Esdras 10:18 - Qullan Arunaca

¹⁸ Sacerdotenacat qhitinacatejj yakha marcanacanquir warminacampi casarasipcäna ucanacasti, acanacäpjjänwa: Josadac chachan Josué yokapan wawanacapa, uqhamarac familianacapatsa: Maasías, Eliezer, Jarib, uqhamarac Gidalías ucaraqui,

Aymar Bibliia 1986

¹⁸ Sacerdotenacat qhitinacatejj yakha marcanacanquir warminacampi casarasipcäna ucanacasti, acanacäpjjänwa: Josadac chachan Josué yokapan wawanacapa, uqhamarac familianacapatsa: Maasías, Eliezer, Jarib, uqhamarac Gidalías ucaraqui,

Qullan Arunaka DC

¹⁸ Sacerdotenakat yaqha markanakankir warminakamp jaqichasirinakax akanakänwa: Josadac chachan Josué yuqapan wawanakapa, ukhamarak wila masinakapata Maaseías, Eliézer, Jarib, Guedalías,

Esdras 10:18 Jak'a apnaqawi uñst'ayäwi

Esdras 10:17

Kallta phajjsita, kallta uru sarakataruwa tucuyapjjäna uca jakenacan jaya marcanacanquir warminacampi casarasipcäna ucanacan sarnakäwinacapata yatjjataña tucuyapjjäna.

Esdras 2:36

Josué familiata Jedaías chachat sarakeri sacerdotenacasti, llätunc pataca pakallk tunca quimsanïpjjänwa;

Esdras 3:2

Ucatsti Josadac chachan Josué yokapasa, uqhamarac sacerdote masinacapasa, Salatiel chachan Zorobabel yokapasa, uqhamarac familianacapasa Israelan Diosapan altarapa lurañaruwa uchasipjjäna, uca patjjana nact'ata loktäwinaca loktañataqui, cunjämtï Moisés Diosan jakep toke leyejj siscäna uqhamarjama.

Esdras 3:8

Jerusalén marcaru Diosan utaparu purinitapata payïri marana, payïri phajjsipanwa kalltapjjäna Diosan templopa wasitat utachaña Salatiel sat chachan Zorobabel yokapa, uqhamarac Josadac chachan Josué yokaparaqui, jupanacamp chicäpcän ucanaca, sacerdotenaca, levitanaca, uqhamarac preso apatanacajj Jerusalenaru cutt'anipcäna take ucanacaraqui. Uca luraña sarayapjjañapataquisti catuyapjjänwa pä tunca maranita ucsar jila marani levita chachanacaru.

Esdras 5:2

Ucatsti Salatiel chachan Zorobabel yokapampi, uqhamarac Josadac chachan Josué yokapampejj wasitataw lurañ kalltapjjäna Jerusalenan Diosan templopa, ucatsti Diosan profetanacapajj jupanacampïscänwa yanapañataqui.

Esdras 9:1

Ucanac tuct'ayatarusti, jilïrinacajja nayar jac'achasisinjja sapjjetuwa: “Israelitanacasa, sacerdotenacasa, uqhamarac levita jakenacasa, aca orakenquir jakenacatjja janiw yakhachata jacapquiti, cananeos, hititas, ferezeos, jebuseos, amonitas, moabitas, egipcios, uqhamarac amorreos ucanacan ajjtcaña diosanacar loktasa sarnakäwinacapatjja.

Esdras 9:2

Jupanacasa yokanacapasa uca jakenacan phuchanacapampiwa casarasipjje; uqhamasti Diosan marcapajj yakha marcanacanquir jakenacampiwa mayachasjjapjje. Nayrakatajja jilïrinacampi marca apnakerinacampiwa aca juchjja lurapjje” sasa.

Nehemías 12:10

Josué ucasti Joiacim ucan awquipänwa, Joiacim ucasti Eliasib ucan awquipänwa, Eliasib ucasti Joiada ucan awquiparaqui,

Nehemías 13:28

Eliasib sumo sacerdoten Joiada yokapan maynïr yokapasti, horonita Sanbalat chachan tollkapänwa. Juparusti jaltaytwa nayan nayrakatajjata.

Nehemías 8:4

Yatichiri Esdrasasti maderata lurata plataforma patana sayt'atänwa, uca plataformasti uca amtäwimpi luratänwa. Uqhamaraquiw Esdrasan cupëjjapan sayt'atäpjjaraquïna: Matatías, Sema, Anías, Urías, Hilcías, uqhamarac Maasías ucanacasa. Ch'ekäjjapansti sayt'atäpjjaraquïnwa: Pedaías, Misael, Malquías, Hasum, Hasbadana, Zacarías, uqhamarac Mesulam ucacana.

Nehemías 8:7

Ucatjja Jesúa, Bani, Serebías, Jamín, Acub, Sabetai, Hodías, Maasías, Kelita, Azarías, Jozabed, Hanán, uqhamarac Pelaía Levita chachanacajj jakenacarojj leyitjja khanañchapjjänwa. Jakenacasti ucqhacamajj pachpancapjjänwa,

Jeremías 23:10

Aca marcasti wachoka jucha lurir jakenacan phokhantatawa, ñankha lurañaru jalir jakenacana phokhantatawa, ch'amanacapsti jan walinac lurañataquiquiw apnakapjje. Ucatwa Tatitojj aca orakjja maldecïnjja, aca orakesti wañsuwayjjaraquiwa, wasara tokenquir pastonacasa k'alaw pharsuwayjjaraqui.

Jeremías 23:11

Tatitusti siwa: “Profetanacasa, sacerdotenacasa juchararcamaquïpjjewa, Pachpa templojjanwa jan walinac lurasipquiri jicjjataracta.

Jeremías 23:14

Jerusalenanquir profetanacarusti nayaw uñjta, ajjtascañ luräwinaca lurasipquiri: Wachok juchanac lurapjje, lunthatapjjaraqui, janiraquiw maynis ñankha lurañanacapjja apanucquiti. Jupanacasa, marcan jaquirinacasa, nayataquejj Sodoma, Gomorra marcanacjamäpjjewa.

Ezequiel 44:22

janiraquiw mä ijma warmimpisa ni chachampi jaljtata warmimpisa casarasiñapäquiti, jan ucasti Israelanquiri mä jan chacha uñt'iri tawakompiw casarasiñapa, jan ucajj yakha sacerdoten ijmapampisa.

Levítico 21:7

“Janiraquiw walja chachanacampi sarnaker warminacampisa casarasipjjañapäquiti, ni mä ch'amampi warmisita warmimpisa ni jaljtata warmimpisa, uca sacerdotenacajj Diosataqui yakhachatäpjjatap laycu.

Hageo 1:1

Rey Darion pä mara apnakataparusti, sojjtïri phajjsina kallta uruwa Tatitojj Hageo profeta toke Salatielan Zorobabel yokaparojj parli, jupasti Judá marcanjja gobernadoränwa, uqhamarac Josadacana Josué yokapampiru cuna, jupasti uca pachajj jach'a jilïri sacerdotënwa.

Hageo 1:12

Zorobabelas, Josué chachasa, uqhamarac jakenacasa, Tatitojj cuntejj profeta toke parlcän ucanac ist'asajj wal ajjsarthapipjjäna. Ucracwa Dios Tatitojj jaytawayatayna yatiyañataqui.

Hageo 2:4

¡Ucampis ch'amacht'asim Zorobabel! ¡Ch'amacht'asiraquim jumas Josué sacerdotenacan jilïripa! Ch'amacht'asipjjaraquim jumanaca aca marcanquir take jakenaca trabajapjjam, nayaw jumanacampïscta. Naya ch'amani Tatituw arsta.

Zacarías 3:1

Ucjjarusti Tatitojj uñacht'ayituwa mä uñjäwinjja Josué sumo sacerdoteru, jupasti sayt'atäscänwa Tatitun angelap nayrakatana. Josué chachan cupëjjapansti supayaraquiw sayt'atäscäna juchañchañataqui.

Zacarías 6:11

Kollkempi korimpi apthapisajja luram coronanaca, mayïrsti uchätawa Josué, Josadacan yokapa jilïr sacerdoten p'ekepjjaru.

1 Timoteo 3:11

Uca pachparaquiw warminacas respetompi sarnakapjjañapa, jan arunac apnakeriraqui, suma amuyumpi sarnakasa, take cunans chekap lurasaraqui.