Eclesiastés 2:23 - Qullan Arunaca

²³ Take jacañapanjja t'akhesiñaquiw utji, uqhamarac llaquisiñanacaquiwa; janiw arumasa amuyupanjja samarquiti, lup'iscaquiwa. ¡Ucasti inamayaquiwa!

Aymar Bibliia 1986

²³ Take jacañapanjja t'akhesiñaquiw utji, uqhamarac llaquisiñanacaquiwa; janiw arumasa amuyupanjja samarquiti, lup'iscaquiwa. ¡Ucasti inamayaquiwa!

Qullan Arunaka DC

²³ Taqi jakäwipas llakisiña, ch'ama tukuñakiwa; janiw amuyupas arumax samart'kiti. ¡Ukax inamayarakikiwa!

Eclesiastés 2:23 Jak'a apnaqawi uñst'ayäwi

Génesis 3:17

Chacharusti saraquïnwa: —Warmimar ist'atam laycu, uqhamaraqui “Janiw mank'ätati” siscsma uca kokan achupat mank'atamatjja, jichhajj orakejj jucham laycuw maldicitäni; wali ch'ama tucusaraquiw mank'añamjja achuyasïta, take jacañamanjja.

Génesis 47:9

—Pataca quimsa tuncani maranëjjtwa, ucsa acsa sarnakaracta, uqhamarus jan wali juc'a maranacaquiw jacaracta, janïraraquiw kawkha maranacatejj awquinacajjajj jacapcäna ucaru purcti —sasaw Jacobojj saraquïna.

Ester (hebreo) 6:1

Uca arumasti reyejj janiw icthapcänti, ucatjja marcan take jach'a luräwinacatejj librona kellkatäqui ucwa aptayani jupa nayrakatan leet'atäñapataqui.

Job 14:1

Mä warmita yurir jaken jacäwipajj mä kawkha urunacataquiquiwa, t'akhesiñanacampi phokhantata.

Job 5:7

Pachpa jakew aynacht'añjja thakasisqui, nina sanc'anacjamaw pachpa nina taypita mistuniraqui.

Salmos 127:2

Willjtat sarnakatanacajj inamayawa, jayp'ucam irnakatas inamayawa, jump'i apsutamp t'ant'a mank'atas inamayawa, Diosajj munat wawanacapan iquiñanacapcam t'ant'a churqui ucapachajja.

Salmos 32:4

Amparamajj uruy arumaw t'akhesiyitu; lupin suwantir pankarjamaw wañsuracta.

Salmos 90:15

kawkha urunacatejj t'akhesiyapquista ucqharac cusisiyapjjeta, walja maranac t'akhesipjjatajj laycu.

Eclesiastés 1:13

ucatsti nayajj catuyastwa yatjjatañaru, uqhamarac take cunanacatejj aca oraken lurasqui ucanacjjata. ¡Cunja ch'ama lurañanacsa Diosajj jakenacar churi, uca lurañanacampi jisc'achatäpjjañapataqui!

Eclesiastés 1:18

Chekpachansa sinti yatiñanïñanjja, janiw samarañajj utjquiti; juc'ampi yatiñanïñanjja juc'ampi t'akhesiñaquiw utjaraqui.

Eclesiastés 2:11

Ucat nayajj lup'ista take luratanacajjata, uqhamarac kawkha ch'amatejj apsutäqui ucanacatsa, ucatsti amuyasiractwa take ucanacajj inamayaquiwa, thayarusa catthapï siscsna uqhamaquiwa, ucatjja janiw cuna asquis aca orakenjja utjquiti.

Eclesiastés 5:12

Qhititejj irnakqui, juc'sa waljsa mank'chi ucajja, sumaw ict'asi; ucampis kamirirojja janiw iquiyquiti kamir yänacapajja.

Eclesiastés 5:17

Ucjjarusti, take jacañapanjja ch'amacanwa sarnakawayi, jan walt'añana, t'akhesiñana, llaquisiñana.

Eclesiastés 8:16

Aca orakena take cunatejj lurasqui ucanaca yatekañaru, yatiñaru, uñjañaru uchasta ucqhajja juc'ampiwa amuyasta, jakejj janiw amuyt'caspati Diosajj lurqui ucatjja, aca oraken cunanacatejj lurasqui ucatsa, maynejja uruy arumasa jan icthapisa thakascpan. Jakejj wali ch'amanacsa tucchini ucasa, janiw yatjjatcaspati; yatiñan jakejj “Yattwa” sischinisa, chekpachansa janiw jicjjatañataqui ch'amanïcänti.

Daniel (hebreo) 6:18

Ucatsti reyejj palacioparuw sarjjäna, jan mank'ata uqhamaraqui cunjämtejj c'uchirtasirïcän ucanacsa jan phokhasaw iquintjjäna; uqhamarus reyejj uca arumajj janiw icthapcänti.

Hechos 14:22

Uca marcanacansti Tatitur iyawsirinacarojj ch'amañcht'apjjänwa. Sapjjaraquïnwa: “Tatitur iyawsañanacamanjja ch'aman sayt'apjjam. Diosan marcapar mantañataquejja, t'akhesiñajj waquisipuniwa” sasa.