Esdras 4:6 - Qullan Arunaca

⁶ Asuero reyejj reinañ kalltascäna ucqhajja, jupanacajj Judänquiri uqhamaraqui Jerusalenanquiri jakenacatwa juchañchäwinaca parlapjjäna.

Aymar Bibliia 1986

⁶ Asuero reyejj reinañ kalltascäna ucqhajja, jupanacajj Judänquiri uqhamaraqui Jerusalenanquiri jakenacatwa juchañchäwinaca parlapjjäna.

Qullan Arunaka DC

⁶ Asuero machaq reyix Persia mark apnaqañ qalltaskäna ukapachaxa, judionakan uñisirinakapax jupanakar juchañchañatakiw reyir mä qillqat luqtapxäna.

Esdras 4:6 Jak'a apnaqawi uñst'ayäwi

Génesis 26:21

Ucatsti Isaacan sirvirinacapajj wasitatwa yakha phuch'u allisipcaraquïna, ucatsti uca phuch'utjja ch'ajjwapjjaraquiquïnwa, ucatwa Isaacajj uca phuch'urojj “Uñisisiña” sas sutichänjja.

Esdras 4:5

Ucjjarusti marca apnakerinacan yakhep yanapirinacaparusti kollke chilltapjjäna, uqhamatwa jupanacan amtanacapjja aynacht'ayapjjäna Persia marcanquir Ciro reyejj apnakascäna uca maranacana, ucatsti Persia marcanquir Darío reyejj apnakcäna uca maranaccamaraqui.

Ester (hebreo) 1:1

Acanacasti lurasïnwa cunapachatï rey Asuerojj mä imperio apnakcäna ucapacha. Uca imperiosti pataca pä tunca pakallkoni provincianacanïnwa, India sat chekat kalltasina Etiopía chekacama.

Ester (hebreo) 1:10

Pakallko uru mank'äwi lurasinsti, reyejj vino umasajja wali cusisitaw machascäna, ucatsti qhitänwa Mehumán, Bizta, Harbona, Bigta, Abagta, Zetar, Carcas uca pakallko suma phokher eunuco chachanacaru.

Ester (hebreo) 2:16

Ester tawakosti tunca phajjsi sarakataruwa irpatänjja Asuero sat reyin palacioparojja uñstayañataqui. Uca phajjsisti sataraquïnwa Tebet sasa, pakallko mara apnakcäna ucapacha.

Ester (hebreo) 3:8

Ucatsti Amán chachajj, rey Asuerorojj sänwa: —Jach'a rey, reinomana take provincianacana marcanacapana taypinsti, mä marcaw utji yakha jacasiri mayninacat sipansa uqhamarac yakha leyinacanïpjjewa, janiraquiwa juman arsutamarusa Jach'a Rey, phokhañ munapcaraquiti. Uqhamasti janiw walïquiti jumataquejja Jach'a Rey, uqham marcajja, marcam taypina jacañapajja.

Daniel (hebreo) 11:2

Jichhasti cunatejj chekapäqui ucwa uñacht'ayäma: “Persia marcarusti quimsa reyinacaw apnakascani, ucanac khepasti yakha reyiraquiw sartani, jupasti sinti kamiriraquïniwa, mayni quimsa reyinacat sipansa. Cunapachatejj uqhama kamiri cancañapampi wali munañanipuni tucjjani ucapachasti, take kamir cancañapampiwa Grecia marcataquejj sayt'ani.

Daniel (hebreo) 9:1

“Asuero jaken yokapa, qhititejj medo jakenac castäqui, uca Dariow caldeonacan reinopjja apnakascäna.

Mateo 27:37

P'eketa patäjjarusti mä jach'a letrero uchapjjaraquïna, cunattejj uqham jiwayatäcän uca. Ucasti aqham sänwa: “Acajj Jesusawa judionacan Reyipa” sasa.

Hechos 24:13

Janiw aca jakenacajj khanañchapquitaspati take cunanacattï juchañchapquitu ucanacatjja.

Hechos 25:7

Pablo mantanïpansti Jerusalenat jutir judionacajj juparuw jac'achasipjje. Ucatwa jupar walja jan walinacampi juchañchapjje, ucampis janiw cunsa ircatapcänti.

Apocalipsis 12:10

Ucatsti mä jach'a aru alajjpachat ist'ta aqham siri: “Purinjjewa Diosasan khespiyasiñapajja, munañanïñapasa, jupan apnakañapasa, Jesucristona munañapampi apnakañapasa. Jilanacasaru c'arintasa juchañchirïqui ucasti ucatjja jaksutäjjewa, jupasti uruy arumaraquiwa, jilanacasarojj Dios nayrakatan juchañchäna.