Eclesiastés 5:17 - Qullan Arunaca

¹⁷ Ucjjarusti, take jacañapanjja ch'amacanwa sarnakawayi, jan walt'añana, t'akhesiñana, llaquisiñana.

Aymar Bibliia 1986

¹⁷ Ucjjarusti, take jacañapanjja ch'amacanwa sarnakawayi, jan walt'añana, t'akhesiñana, llaquisiñana.

Qullan Arunaka DC

¹⁷ 17 (16) Ukhamarus taqi jakäwipansti ch'amakanjam sarnaqawayi, jan walt'añana, t'aqhisiñana, chuyma usuyasiñanakana.

Eclesiastés 5:17 Jak'a apnaqawi uñst'ayäwi

Génesis 3:17

Chacharusti saraquïnwa: —Warmimar ist'atam laycu, uqhamaraqui “Janiw mank'ätati” siscsma uca kokan achupat mank'atamatjja, jichhajj orakejj jucham laycuw maldicitäni; wali ch'ama tucusaraquiw mank'añamjja achuyasïta, take jacañamanjja.

1 Reyes 17:12

Warmisti ucjjarojj sänwa: —Nayajj juramentompiw arsta Tatit Diosam laycu, janiw khathit t'ant'ajj utjquituti. Uqhamarus mä jach'i jac'uquiw tinajana utjitu, uqhamarac chatojjan mä juc'a aceitequiraqui, jichhasti nayajj mä juc'a lawanacwa apthapisiscäyäta phayir sarañataqui nayan wawajjataqui, uqhamarac nayataqui. Ucwa mank't'asiwayapjjäjja, ucatjja jiwjjapjjäwa mank'atjama —sasa.

2 Reyes 1:2

Ocozías reyisti palaciopana altos patatjja mä ventanatwa jalaktäna Samaria marcana, ucatsti wali chhojjriñchjatänwa. Ucatjja jupajj Ecronanquiri Baal-zebub sat diosar jisct'iriw qhitanaca qhitasïna: “Waliptjjeristti, janicha” sasa.

2 Reyes 1:6

Jupanacasti sapjjänwa: —Mä chachawa sarquipana jicjjatapjjetu, ucatsti yatiyapjjetuwa cutt'jjapjjañanacajja qhitanipquitu uca reyin ucaru, ucatsti sapjjaraquituwa: Aqham siw Tatitojja: ‘¿Janit Israel marcan Diosasti utjquisti, Ecronanquir Baal-zebub diosar jisct'ir qhitañamataquisti? Uqham luratamatsti, janiw iquiñamata sartcjjätati, jan ucasti jiwjjätawa’ —sasa.

2 Reyes 5:27

Ucampis Naamanan lepra usupaw jumaru maqhatätam, uqhamarac juman wawanacamarusa wiñayataqui. Ucatjja cunapachatï Giezi uywatajj Eliseota sarakawayjjäna ucqhajja, wali lepra usunëjjänwa, qhunur uñtata jank'oquiraquiwa uñtasïna.

Job 21:25

Ucampisa yakhepanacajj aynacht'ataquiw jacasipjje, jan cusisiña mallt'asaquiraquiw jiwawayjjapjje.

Salmos 102:9

T'ant'a lantejj khellac mank'ta, umañajjasti jachampiw quituntasi,

Salmos 127:2

Willjtat sarnakatanacajj inamayawa, jayp'ucam irnakatas inamayawa, jump'i apsutamp t'ant'a mank'atas inamayawa, Diosajj munat wawanacapan iquiñanacapcam t'ant'a churqui ucapachajja.

Salmos 39:6

jaken jacañapajj ch'iwjamaquiwa; inamayaw yänacs arcuntasqui, janiw ucanac qhitin catuntasiñaps yatquiti.

Salmos 78:33

Ucat Diosajj jacañ urunacap mä phust'arjamac tucuyäna, wali t'akhesiñ taypina.

Eclesiastés 2:10

Cuntï muncäyäta ucjja luräyätwa; cunampitejj cusisiñ muncäyäta ucampejj cusisïyätwa. Chuymajjanjja take luratanacajjatwa cusisïyäta, ucatsti uca cusisiñawa nayan pagojjäna.

Eclesiastés 2:23

Take jacañapanjja t'akhesiñaquiw utji, uqhamarac llaquisiñanacaquiwa; janiw arumasa amuyupanjja samarquiti, lup'iscaquiwa. ¡Ucasti inamayaquiwa!

Eclesiastés 2:24

Jakejj mank'asispa, umasispa, uqhamarac luratapampisa cusisiraquispa uqhamanwa asqui luraspa. Amuyt'aractwa acajj Diosataraqui jutatapa.

Eclesiastés 7:14

Sumancaña jutipanjja cusisim; jan walt'aña jutipansti amuyt'asiraquim, mayasa, mayasa Diosanquiwa, ucatsti jakejj janipuniw yatquiti cunatï jutir urunacana jutcani ucatjja.

Hechos 12:23

Ucspachaw Tatitun angelapajj Herodesar usuntayäna, Diosan sutip jan jach'achatap laycu. Ucatsti jisc'a lak'onacan mank'antataw Herodesajj jiwjjäna.