Eclesiastés 7:16 - Qullan Arunaca

¹⁶ Jan sinti suma jake tucumti, janirac sinti yatiñanis tucumti. ¿Cunatsa juma pachpajj aynacht'ascätajja?

Aymar Bibliia 1986

¹⁶ Jan sinti suma jake tucumti, janirac sinti yatiñanis tucumti. ¿Cunatsa juma pachpajj aynacht'ascätajja?

Qullan Arunaka DC

¹⁶ Jan sinti askix tukumti, janirak sinti yatiñanis tukumti. ¿Kunatarak jumapach aynacht'añ muntasti?

Eclesiastés 7:16 Jak'a apnaqawi uñst'ayäwi

Génesis 3:6

Warmisti uca kokan achupajj mankt'añataquisa uqhamaraqui yatiñanïñataquisa sumätapwa uñcatäna. Uqhamasti mä achu apakasinjja mank'antänwa. Ucatsti chachaparuraquiw churäna, jupasti mank'antaraquïnwa.

Job 11:12

Cuna urutejj monte asnojj sumaru tucjjani uca urusti, pisi chuyma jakejja amuyt'asjjaraquiniwa.

Job 28:28

Diosasti jakenacarojj sänwa: ‘Take chuymampi Tatitu Diosar sirviñanquiwa yatiñ cancañajja; ñankhanacat jithektañanquiwa amuyt'asirïñajja’ ” sasa.

Proverbios 23:4

Jan ch'amañchasimti kamiriptañataqui; ucjjat llaquisiñjja apanucum.

Proverbios 25:16

Misq'i jicjjatäta ucajj, jan jilañchjasa mank'amti. Jilañchjasa mank'äta ucasti wak'akjasïtawa.

Eclesiastés 12:12

Maynisti ucanacatjja suma ewjjanacwa apsuspa. Walja libronaca lurañanjja janiw tucuyapajj utjquiti, uqhamarac wali yatekañanjja karjasiñaw utji.

Mateo 23:29

“¡Ay, camachapcaquït jumanacajja ley yatichirinaca, fariseonaca, c'ari chuymaninaca! Jumanacajj profetanacan imäwipjja lurapjjtawa, uqhamarac asqui jakenacan imäwinacapjja c'achachapjjaractawa.

Mateo 23:38

Uñjapjjamaya, cunjämatejj jumanacan utanacamajj ina ch'usar tucuni uca.

Mateo 23:5

Take cuns lurapjjewa jaken uñjayasiñataquiqui, munapjjaraquiwa amparanacaparu, paranacaparu apaña mä kawkha Diosan arunacap jach'a papelanacaru kellksuta. Uqhamaraquiw jach'a flecon isinacampi isthapisipjje yakha jakenacat sipansa.

Mateo 9:14

Ucapachajj Bautisiri Juanan arquirinacapajj Jesusaruw jac'achasisina jisct'apjje: —¿Cunatsa nanacamp fariseonacampejj wal ayunapjjtjja, juman discipulonacamasti janiraquis ayunquitejja? —sasa.

Lucas 18:12

Nayajj semananjja pä cutiw ayunta, churaracsmawa sapa tuncat maya cuntejj jicjjatta ucanacata’ sasa.

Romanos 10:2

Jupanac laycusti saractwa, jupanacanjj Diosatac munañ chuymajj utjasquiwa, ucampis jupanacan Diosar munañajj janiw chekpach amuyt'añjjanquiti.

Romanos 11:25

Jilatanaca, nayajj muntwa jumanacajj Diosan jamasan imantatäqui uca yatipjjañama, jan jumanacajj wali yatiñaninacjam tucupjjañamataqui. Ucasti acawa: Yakhep israelitanacajj chekpachansa chuymanacapjja kalarayasipjjewa, ucasti qhitinacatejj jan israelitanacäquis ucanacan mantañapcamaquiw lurasi.

Romanos 12:3

Diosajj munasiñapampi mä suma ewjja nayar churatap laycuw takeniru sapjjsma: jan maynis jupa quipcatjja lup'pati cuntejj lup'iñäqui ucat juc'ampjja. Ucampis sapa mayniw chekaparu lup'iñapa jupan Diosar iyawsañapa utjatapatjama.

1 Corintios 3:18

Jan qhitis jupapacha sallkjaspati. Maynitejj take cunsa yatitapa amuyaschejja, jan cunsa yatirjamaw tucuñapa, uqhamata chekpachansa yatiñan jake tucuñapataqui.

1 Corintios 3:20

Mayawjansti saraquiwa: “Diosajj yatiwa acapach yatiñan jakenacan amtatanacapajj jan cunataqui asquïtapa.”

Filipenses 3:6

Diosan iglesiapjja wali ch'amampiw uñisisa arcnakäyäta, leyirjam sum sarnakeriraqui jan qhitins camscaya, jan juchañchcayaraqui.

Colosenses 2:18

Jan chhakañaru apayasipjjamti qhitinacatejj wali suma chuymanit uñt'ayasipqui, uqhamarac angelanacar yupaychiri tucupqui ucanacampejja. Jupanacajj uñanchäwinacs uñjapcaspa uqhamäpjjewa, ucatsti amuyt'anïpjjatap laycuraquiw wali jach'a jach'a tucupjje.

Colosenses 2:23

Mä toketjja uca yatichäwinacajj sumjamäspawa, jakerus Diosarus sum arccaspa uqham tucuyaspa, alt'at chuymanïñapa mayiraqui, uqhamarac janchir t'akhesiyañsa mayiraqui, ucampis inamayaquiw take jañchin munañapar atipjañataquejja.

1 Timoteo 4:3

Aca jakenacajj sapjjewa: “Janiw casarasiñasäquiti” sasa, uqhamarac yakhep mank'anac mank'añsa jarc'apjjaraquiwa. Diosawa mank'añanacjja luri iyawsirinacana uqhamarac cheka uñt'irinacan mank'añapataqui, Jupar yuspagarasina.

Apocalipsis 18:19

Ucatsti lak'anacampiw p'ekenacapatjja willjjatasipjjäna, jachapjjaraquïnwa, wararipjjaraquïnwa: “¡Ay! ¡Jan cunani jach'a marca! Take barqueronacasa aca marcampiraquiw kamiriptapjjänjja, ¡jichhasti janc'aquiraquis uca kamir cancañapajja tucusiwayjjejjä!