Eclesiastés 6:6 - Qullan Arunaca

⁶ Jupajj pä waranka marasa jacchisapäna yänacapata jan cusisisa ucajja, ¡panpachanis pachpa chekaruw sarapjjejja!

Aymar Bibliia 1986

⁶ Jupajj pä waranka marasa jacchisapäna yänacapata jan cusisisa ucajja, ¡panpachanis pachpa chekaruw sarapjjejja!

Qullan Arunaka DC

⁶ Jupax pä waranqa maras jakchisapän ukas janiw yänakapat kusiskasapänti. Chiqpachansa, ¡taqiniw uka pachpar sarapxi!

Eclesiastés 6:6 Jak'a apnaqawi uñst'ayäwi

Génesis 5:5

junturusti llätunc pataca quimsatuncani maranacaraquiw jacäna. Ucapacharaquiw jiwjjäna.

Job 1:21

Jupasti sänwa: “Nayajj taycajjan puracapatjja k'alalaquiw nasta, k'alalaquiraquiw cuttjjaraquëjja. Tatitu Diosaw take cunsa churitu, ucatsti jupaw apakasjjaraquitu. Ucampis ¡Tatitun sutipajj jach'añchatäpan!” sasa.

Job 30:23

Yatiractwa jumajj nayarojj jiwañaru apañ munatama, cawqharutejj take jakejj puriñapäqui ucaru.

Job 7:7

“Amtasimay Dios Tata, jacañajjajj samanampi sasiquiwa, janiraquiw mayampis nayataquejj cusisiñajj utjcjjaniti.

Salmos 34:12

¿walja maranac jacañ munasmati?, ¿take cunan phokt'at jacañ munasmati?

Eclesiastés 12:7

Uca pasatatsti lak'acäna ucajj lak'aruw cuttjjani, cunjämäcäntejj nayrajj uqhama, ajayusti Diosan ucaruraquiw cutt'jjaraquini, qhititejj churcäna ucaru.

Eclesiastés 2:14

Yatiñanejja sumwa nayrapampi uñatati, ucampis pisi amuyt'anejja ch'amacanjamwa sarnake. Ucampis amuyaractwa paninpacharusa pachpaquiraquiw suyt'asqui,

Eclesiastés 3:20

Takenis mä tucuyäwiruquiw sarapjje; takenis lak'ata luratäpjjewa, uqhamaraquiw takenis lak'aru tucjjapjjani.

Eclesiastés 6:3

Mä chachajj patac wawanïscaspawa, ucatsti walja maranacas jacascaraquispawa; ucampis walja jaccasinsa, janitejj yänacapampi cusiscani, ucatsti janiraqui sepulturarus sum imt'atäcaspa ucajja, nayajj sistwa uca chachat sipansa mä sullunucuta wawaw juc'amp asquïsquejja.

Eclesiastés 6:5

uqhamarac janis intsa uñjcchini, cunsa yatcchiniti, ucampis uca chachat sipansa juc'amp samarañanïniwa.

Eclesiastés 7:2

Cusisiñaru sarañata sipansa, jiwirin utaparu sarañawa asquejja. Jiwañajj take jakenacan tucuyäwipawa, ucatsti jaquirinacajj amuyt'asipjjañapawa.

Eclesiastés 9:2

Uqhamasti uca pachpawa takenirusa suyt'asqui asqui jakerusa, jucharar jakerusa, suma jakerusa jan wali jakeru, k'omaru jan k'omaru, sacrificio churirirusa jan churirirusa; uca pachparaquiw suyt'asqui suma jakerusa, jucharar jakerusa, juramento luririrusa, jan luririrusa.

Isaías 65:20

Ucanjja wawanacas janiraquiw jisc'pacha jiwarapcaniti, janiraquiw chuymani jakenacas janïra maranacap phokcasajj jiwapcaniti. Patac marani jiwañasti waynpacha jiwañäniwa, uca patac marar jan purjjañasti mä maldicionaraquïniwa.

Isaías 65:22

Janiw ucanjja maynejj yakhan jacasiñapataqui utachcaniti, janiraquiw maynejj yapuchcaniti mayninacan asquipataquiquejja. Marcajjasti mä kokar uñtataw walja maranaca jacaraquini; ajllitanacajjasti cuntejj amparapampi lurasipqui ucwa mank'asipjjani.

Jeremías 17:6

Ucasti wasaranquiri ch'aphiru uñtataraquïniwa, janiw qhitis jupatjja amtascaraquiniti, cunjämatejj uca ch'aphejj kalanac taypina jili, jayuni orakena, cawqhantejj jan qhitis jacqui ucana.

Hebreos 9:27

Cunjämatejj take maynins mä cuti jiwañapäquejja, ucjjarusti taripäwiw jutaraqui.