Esdras 2:1 - Qullan Arunaca

^1-2 Judá orakena yuripcäna uca israelitanacan listapasti acawa, qhitinacatejj Babilonianquiri Nabucodonosor reyin preso apatäpcäna, ucatsti preso apatäsinjja cutt'anjjapjjäna Jerusalén marcaru, uqhamarac Judá orakena yakha chekanacarusa. Sapa maynisa marcaparcamawa cutt'anjjapjjäna aca chachanacan p'ekechata, Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum, uqhamarac Baana ucanaca:

Aymar Bibliia 1986

^1-2 Judá orakena yuripcäna uca israelitanacan listapasti acawa, qhitinacatejj Babilonianquiri Nabucodonosor reyin preso apatäpcäna, ucatsti preso apatäsinjja cutt'anjjapjjäna Jerusalén marcaru, uqhamarac Judá orakena yakha chekanacarusa. Sapa maynisa marcaparcamawa cutt'anjjapjjäna aca chachanacan p'ekechata, Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum, uqhamarac Baana ucanaca:

Qullan Arunaka DC

^1-2 Nabucodonosor reyix walja judionakaruw Babilonia markar katuntat apäna. Jerusalén markar kutt'anirinakax uka katuntat judionakan wawanakapänwa. Jilïr irpirinakax Zorobabel chachan p'iqichataw Jerusalén markaru, ukhamarak Judá uraqin utjir markanakar kutt'anxapxäna. Jilïr irpirinakan sutinakapax akanakänwa: Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm, Baaná, ukanaka. Maynïr kutt'anir judionakasti akanakänwa:

Esdras 2:1 Jak'a apnaqawi uñst'ayäwi

2 Reyes 25:11

Ucatsti Nabuzaradán capitanapajja preswa Babiloniaru apäna marcana kheparapcäna uca jakenacaru, uqhamarac Babilonianquiri reyiru jakcattapcäna uca jakenacamppacharu, uqhamarac jilt'ir amparamp irnaker jakenacarusa.

1 Crónicas 9:1

Uqhämat take Israelpachajja suma kellkatänjja Israelan reyinacapana libropana. Judá orakenquir jakenacasti jucha luratanacap laycuw Babilonia marcaru apanucutäpjjäna.

1 Crónicas 9:2

Qhitinacatejj israelitanacata nayrakata utt'asipcäna orakenacaparu, marcanacaparu ucanacasti acanacäpjjänwa: israelitanaca, sacerdotenaca, levitanaca, templon sirvirinacapasa.

Esdras 1:11

Korita, kollketa take lurata yänacajja pheska waranka pusi patacanïnwa. Take acanacjja Sesbasar sat chachaw Jerusalenar apjjäna, Babiloniata preso apata jakenacampi cutt'asincäna ucqha.

Esdras 2:70

Ucatsti sacerdotenaca, levitanaca, uqhamarac marcanquiri yakhepanacasa Jerusalén marcaruwa kheparapjjäna jacañataqui, ucatjja k'ochurinacasa, puncu uñjirinacasa, uqhamarac templon sirvirinacasa, uqhamarac ucat ucjjar israelitanacasa marcanacaparuw kheparjjapjjäna.

Esdras 6:2

Ucatsti Media sat provinciana Ecbatana palacionjja mä libro jicjjatapjjäna, ucansti amtañataqui aqham arunacaw ucancäna:

Esdras 8:35

Ucjjarusti jayar apayatanacajj cutt'anjjapjjäna ucanacasti, churapjjänwa nact'at loktäwinaca Israelan Diosaparu loktatäñapataqui, uqhamarac take israelitanacan sutiparuraqui, churapjjänwa tunca payan vaca kallunaca, llätunc tunca sojjtani qhariñ ovejanaca, pakallk tunca pakallkoni mä maran ovejanaca, uqhamarac tunca payan chivonaca juchata ofrenda loktañataqui. Take ucanacasti Tatitutaqui nact'ayatänwa.

Nehemías 12:1

Aca sacerdotenacamp uqhamarac levitanacampiw cutt'anjjapjjänjja Zorobabelamp chicajja, jupasti Salatiel ucan yokapa, uqhamarac Jusueyamp cuna; sacerdotenacasti acanacänwa: Seraías, Jeremías, Esdras,

Ester (hebreo) 1:1

Acanacasti lurasïnwa cunapachatï rey Asuerojj mä imperio apnakcäna ucapacha. Uca imperiosti pataca pä tunca pakallkoni provincianacanïnwa, India sat chekat kalltasina Etiopía chekacama.

