Esdras 3:13 - Qullan Arunaca

¹³ Janiw qhitis amuyapcänti cusisiñata arnakasirinacsa, uqhamarac jakenacan jachatanacapsa, jupanacasti jach'atwa arnakasipjjäna, uca ojjotanacapasti jayatpachwa ist'asïna.

Aymar Bibliia 1986

¹³ Janiw qhitis amuyapcänti cusisiñata arnakasirinacsa, uqhamarac jakenacan jachatanacapsa, jupanacasti jach'atwa arnakasipjjäna, uca ojjotanacapasti jayatpachwa ist'asïna.

Qullan Arunaka DC

¹³ Jaqinakan jachatanakapasa, kusisiñat jach'at arnaqasitanakapas mayakïnwa, jupanakax walpun arnaqasipxäna, uxutanakapas jayatpach ist'asirakïna.

Esdras 3:13 Jak'a apnaqawi uñst'ayäwi

1 Reyes 1:40

Ucatsti takeniwa khepata phusanacat tocasisa arcapjjäna. Cusisiñanacapasti waliw utjäna, jupanacana jach'at arnakasitanacap laycusti orakes payarjamaquiwa ch'iyjtjjäna.

1 Reyes 1:45

Ucjjarusti Sadoc sacerdotesa, Natán profetasa Gihón chekanwa reyit utt'ayapjjaraqui, ucatsti wali cusisitawa cutt'anjjapjjäna. Ucatwa marcanjja jakenacajj ojjopjje, ucaracwa jumanacajj ist'apjjaractajja.

Esdras 3:12

Ucatjja waljaniwa sacerdotenacatsa, levitanacatsa, familia taypita jilïrinacasa, qhitinacatejj sinti awquinacäjjapjjäna nayra templsa uñjapcäna ucanacajja, jach'atwa jachapjjäna, jupanacajj uñjapjjänwa uca machak templojj wasitat luraña kalltasïna uca laycu. Uca pachpa horasanjja waljaniwa mayninacajj cusisiñata art'asipjjäna.

Esdras 4:1

Cunapachatï Judá, uqhamarac Benjamín, ucanacan uñisirinacapajj, preso apatanacajj cuttanjjasina Israelan Tatitu Diosapan templopa wasitat lurapjjatapa yatisinjja,

Nehemías 12:43

Qhaya urunjja walja sacrificionacawa loktasïna, jakenacasti walipuniwa cusisipjjäna Diosajj jupanacaru jach'a cusisiñampi phokt'atap laycu. Warminacasa, wawanacasa wali cusisitäpjjaraquïnwa, ucatsti Jerusalenana cusisiñajj utjcäna ucajja jayatpachwa ist'asïna.

Salmos 5:11

Jumamp arjjatayasiñ thakerinacajj cusisipjjpanaya, jupanacar imascatam laycojj, cusisiñat wiñayapun k'ochupjjpan. Jumar munasirinacajj jumïpan cusisipjji:

Jeremías 33:11

cusisiña k'ochunacaw ist'asini, casarasirin k'ochunacapaw ist'asini, ucatsti sapjjaraquiniwa: ‘Take ch'amani Diosaru yuspagarapjjam, Tatitusti sumawa, munasiñapas wiñayataquiraquiwa’ sasa. Templorusti yuspagaraña ofrendanac apanipjjaraquini. Jïsa, nayaw asquiru tucuyä aca marcan sarnakäwipjja. Cunjämäcäntejj kalltanjja uqhamäñapataqui. Naya Tatituw ucjja arsta.”

Jeremías 50:4

Tatitojj siwa: “Qha urunacanjja Israelanquiri jakenacajja, Judá orakenquiri jakenacasa jacht'asisaw naya Tatitu Diosaparu thakeri jutapjjetani.

Zacarías 4:7

¿Qhitïtas jumajj jach'a kollu? ¡Pamparu tucutaw uñjasïtajja Zorobabelan nayrakatapanjja! Jupaw jilïri kaljja apsuni, jakenacan arnakasiñapcama: ¡Cunj sumas acajja! ¡Cunj sumasa!’ ”

Jueces 2:5

Ucatwa uca chekarojj Boquim sasa sutichapjjäna, ucatsti ucanjja Diosaruw mä sacrificio loktapjjäna.

1 Samuel 4:5

Campamentoru uqham Tatitun Arust'äwi Arcapa purinitapatsti israelitanacajj cusisiñatjja walpun arnakasipjjäna, oraksa qhathatiyapjjänwa.