Eclesiastés 3:5 - Qullan Arunaca

⁵ Kalanac willtañ horasa, kalanac apthapiñ horasa. Khomantasiñ horasa, jaljtañ horasa.

Aymar Bibliia 1986

⁵ Kalanac willtañ horasa, kalanac apthapiñ horasa. Khomantasiñ horasa, jaljtañ horasa.

Qullan Arunaka DC

⁵ Qalanak willtañ pacha, qalanak apthapiñ pacha. Qhumantasiñ pacha, jaljtañ pacha.

Eclesiastés 3:5 Jak'a apnaqawi uñst'ayäwi

2 Reyes 3:25

Ucjjarusti marcanacwa tucjapjjäna, yapuchañ orakenacjja kalanacampiwa phokhantapjjäna, take uma jalsunacsa llupantapjjänwa, ucatjja take fruta alinacjja phat'anucupjjänwa. Ucatsti Kir-hareset sat marcarusti kalanacacwa jaytjjapjjäna, ucampis k'orawiri jakenacajj muyuntasinwa tucjapjjäna.

Éxodo 19:15

Moisesasti marcarojj sänwa: —Jurpüru alwataquisti suma waquichasipjjam, jan warminacamampis icthapipjjamti —sasa.

Eclesiastés 3:4

Jachañ horasa, laruñ horasa. Llaquisiñ horasa, cusisincaña horasa.

Eclesiastés 3:6

Thakañ horasa, chhakayañ horasa. Imañ horasa, jaktañ horasa.

Joel 2:16

Diosan marcaparusti tantacht'apjjam, ucatsti k'omachapjjaraquim; tantacht'apjjam chuyman jakenacaru, wawanacaru, ñuñusquiri wawanacamppacharu. Jichha casarasirinacasa mistunipjjpan casarasïwi utanacapatjja.

1 Corintios 7:5

Jan maynis maynis “janiw” sasipjjamti, jan ucasti oración lurañ laycu, jumanac pura arust'asipjjasma mä tiempo jan jac'asiñataqui ucqhaquiw “janiw” sasipjjasmajja. Uca pasatatsti wasitatwa jumanacajj juntasjjapjjañama, inampis maynejj janchipar jan atipirjamäsajj Supayampi yant'atajja juchar purispa.

Josué 10:27

Cunapachatejj intejj jalantañ munjjän ucqhajj, Josué chachajj mä jakenacaruw qhitäna uca kokanacat apakanipjjañapataqui, ucatsti uca quipca puturu uchanipjjañapataqui, cawqharutï imantasipjjäna uca chekaru. Ucatjja uca putun puncupjja jach'a kalanacampiw atintanipjjäna, ucasti jichhürcamaw uqhamäsqui.