Eclesiastés 2:17 - Qullan Arunaca

¹⁷ Nayajj jacañarojj uñisïyätwa, take cunatejj aca oraken lurasqui ucan naya toke sayt'asitap laycu. Take cunasa chekpachanjja inamayaquiwa, ¡thayarusa catthapï siscsna uqhamaquiwa!

Aymar Bibliia 1986

¹⁷ Nayajj jacañarojj uñisïyätwa, take cunatejj aca oraken lurasqui ucan naya toke sayt'asitap laycu. Take cunasa chekpachanjja inamayaquiwa, ¡thayarusa catthapï siscsna uqhamaquiwa!

Qullan Arunaka DC

¹⁷ Nayax jakañar uñisiñaruw purta, kunatix aka uraqin luraski ukax nayatakiw sayt'i. Chiqpachansa, taqi ukas inamayakiwa, ¡thayarus katthapiñ munksna ukhamakiwa!

Eclesiastés 2:17 Jak'a apnaqawi uñst'ayäwi

1 Reyes 19:4

Ucatsti jupajj wasar tokeruw sarjjäna, ucatjja mä uru jornala sarasinjja mä retama ali thiyaruw kont'asïna. Jupasti jiwjjañacwa munäna aqham sasa: “¡Ucqhaquëjjpan Tata! ¡Nayarojj jacañajj apakjjeta, nayajj janiw ancha sumäcti awquinacajjata sipana!” sasa.

Job 14:13

Walïspawa nayaru jiwañan munañaparu imantjjañamajja colerasiñaman pasañapcama, ¡ucatsti nayat amtasiñamataquejja mä uru amtasiraquisma!

Salmos 89:47

Tatay, amtasim, jacañ urunacajjajj juc'ataquiquiwa; juman irnokat jakejj juc'a urunacaquiw jaqui.

Eclesiastés 1:14

Ucatsti nayajj amuytwa cunanacatejj aca oraken lurasqui ucanacajja inamayaquiwa, thayarusa catthapï siscsna uqhamaquiwa.

Eclesiastés 2:11

Ucat nayajj lup'ista take luratanacajjata, uqhamarac kawkha ch'amatejj apsutäqui ucanacatsa, ucatsti amuyasiractwa take ucanacajj inamayaquiwa, thayarusa catthapï siscsna uqhamaquiwa, ucatjja janiw cuna asquis aca orakenjja utjquiti.

Eclesiastés 2:22

Uqhamasti, ¿cuna ascsa jakejj apsu aca orakena take ucanac lurasinjja, uqhamarac uca take llaquisisinjja?

Eclesiastés 3:16

Uñjaractwa aca orakenjja ñankha luräwinaca, jan wali sarnakañanacampi cawqhantï asqui cheka sarnakañajj utjañapäqui, uqhamarac suma sarnakaña.

Eclesiastés 4:2

Ucatwa jiwjjerinacarojj waliqui jiwjje sista, qhitinacatejj jacasipqui ucanacat sipansa.

Eclesiastés 4:3

Uqhäcchisa aca panpachanit sipanjja juc'ampi asquincapjjewa qhitinacatejj janïra nacipqui ucanacajja, jupanacasti janïraw uñjapquiti aca orakena ñankha lurañanacjja.

Eclesiastés 6:9

Asquiwa nayrampi uñjañajja, uñjaña munañata sipansa. Ucampis ucajja inamayaraquiquiwa, thayarusa catthapï siscsna uqhamawa.

Ezequiel 3:14

Diosan ch'amapaw nayarojj sayt'ayitu ucatsti uca chekatsa apsuniraquitu, nayasti wali llact'ata mayjt'ataw sarjjaracta, ucañcamasti Tatitojj amparapampiw wali waythapiraquitäna.

Jonás 4:3

Ucatwa, Tatay, mayt'assma jacañajj apakjjañamataqui. Jiwjjañaw sumajja jacañat sipansa.

Jonás 4:8

Cunapachatejj intejj jalsjjäna ucqhajj Diosajj waquicharaquïnwa mä junt'u thaya inti jalsu toket thayt'aniñapataqui, intejj wali ch'amampiw Jonasan p'ekepjjaru lupjjatäna, jupasti amuyasjjänwa ch'amapajj thayjtjjatapa, jiwjjañacwa munjjäna: —Jacañat sipana jiwañaw sumajj —sasa.

Habacuc 1:3

¿Cunatsa ucatak llaquisiñanaca, t'akhesiñanaca uñjayista? Nayajj t'akhesiyañanacampi, tucjañanacampi muyuntatätwa; uqhamarac quejasiñanacasa, ch'ajjwañanacasa, take chekanwa utjejja.

Números 11:15

Jumatejj uqham jan walinacampi uñjasquitäta ucqhajj, walïspaw nayan jiwjjañajjajja, nayarutï chekpachansa munchista ucajja. Uqhamanwa jan cuna jan walt'añanacsa uñjcjjeristti —sasa.