Daniel (hebreo) 9:26 - Qullan Arunaca

²⁶ Sojjta tunca payani semananaca pasatatsti, Tatitur catuyata jach'a jilïriruw jiwayapjjani. Jerusalén marcampi templompisti t'unjataw uñjasiraquini, cawquïri reyitejj jutcani ucanacan jakenacapaw t'unjaraquini. Tucuyäwisti janc'aquiw purinini, walja umanacjama, tucuycamawa nuwasiñanacasa, t'unjatäñasa utjaraquini, cawquïrinacatejj uqhamäñapatac arsutäqui ucanaca.

Aymar Bibliia 1986

²⁶ Sojjta tunca payani semananaca pasatatsti, Tatitur catuyata jach'a jilïriruw jiwayapjjani. Jerusalén marcampi templompisti t'unjataw uñjasiraquini, cawquïri reyitejj jutcani ucanacan jakenacapaw t'unjaraquini. Tucuyäwisti janc'aquiw purinini, walja umanacjama, tucuycamawa nuwasiñanacasa, t'unjatäñasa utjaraquini, cawquïrinacatejj uqhamäñapatac arsutäqui ucanaca.

Qullan Arunaka DC

²⁶ Suxta tunka payani semanatsti, Tatitur katuyat uka jach'a jilïriruw jiwayapxani. Jerusalén markampi Tatitun utapampisti t'unjataw uñjasini, kawkïri reyitix jutkani ukan jaqinakapaw t'unjarakini. Tukuy urux uma jithir uñtataw akatjamat purinini, nuwasiñanakasa, t'unjañanakasa tukuykamäniwa, ukanakasti ukhamäñapatak yatiyatarakïnwa.

Daniel (hebreo) 9:26 Jak'a apnaqawi uñst'ayäwi

2 Samuel 21:5

Jupanacasti sapjjaraquïnwa: —Cawquïri jaketejj nanacaru tucjañ munapquitän, uqhamaraqui nanacaru k'al chhaktayañ amtcäna, jan Israel oraken jacapjjañanacajjataqui,

Salmos 22:15

mallk'ajjajj tejar uñtat wañcatatawa, lajjrajjas laca mankhan lip'catatawa; ¡jiwañ lak'ar puriyañcamaw jakontistajja!

Isaías 28:2

Tatitojj jumanacataquejj mä ch'amani jake suyayasipctam, wali ch'amaniwa chhijchhi asot'ir uñtata, take cun tucjir thayjamawa, wali umani purir jalljamaraquiwa, umajj pampanacar chhaktayquis uqhamawa. Amparapampiw oraker willitatani,

Isaías 28:22

Uqhamapï jichhajja, ¡jan juc'ampi ñankha tucupjjamti! ucatraqui cadenanacamasti juc'ampi jiyintasipquiristam; ist'aractwa take ch'amani Tatitojj take marcpachan t'unjatäñapataquiw arunacap mistuyaraqui.

Isaías 53:8

Jan cheka uñjäwimpiw apasipjjäna, janiraquiw qhitis juparojj arjjatascänti, janiraquiw qhitis jupatjja llact'ascänti. Aca oraketjja jiq'inucupjjänwa, marcajjan juchanacap laycuraquiw juparojj jiwayapjje.

Isaías 8:7

Jichhajj Tatitojj jupanacarojj mä jach'a jalir ch'amani umampiw phokhantani, ucasti Eufrates jawirawa, (mä toketjja pachpa Asiria marcanquir jach'a ch'amani reyiwa.) Uca umanacasti take canalanacapatjja jilaraniwa, take thiyanacapatwa jilararaquini,

Jeremías 46:7

¿Qhitis uqham Nilo jawirjam jilasqui, walja umanacani jawiräcaspas uqhama?

Jeremías 51:42

Jach'a kotasti Babiloniarojj k'alwa chhaktayi, jach'a mathapinacapampiw chhaktayaraqui.

