasti nayataqui mä altara lak'at lurarapipjjeta, ucatsti uca altarjjarojj takpach nact'ayata sacrificionaca, uqhamarac sumancañataqui sacrificionac loktapjjeta ovejanacamata, uqhamarac vacanacamatsa. Nayasti jutasinjja bendicipjjämawa take orakena, cawqhanacantejj nayan sutejjajj amtatäñapa muncäjja ucqhanacana.

Eclesiastés 9:10

Cuna lurañatejj jumataqui utjcani ucjja ch'amamarjam luram, jumajj sepulcror sarcätas ucanjja janiw cuna lurañas utjquiti, cuna lup'iñasa, uñt'añasa, janiraquiw yatiñanïñasa utjquiti.

Isaías 60:12

Cawquïri marcatejj jan sirvcätamjja, ucajj tucusiniwa; marcanacasti uqhampacharaquiwa tucjatäpjjani.

Abdías 1:10

“Jichhajj sinti p'enkachjataw uñjasïta, uqhamarac wiñayatac tucjatäyätawa, Jacob jilamaru chhojjriñchjatamata, uqhamarac jupar jiwayatamata.

Hechos 9:5

Saulosti ucjjarojj saraquïnwa: —Tata, ¿qhitïtas jumajja? —sasa. Ucatsti uca arojj saniraquïnwa: —Jumajj qhitirutejj arcnakcta uca quicpa Jesusätwa. Wali ch'amaw jumataquejj nayataqui sayt'añamajja. [Juma pachpaw chhojjriñchjastajj cunjämtejj mä vacajj mä ari puntan fierror mat'akt'asajj jupa pachpa chhojjriñchjasejj uqhama —sasa.

Deuteronomio 12:11

ucqhasti jumanacajj cawqha chekarutejj Tatitu Diosamajj ajllisini jumanacan yupaychapjjañamataqui, ucaruwa loktapjjäta take cunanactejj sapcsma ucanaca. Take uywanaca sacrificion loktasa juparu yupaychañataqui, diezmonaca, churäwinaca, uqhamaraqui take cuntejj Tatitu Diosamaru churañatac arsupcta ucanac sum ajllisinwa churapjjäta.

Deuteronomio 12:5

Diosasti jumanacan tribum taypita mä lugar ajllisi, jumanacasti uca chekaru yupaychir sarapjjañamataqui.

Deuteronomio 16:2

“Uca Pascua fiestanjja Tatitu Diosamarojj loktapjjätawa vacanaca, ovejanaca, cawqha chekarutejj jupajj utjäwipa ajllisini uca chekana.