Esdras 2:68 - Qullan Arunaca

⁶⁸ Familianacata yakhep jilïrinacasti Jerusalenan Tatitun templopar purisinjja, ofrendanacwa churapjjäna Diosan templopajj wasitat lurayatäñapataqui.

Aymar Bibliia 1986

⁶⁸ Familianacata yakhep jilïrinacasti Jerusalenan Tatitun templopar purisinjja, ofrendanacwa churapjjäna Diosan templopajj wasitat lurayatäñapataqui.

Qullan Arunaka DC

⁶⁸ Wila masinakan yaqhip jilïrinakapaxa, churäwinak Jerusalenar apapxäna, Tatitun utap wasitat lurañataki.

Esdras 2:68 Jak'a apnaqawi uñst'ayäwi

1 Crónicas 21:18

Ucatsti Tatitun angelapajj Gad chacharuw yatiyäna Davidajj Tatitutaqui mä altar sayt'ayañapataqui, jebuseo Ornán chachajj trigo jawk'cäna ucawjaru.

1 Crónicas 22:1

Ucatwa Davidajj säna: “Acqhancaniwa Tatit Diosan templopajja, uqhamarac Israelan nact'ayañ ofrendanac altarapasa” sasa.

2 Crónicas 3:1

Salomonajj Jerusalén marcanjja Tatitutaqui mä templo lurañyawa kalltäna, Moriah kolluna, cawqhantejj Tatitojj uñstcäna David awquiparu ucqhana, uqhamaraqui cawqharutejj Davidajj waquichcäna ucqharu, jebuseo Ornán chachajj trigo jawk'ascäna ucqharu.

Esdras 2:67

pusi pataca quimsa tunca pheskan camellonaca, uqhamarac sojjta waranka pakallk pataca pä tuncan asnonaca.

Esdras 2:69

Lurayañataqui kollkenacsti churapjjänwa ch'amanacaparjama, pusi pataca quimsakallk tunca quimsakallkon kilo korinaca, pä waranka pakallk pataca pheska tuncan kilo kollke, uqhamarac pataca túnica sat isinaca sacerdotenacataqui.

Esdras 3:3

Altarsti suma utt'ayapjjäna, jupanacajj uca oraken jaquir jakenacar ajjsarapjjatap laycu, ucatsti sapa alwanaca, uqhamarac sapa jayp'unacawa uca patjjar nact'at loktäwinaca loktapjjerïna, Tatitur jach'achasina.

Esdras 9:9

Nanacajj esclavöpcchïyäta ucasa, janiw jumajja apanucupquistati esclavo cancañana t'akhesiñana. Jumajj qhuyapayasiñamjja uñacht'ayapjjestawa Persia marcanquir reyinac toke, ucatsti jacayapjjestawa temploma sayt'ayañataqui tucjata taypita, uqhamarac imapjjaraquista Judá orakena, uqhamarac Jerusalén marcansa.

Salmos 110:3

Marcamajj atipt'añam urunjja, jumaruw catuyasjjätam. Kollan kollunac patjjanjja, willjta sullar uñtataw wayna cancañamajj sapür machakaptani.”

Éxodo 25:2

“Israelitanacarojja nayataqui ofrenda apthapipjjañapataqui yatiyam. Jumanacasti, apthapipjjätawa qhitinacatejj take chuymampi churañ munqui ucanacata.

Éxodo 35:21

Ucampis take qhitinacatejj chuymanacapan amthapisisajj take chuymanacapampi Tatitutac ofrendanaca apt'ata cutt'anipjjäna, Tatitumpi Jiquisiñ Carpajj lurasiñapataqui, take yänacampi, uqhamarac sacerdoten kollan isinacapsa.

Éxodo 35:29

Take israelit chachanaca, uqhamarac warminacaw chuymanacapan amthapisipjjäna cuntejj Tatitojj luram siscäna uca lurañan yanapt'añjja, ucatsti take chuymaw ofrenda Tatitutac apanipjjäna.

Éxodo 36:3

Ucampis jupanacajj Moisesatjja catokapjjänwa cawquïr ofrendanactejj israelitanacajj apanipcäna ucanaca, cunanacatejj Tatitumpi Jiquisiñ Carpa lurañataquejja waquisqui ucanac kalltañataqui. Ucampis israelitanacajj ofrendanacjja sapüruw apanipjjäna.

2 Corintios 8:12

Cunapachatejj maynejj churañ muni ucqhajja Diosajj catokewa utjiriparjama. Jupajj janiw mayquiti maynin jan utjcchi ucqhajja.

2 Corintios 8:3

Nayaw uca toketjj testigötjja. Take chuymampiw churapjjäna cawqhacamatï churäwa sapqui ucqhacama, ucat juc'ampsa churasipcaquïnwa.

2 Corintios 9:7

Sapa mayniw, cunjämtï chuymapanjja amtqui uqhamarjam churañapa; janiw pä chuyma churañapäquiti, janiraquiw maynin jariyataquis churañapäcaraquiti, Diosasti cusisit chuymampi chuririruw munaraqui.