Esdras 4:20 - Qullan Arunaca

²⁰ Ucatsti yatisiraquiwa Jerusalenana ch'amani reyinaca utjatapa; jupanacajj Eufrates sat jawirata inti jalanta token provincianacaru apnakatapa, ucatsti uca reyinacarojj pagapjjänwa impuestonaca, uqhamarac cuna churañanacapatejj wact'cäna ucanac churasa.

Aymar Bibliia 1986

²⁰ Ucatsti yatisiraquiwa Jerusalenana ch'amani reyinaca utjatapa; jupanacajj Eufrates sat jawirata inti jalanta token provincianacaru apnakatapa, ucatsti uca reyinacarojj pagapjjänwa impuestonaca, uqhamarac cuna churañanacapatejj wact'cäna ucanac churasa.

Qullan Arunaka DC

²⁰ Ukatsti, Jerusalén markan ch'aman reyinakan utjatapas uñstarakiwa, uka reyinakax Éufrates jawirata inti jalant tuqin utjir markanakxar munañanïpxänwa, khitinakarutix impuestonaka, kuna churañanakatix wakt'ki ukanak churapxirïna.

Esdras 4:20 Jak'a apnaqawi uñst'ayäwi

Génesis 15:18

Uca pachpa ururaquiw Tatitojj Abramampejj mä amtäwiru mantäna, saraquïnwa: —Aca orakjja wawanacamaruw churä, Egipto jawirata, Eufrates sata jach'a jawircama.

1 Reyes 4:21

Salomón reyiw take marcanacjjaru apnakäna Eufrates sat uca jawirata filisteonacana orakepcama, uqhamarac Egipto korpacama. Jupanacasti impuestonacwa pagapjjäna, ucatsti Salomón reyiruwa jaysapjjäna jupan jacañapcama.

1 Reyes 4:24

Salomonasti apnakänwa Eufrates ucata inti jalsu toke orakenaca, Tifsa ucata Gaza chekacama, uqhamarac uca orakenquir reyinacarusa, ucatsti sumancañwa utjayaraquïna uca muytpacha orakenacaru.

1 Reyes 5:1

Tironquiri Hiram reyejj cunapachatï yatïna Salomonaru reyit utt'ayapjjatapa, David awquipa lanti ucqhajja, yatiyirinacapwa qhitäna Salomonan ucaru, Hiram reyejj Davidarojj munapunïnwa uca laycu.

1 Reyes 5:4

Ucampis jichhajja Tatitu Diosajjajj sumancañwa take chekana churistu, ucatsti janiw utjcjjestuti uñisirinacasa, ni jan walt'añanacasa.

1 Crónicas 18:13

Uqhamaraqui guardianacsa uchantäna Edom ucaru, ucatsti take edomitanacaw Davidan apnakatäna, Tatitojj Davidarojj atipjayänwa cawqharutejj jupajj sarcäna ucqhana.

1 Crónicas 18:3

Davidasti atipjaraquïnwa Hadad-ezer uca reyiru, jupasti Soba marcan reyipänwa, ucasti Hamat tokencänwa. Aca reyejja munañapampiwa Eufrates sat jawira ucsa toke apnakaña munäna.

1 Crónicas 18:6

Ucatjja Davidajj Sirianquir Damasco marcarojja guardianacwa uchäna, ucatsti sirio jakenacajj jupan apnakatäpjjänwa, uqhamaraquiwa impuestonacsa pagapjjaraquïna. Uqhamawa Tatitojj Davidarojj atipjayäna, cawcqharutï jupajj sarcäna ucqhana.

1 Crónicas 19:19

Hadad-ezer chachan arjjatirinacapajj israelitanacan jupanacar atipjapjjatapatjja, Davidampejja sumaruw mantapjjäna, ucatsti jupan sirviriparaquiw tucupjjaraquïna. Uca horasatsti sirio jakenacajj janiw juc'ampi amonita jakenacarojj wastat yanapañ muncjjapjjänti.

2 Crónicas 17:11

Jan ucasti filisteonacata yakhep jakenacajj Josafat reyitaquejja churäwinacwa apanipjjäna, uqhamarac kollke impuesto pagañataqui, ucatsti árabe jakenacajj apapjjaraquïnwa pakallk waranka pakallk patacani ovejanaca, cabritonacatjja yakha ucqharaqui.

2 Crónicas 9:14

janiw jaqhutäcänti alaquipirinacana, yakha marcar saririnacana impuestonaca pagapcäna ucanacajja. Ucjjarusti arabianquiri take reyinacasa, uqhamarac marca pachpanquiri jilïri apnakerinacasa Salomonataquejj apanipjjänwa kori, kollke.

Esdras 4:13

Ucjjarusti juma jach'a reyirojj yatiyanipjjaracsmawa, uca marcatejj wasitata luratäni, uqhamarac perkanacapas sayt'ayataraquïni ucajja, uca marcajj janiw churäwinaca, ni impuestonaca churañäqui ucanacjja churañ muncjjapjjaniti, cunatejj wact'qui churañanacapajj ucanacsa, ucatsti reyin kollkepajj aynacht'aniwa.

Esdras 4:16

Ucatwa juma jach'a reyirojj yatiyapjjsma, uca marcatejj wastat luratäni, uqhamarac perkanacapas tucuyatäjjani ucajja, juma reyisti janiw apnakcjjätati Eufrates sat jawirata inti jalanta tokencqui uca provincianacarojja” sasa.

Esdras 4:19

ucanacjjatjja yatjjataytwa. Ucatsti yatisiwa uca marcana nayra reyinacataqui sayt'asirïtapa, cutiquipstañanaca utjatapa, uqhamarac cutcatasiri marcätapa.

Esdras 4:21

Uqhamasti uca chachanacarojj yatiyam uca lurañanacat sayt'apjjañapataqui, nayan wasitat yatiyañajjcamasti jan uca marcajj luraspati.

Esdras 7:24

Yatipjjañamaraquiwa, janiw waquisquiti cuna impuestonaca churäwinacasa mayipjjañamajja take sacerdotenacaru, levitanacaru, k'ochurinacaru, puncu uñjirinacaru, templona sirvirinacaru, jan ucajj cawquïrisa Diosan templopana sirvchi ucarusa.

Salmos 72:8

Maysa lamar kotat maysa lamar kotcam apnakpan, Eufrates jawirat kalltasa, aca orak tucuscama.

Lamentaciones 1:1

¡Walja jakenacani marcajj cunja sapaquis uñjasjje! Marcanacan jilïripa marcajja mä ijma warmir uñtataquëjjewa. Ch'ama irnacañanacampi t'akhesiyataw jichhajj uñjasi, uñtcañ suma marcajja.

Ezequiel 19:11

Layminacapasti wali thurunacaw jilantjjäna, reyinacan thujruparaquiw tucuraqui, uqham jilatapampisti kenayanaccamaw puriraqui. Wali jach'aw tucüna, laphinacapas waliraquiw jilantäna jayat uñtcayaw tucüna.

Mateo 9:9

Jesusasti ucat sartasinjja mä jakeruw uñjäna, Mateo sutini. Uca jakesti impuesto cobrañawjan kont'atäscänwa. Jesusasti saraquïnwa: —Arquita —sasa. Mateosti sartasisinjja juparuw arcjjaruwayi.