Eclesiastés 3:13 - Qullan Arunaca

¹³ Diosaw churistojja ucatwa jiwasajj mank'tansa, umastansa, uqhamarac luratanacasatsa cusistanjja.

Aymar Bibliia 1986

¹³ Diosaw churistojja ucatwa jiwasajj mank'tansa, umastansa, uqhamarac luratanacasatsa cusistanjja.

Qullan Arunaka DC

¹³ ukampis jiwasatix manqt'asiñäni, umt'asiñäni, irnaqäwisat kusist'añäni ukaxa, Diosaw ukham jiwasar churistu.

Eclesiastés 3:13 Jak'a apnaqawi uñst'ayäwi

Salmos 128:2

Ch'ama tucutamatjam mank'asïta, cusisitaw utjasïta, take cunas waliquiw sararapïtam.

Salmos 34:12

¿walja maranac jacañ munasmati?, ¿take cunan phokt'at jacañ munasmati?

Eclesiastés 2:24

Jakejj mank'asispa, umasispa, uqhamarac luratapampisa cusisiraquispa uqhamanwa asqui luraspa. Amuyt'aractwa acajj Diosataraqui jutatapa.

Eclesiastés 2:3

Yatiñampi apnakata amuyojjanjja, munäyätwa yant'aña vinompi cusisiña, ucatsti uca machañaru catuyasirista ucati jaketaquejj asquïspajja aca oraken jact'at urunacapana uc yatiñataqui.

Eclesiastés 6:2

Yakheparojj Diosajj walja jilarquiri suma yänaca churi, ucatsti cunanactejj munapqui ucanacajja janiw jupanacar pist'quiti; ucampis Diosajj janiw take ucanacatjja cusisiyquiti, jan ucasti yakhanacaw ucatjja cusisipjje. Acasti chekpachana wali llaquiscaña inamayaquiraquiwa.

Eclesiastés 8:15

Ucatwa nayajj sista: —Cusisiñajj utjpan —sasa. Aca orakenjja jaketaquejj asquiwa mank'añanaca, umañanaca, uqhamarac cusisiñanaca. Ucaquiw jaketaquejj utji irnakatapatjja, Diosajj aca oraken jacañ churqui uca urunacapana.

Eclesiastés 9:7

Uqhamasti jichhajj cusisiñampi t'ant'am mank'asim, uqhamarac vinomsa umasim, juman luratanacamajj Diosataquejj asquïtap laycu.

Deuteronomio 12:7

Qhä chekanwa Tatitu Diosaman nayräjjapana mank'apjjaraquïta, ucatsti familianacamampi chicaw cusisipjjäta luräwinacaman achupa uñjasina, cunanacampitejj Diosamajj bendicipjjätam ucanacata.

Deuteronomio 26:11

Ucatsti mä fiesta luraraquïta take cuntejj Diosamajj churtam jumaru, uqhamaraqui familiamaru ucanacata. Uqhamaraquiwa jumampi chicajj cusisipjjani take levitanaca, uqhamaraqui jaya marcat jutir jakenaca, qhitinacatï jumanac taypin jacapqui ucanaca.