Esdras 4:17 - Qullan Arunaca

¹⁷ Ucatsti Artajerjes reyejj aqham yatiyäwiracwa apayaraquïna: “Aruntanipjjsmawa Rehum sat comandanteru, Simsai sat secretarioru, uqhamarac Samarian jacapqui uca masinacaparu, uqhamarac Eufrates sat jawirat inti jalanta tokenquir ucat ucjjar provincianacaruraqui.

Aymar Bibliia 1986

¹⁷ Ucatsti Artajerjes reyejj aqham yatiyäwiracwa apayaraquïna: “Aruntanipjjsmawa Rehum sat comandanteru, Simsai sat secretarioru, uqhamarac Samarian jacapqui uca masinacaparu, uqhamarac Eufrates sat jawirat inti jalanta tokenquir ucat ucjjar provincianacaruraqui.

Qullan Arunaka DC

¹⁷ Ukatsti, Artajerjes reyix akham yatiyäwi apayarakïna: “Aruntanipxsmawa Rehúm comandanteru, Simsai qillqiriru, Samaria markan jakapki uka masinakaparu, Éufrates jawirat inti jalant tuqinkirinakaru, ukat ukxar utjir suyunakaru:

Esdras 4:17 Jak'a apnaqawi uñst'ayäwi

Esdras 4:16

Ucatwa juma jach'a reyirojj yatiyapjjsma, uca marcatejj wastat luratäni, uqhamarac perkanacapas tucuyatäjjani ucajja, juma reyisti janiw apnakcjjätati Eufrates sat jawirata inti jalanta tokencqui uca provincianacarojja” sasa.

Esdras 4:18

“Cawquïr carttejj jumanacajj nayar apayanipquista ucjja, ucan yakha arur jakoquipatäqui ucjja leet'atänwa nayan nayrakatajjana,

Esdras 4:7

Ucatsti Persia marcanquir Artajerjes reyin apnakäwipansti mä cartwa jupar kellkapjjäna Bislam, Mitrídates, Tabeel sat chachanaca, uqhamarac mayni masinacapampiraqui. Uca cartasti arameo aruna kellkatänwa, ucata yakha aruru jakoquipatapampiraqui.

Esdras 5:7

ucansti aqham sänwa: “Juma jach'a reyirojja suma asquina jicjjatasiñama munasaw aruntanipjjsma, ucatsti jumarojj yatiyañwa munapjjsma Judá orakena jach'a Diosan temploparu visitatanacajjata, uca utasti ch'iyata jach'a kalanacampiwa lurasisqui. Jichhasti perkanacapjja tablanacampiwa apaquipasipqui, uqhamarus mäqhiwa lurapjje, ucatsti luratajj mäqhiwa saranti.

Esdras 7:12

“Artajerjes jach'a reyejj Esdras chacharuwa arunti, qhititejj sacerdotëqui, uqhamarac alajjpachanquiri Diosan leyipanjama suma yatichatäqui ucaru.

Daniel (hebreo) 4:1

“Naya, Nabucodonosor reyejj muntwa sumancañajj utjañapa, phokt'atäñasa take marcanacana, uqhamaraqui take jakenac taypina aca oraken jaquirinacana.

Daniel (hebreo) 6:25

Ucjjarusti rey Dariojj mä kellkata apayäna, take marcanacaru, uqhamaraqui cunaymani casta parlanacani jakenacaru aqham sasa: “Jumanacataquejj muntwa sumancañajj utjañapa, uqhamaraqui take phokt'ata sarnakapjjañama.

Lucas 10:5

Mä utar mantapcäta ucqhasti, nayrakat aruntapjjam: ‘Sumancañajj utjpan aca utana’ sasa.

Hechos 23:26

“Naya Claudio Lisias, aruntansmaw Félix jach'a jilïr marca apnakeriru.

Romanos 1:7

Jichhajja take jumanacaruw kellkanipjjsma Roma marcan jaquirinacaru, qhitinacarutejj Diosajj wal munapctamjja, uqhamarac jupatac yakhachatäñataqui jawsatäpjjtawa. Uqhamajj jumanacajj catokapjjamay Dios Awquisana Jesucristo Tatitusampina bendicionapa, uqhamarac sumancañapa.