Esdras 3:9 - Qullan Arunaca

⁹ Josué chachasti yokanacapampi, uqhamarac jilanacapampejj mä sapa tamaquiwa tucupjjäna Cadmiel chachampi, uqhamarac yokanacapampi, jupanacasti Judá familiata jutirïpjjänwa, uqhamarac mayninacajj Henadad chachan yokanacapa, yokanacapansa wawanacapa, uqhamarac levita jilanacaparaquïnwa, qhitinacatejj Diosan templopana lurañanaca sarayapcäna ucanaca.

Aymar Bibliia 1986

⁹ Josué chachasti yokanacapampi, uqhamarac jilanacapampejj mä sapa tamaquiwa tucupjjäna Cadmiel chachampi, uqhamarac yokanacapampi, jupanacasti Judá familiata jutirïpjjänwa, uqhamarac mayninacajj Henadad chachan yokanacapa, yokanacapansa wawanacapa, uqhamarac levita jilanacaparaquïnwa, qhitinacatejj Diosan templopana lurañanaca sarayapcäna ucanaca.

Qullan Arunaka DC

⁹ Ukhamaw Josué chachax yuqanakapampi, wila masinakapampi Tatitun utap lurañ irnaqäwinak sarayapxäna, Cadmiel chachan wawanakapamp kuna, jupanakax Hodavías chachan wila masipänwa. Henadad chachan wila masinakapas yanaparakïnwa.

Esdras 3:9 Jak'a apnaqawi uñst'ayäwi

1 Crónicas 23:4

Ucanacatsti yakhachapjjänwa pä tunca pusini waranka levita jakenaca templo lurayañan sarayapjjañapataqui, sojjta waranka levita chachanacasti yakhachatäpjjänwa jilïrïpjjañapataqui, uqhamarac juezäpjjañapataqui.

2 Crónicas 34:12

Uca chachanacasti sumwa phokhapjjäna lurañanacapana, ucatsti qhitinacatejj jupanacjjaru uchatäpcäna ucanacasti Jahat, Abdías sat levitanacäpjjänwa. Jupanacasti Merari, Zacarías, Mesulam uca chachanacat sarakerinacäpjjänwa, qhitinacatejj Coat chachat sarakeri jilïrinacäpcäna ucanacaraqui. Jupanacasti k'epirinacjjaru uchatäpjjänwa, ucatsti sarayapjjänwa take qhitinacatejj uca lurañancapcäna ucanacaru. Take levita jakenacasti musiconacäpjjänwa, mayninacajj kellkerinaca, arsutanac phokhayirinaca, jan ucajj puncu uñjirinacaraqui.

Esdras 2:40

Levitanacasti Hudavías familiata Josué, uqhamarac Cadmiel chachanacan wawanacapasti, pakallk tunca pusinïpjjänwa.

Esdras 3:8

Jerusalén marcaru Diosan utaparu purinitapata payïri marana, payïri phajjsipanwa kalltapjjäna Diosan templopa wasitat utachaña Salatiel sat chachan Zorobabel yokapa, uqhamarac Josadac chachan Josué yokaparaqui, jupanacamp chicäpcän ucanaca, sacerdotenaca, levitanaca, uqhamarac preso apatanacajj Jerusalenaru cutt'anipcäna take ucanacaraqui. Uca luraña sarayapjjañapataquisti catuyapjjänwa pä tunca maranita ucsar jila marani levita chachanacaru.

Nehemías 3:24

Ucjjar perkäqui ucsti asquichänwa Binuy sat chacha, jupasti Henadad sat chachan yokapa, Azarías chachan utapat kalltasina esquina tucuycama.

Nehemías 7:43

“Levitanacasti: Jesúa, uqhamarac Cadmiel, ucanacasti Hodavías familiat sarakerïpjjänwa, pakallk tunca pusini;