Daniel (hebreo) 11:10

“Ucampisa amstanquiri reyin yokanacapasti guerrasiñataquejj mä jach'a ch'amani ejército sartayapjjaraquini. Uca yokanacapatjja mayniw aynach toker jutantani, uca marcaru catuntañataqui t'unjayañataqui, cunjämatejj jawir umajj walja mantejj uqhamaw soldadonacapajj mantanipjjaraquini, ucatsti wasitatwa aynach tokenquiri reyin utaparojj nuwantapjjaraquini.

Daniel (hebreo) 11:17

Uqhamarusa waquichasiraquiniwa, cunanacatejj aynach toke orakenacan utjqui take ucanaca catuntasiñataqui; ucataquisti aynach tokenquir reyimpejj mä arust'äwiruw mantaraquini, uqhamarus uca reyirojj phuchapwa warmipäñapataqui churaraquini, uqhamat uca reino t'unjañataqui, ucampisa amtatanacapajj janiw phokhascaniti.

Daniel (hebreo) 11:22

Qhitinacatejj jupataqui sayt'apcani ucanacarusti k'alwa t'unjaraquini, arust'äwiru mantatäcän ucan jilïriparusa jiwayaraquiniwa.

Daniel (hebreo) 11:36

“Amstanquir reyisti cuntejj jupajj munqui ucwa luraraquini cunjämatejj jupajj sinti jach'a jach'a tucqui uqhamäniwa, take diosanacatsa jilïrïcaspas uqhamwa amuyasiraquini, cheka Diosataquisti cunayman jan wali arunacwa arsuraquini, take cunas jupataquejj asquiruw mistsuni, Diosajj jupataqui mutuyäwipa puriyancani uca horascama, cuntejj Diosajj amtcani ucasti phokhasiniwa.

Daniel (hebreo) 9:27

Mä semanataquiquiw jupajj walja jakenacampi suma arust'äwinacar mantani, ucampis chica semanarusti sacrificionaca, ofrendanaca loktasiñanacjja chhaktayjjaniwa jan mayampitaqui. Sacrificio loktasiñ altara nayrakatansti mä jach'a jan waliraquiw lurasini, uca t'unjäwejj amtatäqui ucajj qhitinacatejj jan walinac lurapqui ucanacjjaru puriñapcama.’ ”

Oseas 1:9

Tatitojj Oseasarojj sänwa: “Uca yokall wawarojj Lo-ami sas suticham, jumanacajj janiw nayan marcajjäjjapjjtati, janiraquiw nayas jumanacan Diosamäcjjtti uca laycu.”

Amós 8:8

Uqhamïpanjja, ¿janit orakesti qhatatcanejja? ¿Janit take jakenacasti jachapcanejja? Cunjämatï Nilo jawiranjj umajj jiljjataraqui wañakaraqui, uqhamaraquiw orakejj uñstani, chhaktaraquini.

Amós 9:5

Tatitu take ch'amani Diosajja, orakeruw tact'i, ucatsti orakejj umatatiwa, jakenacapasti takeniw jachapjje. Cunjämatï Nilo sat jawiranjj umajj jiljjataraqui wañakaraqui, uqhamaraquiw uñstani chhactaraquini.

Nahúm 1:8

Ucampis Tatitojj jupa contra sayt'asipqui ucanacarojj walja umjamaw k'al tucjasa aparaqui; ch'amacasti uñisirinacaparojj muyuntaraquiniwa.

Mateo 22:2

“Diosan reinopajj cunjämatejj mä reyejj yokapar casarañataqui fiesta lurqui ucamp sasiwa.

Mateo 22:7

Ucapachaw uca reyejj wal colerasïna, ucatwa soldadonacaparojj qhiti uca jiwayir jakenacar jiwarayaniñapataqui, marcapsti ninampi phichhantañapataquiraqui.

Mateo 23:38

Uñjapjjamaya, cunjämatejj jumanacan utanacamajj ina ch'usar tucuni uca.