Ester (hebreo) 1:11

Vasti reinaru, reyin nayrakataparu irpapjjañapataqui suma coronani uqham isthapita, uqhamata take marcanquir jakenacasa, jach'a jilïr jakenacasa reinaru jiwaquïtap uñjasinjja muspharapjjañapataqui, jupasti wali jiwaquïnwa uca laycu.

Ester (hebreo) 1:3

Rey Asuerosti quimsa mara apnakjjasinjja, mä fiesta luräna take ministronacaparu, yanapiri jilïrinacaparu, Persa, Medo ucanquir ejerciton jilïrinacapampiru, uqhamarac provincianacan jilïrinacapampiru.

Ester (hebreo) 1:8

Ucatsti reyejj ordenaraquïnwa palaciopanjja jilïri uywatanacaparojja jan qhitirus umañapataquejj wayt'apjjañapataqui, jan ucasti sapa mayni jawsatanacajja kawktejj munapqui uqhamarjama umapjjañapataqui.

Ester (hebreo) 8:9

Reyin kellkerinacaparojj janc'aquiw jawsayanipjjäna, uca urusti quimsïri phajjsina pä tunca quimsani uru sarakatänwa, jan ucasti Siván sat phajjsina. Ucampis take cunanactejj Mardoqueojj arscäna judionacataquejja uqhamarjamaw kellkatäna, take provincianacan marcanacanquiri jilïrinacaru, uqhamaraquiw kellkatäna patac pä tunca pakallkon provincianquir jilïrinacaru, uca provincianacasti India oraketa, Etiopía orakcamänwa, take cartanacasti kellkatänwa lajjranacaparjama, suma kellkata sapa provinciaru. Uqhamaraquiw judionacarusa kellkatänwa lajjranacapata suma kellkäwinacaparjama.

Isaías 48:20

Babiloniat mistjjapjjam, caldeonacatsti jaltjjapjjaraquim; aca yatiyäwsti cusisiñampi arnakt'asis yatiyapjjam, aca orake tucuscamaraqui yatiyapjjam. Sapjjaraquim: “Tatituwa khespiyi Jacob sirviriparojja” sasa.

Jeremías 50:19

Israel marcarusti cutt'ayanjjaraquïwa orakeparojja. Carmelo orakensa, Basán, Efraín kollunacansa, uqhamarac Galaad oraken walja pastonacani ovejar uñtatäniwa.

Lamentaciones 1:3

T'akhesiñanacampitsa, ch'ama tucuñanacampitsa, Judá marcajj jichhajj preso apatawa. Qhititejj nayrajj marcanac taypin apnakcäna ucasti jichhajj janiw samarañ jicjjatcjjeti. Jupar arcnakerinacasti, jicjjatapjjaraquiwa, ucatsti jan walt'añanacanwa uñjasiyapjjaraqui.

Lamentaciones 1:5

Uñisirinacapaw jichhajj apnakapjje, uñisirinacapasti kamirquipstapjjaraquiwa. Tatitupï uqham t'akhesiyejja, sinti jach'a juchanac luratap laycu. Wawanacapasti jaya marcar preso apatawa, uñisirinacapan apatawa.

Lamentaciones 4:22

Sión marca, mutuyatamajj phokhasjjewa; Tatitojj janiw juc'ampi apanucuycjjätamti. Ucampisa Edom marca, jucha luratamatjja mutuyapunïtamwa, juchanacamsa khanaruw apsuraquini.

Sofonías 2:7

Ucatsti Judá marcan jilt'ir jakenacaw uca orakenacjja catuntasipjjani, cunapachatejj Diosapajj yanapt'añataqui jutcani, uqhamaraqui jaya marcaru apanucutatsa cuttayancani ucapacha. Jupanacasti ucanwa ovejanacap uñjapjjani. Arumanacasti Ascalón utanacanrac iquipjjani.

Hechos 23:34

Carta leet'asinsti, marca apnakerejj Pabloruw jisct'i: ¿Cawquinquirïtas jumajja?, sasa. Cilicianquirïtap yatisinsti Pablorojj sänwa: