Eclesiastés 7:25 - Qullan Arunaca

²⁵ Nayajj yatjjatañaruw uchasta, ucanacsti suma yatjjatañaruraqui, uqhamat cuna asquïcataynatï uca jicjjatañataqui. Ucatsti amuyastwa pisi amuyt'anïñajja jan walïtapa, uqhamarac jan wali sarnakañajja lokhe cancañätapa.

Aymar Bibliia 1986

²⁵ Nayajj yatjjatañaruw uchasta, ucanacsti suma yatjjatañaruraqui, uqhamat cuna asquïcataynatï uca jicjjatañataqui. Ucatsti amuyastwa pisi amuyt'anïñajja jan walïtapa, uqhamarac jan wali sarnakañajja lokhe cancañätapa.

Qullan Arunaka DC

²⁵ Nayax yatxatañanak jikxatañaruw uchasta, ukat yatxatxasin mä suma amuyt'ar puriñataki. Ukhamasti nayax amuytwa, pisi amuyt'anïñan jan walïtapa, pisi chuymäñas luqhi kankañätapa.

Eclesiastés 7:25 Jak'a apnaqawi uñst'ayäwi

Génesis 34:7

Cunapachatejj Jacobon yokanacapajj pampat purinjjapjjän ucqhasti, cunatejj pascatayna uca yatisinsti, walipuniw colerasipjjäna, Siquem jaken uqhama Jacobon phuchapampi iquintatapajj sinti jach'a deshonränwa Israel marcataquejja. ¡Janipuniw uqham lurasiñapajj waquiscänti!

2 Samuel 13:12

Ucampisa Tamarajj saraquïnwa: —Janiw, jilata, jan uqham nayar jan wal luristati, uqham lurañajj janiw Israel marcanjja utjquiti. ¡Jan uca ñankha luramti!

Proverbios 17:12

Jan amuyt'an ñankha amtäwin jakempi jiquisiñat sipansa, walïcaspaw wawanacap aparat khoru osampi jiquintasiñajja.

Proverbios 26:11

Cunjämatï mä anojj wak'aksutaparu cuttasejja, uqhamawa jan amuyt'an jakejj jan wali luräwinacaparu cuttasiraqui.

Eclesiastés 10:13

jupasti pisi amuyt'a arunaca parlañwa kallti, ucatsti juc'ampi jan wali arunaca parlasaquiw tucuyjjaraqui.

Eclesiastés 2:12

Ucatsti amthapisiractwa yatiñata, pisi amuyt'anïñata, uqhamarac pisi amuyt'anjam parlañatsa. ¿Cunat juc'ampsa luraspa nayjjaru reyïcani ucajja, janiti nayra cunatejj luratäcäna ucaquïcanejja?

Eclesiastés 2:15

ucatwa sista: “Cunatejj pisi amuyt'aniru suyt'asquejja ucaraquiw nayarojj suyt'araquitu, uqhamasti wali yatiñanïñajjajja janiw nayataquejj cuna asquïquisa.” ¡Ucasa inamayaquiwa!

Eclesiastés 2:20

Aca orakena luratanacajja uñjasinjja, llaquisïyätwa uca take luratajjata.

Eclesiastés 7:27

Naya, yatiyirejj, cunäcataynatejj ucanac thakasaw ucanac jicjjatta:

Josué 7:13

Sayt'asim ucatsti Israel marcaru tantacht'am: ‘Arumanthejj alwat chuymanacam k'omachasipjjam’ sasa. Naya Israel marcan Tatitu Diosapaw sista: ‘Oh, Israel marcajja, cawquïritejj k'ala t'unjatäñapäcän ucajj jumanac taypincasquiwa, janitï ucaru jumanac taypit ankaru jakonucupcät ucqhajj janiw uñisirinacamampejj nuwasiñ puedipcätati.’