Mateo 24:2

Jesusasti jupanacarojj saraquïnwa: —¿Uñjapjjtati take acanaca? Khanacwa sapjjsma, acawjanjja janiw mä kalasa yakha kaljjaru kheparcaniti, takpachapuniw t'unjatäni —sasa.

Marcos 13:2

Jesusasti juparojj sänwa: —¿Aca jach'a utanacjja uñjtati? Mä urojj aca utanacajj k'ala tincuyataw uñjasini, allinucutaraquïniwa.

Marcos 13:7

“Cunapachatejj ch'ajjwanacat ist'apjjätajja, uqhamarac guerranacan utjañap yatipjjaraquïtajja ucqhajj janiw sustjasipjjätati, ucanacansti uqham lurasiñapaw waquisi. Ucampis ucqhajj janïraw tucuyäcaniti.

Marcos 9:12

Jupasti ucjjarojj sänwa: —Chekpachansa Eliasapuniw nayrakat jutasqui, take cun asquichiri. ¿Camsaraqui Kellkatanacansti Jaken Yokapjjatsti? ‘T'akhesiniwa, jisc'achataraquïniwa’ siwa.

Lucas 21:24

Yakhepanacajj guerran jiwarayatäpjjaniwa, mayninacasti take marcanacaruw preso apatäpjjani; yakha marcat jutirinacaw Jerusalén marcjja tacsupjjani, cunapachcamatï uc lurañataquejj tiempojj churatäqui uca horascama.

Lucas 21:6

—Purininiwa mä urojja, take acanac uñjasipcta ucanacasti t'unjatäjjaniwa ni mä kalaw jan yakha kala patjjan uchatajj utjcaniti —sasa.

Lucas 24:26

¿Janit Cristonjj take acanaca t'akhesiñapajj waquiscänjja janïra alajjpacharu aptatäcasinjja? —sasa.

Lucas 24:46

Ucatsti saraquïnwa: —Aqham kellkatawa: Cristojj jiwaniwa, ucatsti quimsürut jiwatanac taypitjj jacatatani;

Juan 14:30

“Janiw jumanacampi juc'ampi parlcjjäti, acapacha apnakqui ucasti niya jutiwa. Ucampis janiw cuna ch'amanïquisa nayataquejja.

2 Corintios 5:21

Cristojj janiw cuna juchsa lurcänti, ucampis Diosajj juparojj mä juchan jakerjamaw uñjäna jiwasanac laycu, jiwasajj Cristomp chicäjjatas laycojj mä chekap jacañanëjjañasataqui, cunjämtï Diosajj jacañas munqui uqhama.

Gálatas 3:13

Cristojj leyin maldicionapatwa khespiyistu, jupajj juchanacas laycu maldicitaraquïnwa, Kellkatanjja aqham siwa: “Maldicitäpan take qhititejj mä lawaru warccatatäqui ucajja” sasa.

1 Pedro 2:21

Ucataquipï Diosajj jawsapjjtamjja, Cristojj jumanac laycuw t'akhesïna, jumanacar mä uñacht'äwi churasa, uqhamat cayup arcapjjañamataqui.

1 Pedro 2:24

Jesucristo quipcaraquiw juchanacasjja pachpa cuerpopjjaru apawayjje, crusan jiwasina, uqhamata jiwasajj jucha lurañar jiwañasataqui, mä suma jacañan jacañasataqui. Jupajj chhojjriñchjatänwa jumanacajj c'umaräpjjañamataqui.

1 Pedro 3:18

Cristo quipcaraquiw juchanacas laycojj jiwäwipanjja t'akhesiwayejja jan mayampitaqui. Jupajj asqui jakënwa, ucampis jiwasan jan walïtas laycuw t'akhesiwayi, jiwasar Diosar irpañataqui. Janchinaqui jiwatänjja ucampis ajayupanjja jactanjjewa.