Eclesiastés 5:19 - Qullan Arunaca

¹⁹ Maysa toketjja, Diosajj qhitirutejj wali kamirïña churqui ucarojja, ch'amwa churaraqui cunatejj jupar wact'qui ucata mank'añapataqui, uqhama uca take irnakatata cusisiñajja Diosataracwa juti.

Aymar Bibliia 1986

¹⁹ Maysa toketjja, Diosajj qhitirutejj wali kamirïña churqui ucarojja, ch'amwa churaraqui cunatejj jupar wact'qui ucata mank'añapataqui, uqhama uca take irnakatata cusisiñajja Diosataracwa juti.

Qullan Arunaka DC

¹⁹ 19 (18) Mä tuqitsti, Diosax khitirutix wali qamir yänak churki ukarux ukanakat manqt'asiña, ukanakat kusist'añ churaraki, ukampis jan inakt'as irnaqatasat kusist'añax Diosat juti.

Eclesiastés 5:19 Jak'a apnaqawi uñst'ayäwi

1 Reyes 3:13

Uqhamaraquiw churaracsma kamir cancañanaca, uqhamarac jach'a cancaña, ucanacsti janiw jumajj mayquistati, jumjama yakha reyejja take jacañamanjja janiw utjcaniti.

2 Crónicas 1:12

Nayasti churämawa yatiñ cancañampi, uqhamarac ch'iqhi chuymampi, ucjjarusti nayajj churaraquïmawa kamir cancañampi, yänacampi, uqhamarac jach'aru aptatäñampi, ucsti janiw catokapcänti jumat nayra reyinacajja, ni jumat khepa reyinacasa catokapcaraquiniti —sasa.

Eclesiastés 3:13

Diosaw churistojja ucatwa jiwasajj mank'tansa, umastansa, uqhamarac luratanacasatsa cusistanjja.

Eclesiastés 6:2

Yakheparojj Diosajj walja jilarquiri suma yänaca churi, ucatsti cunanactejj munapqui ucanacajja janiw jupanacar pist'quiti; ucampis Diosajj janiw take ucanacatjja cusisiyquiti, jan ucasti yakhanacaw ucatjja cusisipjje. Acasti chekpachana wali llaquiscaña inamayaquiraquiwa.

Deuteronomio 8:18

Jan ucasti Tatitu Diosamat amtasipjjam, juparaquiw uca yänac jicjjatañataquejj ch'am churapjjtam, uqhamatwa jumanacampi phokhasi cawquïri arust'äwirutï awquinacamampi mantawaycäna ucanacajja.