Daniel (hebreo) 9:25 - Qullan Arunaca

²⁵ Jichhajj acwa yatiñama, amuyt'añamaraqui: Cunapachattejj Jerusalén marcajj wasitata uñstayañataqui sayt'ayañataqui arsutäni, Tatitur loktatäqui uca jach'a jilïrin puriniñapcama, pakallko semananacaw pasascañapa, Jerusalén marcan wasitata sayt'ayatäñataqui callenacapasa, perkanacapasa, sojjta tunca payani semananacanwa lurasini, ucampisa uca urunacajj wali t'akhesiña urunacäniwa.

Aymar Bibliia 1986

²⁵ Jichhajj acwa yatiñama, amuyt'añamaraqui: Cunapachattejj Jerusalén marcajj wasitata uñstayañataqui sayt'ayañataqui arsutäni, Tatitur loktatäqui uca jach'a jilïrin puriniñapcama, pakallko semananacaw pasascañapa, Jerusalén marcan wasitata sayt'ayatäñataqui callenacapasa, perkanacapasa, sojjta tunca payani semananacanwa lurasini, ucampisa uca urunacajj wali t'akhesiña urunacäniwa.

Qullan Arunaka DC

²⁵ Akanakxa sum amuyt'añamarakiwa: Jerusalén marka wasitat sayt'ayañatak arsutäkani ukapachatxa, luqtatäki uka jach'a Jilïrin puriniñapkamaxa, paqallq semanaw mäkipañapa, Jerusalén markan thakhinakapasa, pirqanakapasa, suxta tunka payan semanan wasitat sayt'ayatäxäni, ukampis uka urunakax wali t'aqhisiñ urunakäniwa.

Daniel (hebreo) 9:25 Jak'a apnaqawi uñst'ayäwi

2 Samuel 15:25

Ucampisa reyejj Sadoc jakerojj saraquïnwa: —Diosan arcapjja marcaru cuttayjjam; Tatitutejj munani ucapachajj nayarojj cuttayasinquitaniwa, arcapsti wasitat uñjascaraquïwa, cawqhanccanitejj uca chekana.

Esdras 4:24

Uqhamatwa Jerusalenan Diosan templopa lurañajja sayantäna, Persia marcanquir Darío reyin payïri marapcama.

Esdras 7:1

Uca khepa maranac pasjjatapatjja, cunapachatï Persia marcanquir Artajerjes reyejj apnakascäna ucqhajja, mä chachaw Esdras sat utjäna, jupasti aca familianacata sarakerïnwa: Seraías, Azarías, Hilcías,

Esdras 7:8

Esdras chachajj Diosan qhuyapayasiñapampi, yanapapampejja Babiloniatwa cutt'anïna Artajerjes reyejj pakallk mara apnakascäna uca kallta phajjsina mä uru sarakataru, ucatsti Jerusalén marcarojj purinïnwa uca pachpa marana pheskër phajjsita mä uru sarakataru.

Nehemías 3:1

Ucatsti Eliasib sat sumo sacerdotempi, uqhamaraqui sacerdote jilanacapampejja asquichapjjänawa Ovejanacan puncupa satäquis ucqha. Jupanacasti viganacwa uchapjjäna, uqhamarac puncunacsa, ucatsti perkjja asquichapjjaraquïnwa Patac sat torret kalltasina, Hananeel sat torrecama.

Nehemías 4:2

masinacapa nayrakatanjja, uqhamarac Samarianquir ejército nayrakatansa, aqham sasa: —Aca mank'at jiwat judionacasti ¿cunjämaraqui amuyasipjje? ¿Jupanacasti amuyasipcaquiti sacrificionaca wastat loktañjja? ¿Jan ucajj uca lurañjja mä urunaccha tucuyapjjaspajja? ¿Jan ucasti uca naqhantata allthapitanacatcha machak kalanaca apsupjjanejja? —sasa.

Nehemías 4:8

Ucatsti takeniwa mayaqui amtapjjäna Jerusalenaru ñankha luraña, uqhamaraqui t'unjañataqui.

Nehemías 6:15

Perkasti tucuyatäjjänwa pä tunca pheskan uru sarakataru, Elul sat phajjsina, uca luräwinsti pheska tunca payan urunacanwa tucuyatäna.

Salmos 71:10

Timasirinacajjajj nayjjat parlasipjje, nayar jiwayañ munirinacajj jan walinac amtapjje.

Eclesiastés 3:3

Jiwayañ horasa, kollañ horasa. Tucjañ horasa, utachañ horasa.

Isaías 55:4

Nayaw juparojj marcanacataquejj testigot uscta, marcanacataquejja mä jilïri yatichiriraqui.

Isaías 9:6

Mä wawaw jiwasataqui yurini, Diosaw mä yokall wawa churistani, uca wawaw jichhajj apnakaraquini. Aqham sasaw sutichapjjaraquini: ‘Amtäwinacapanjja Muspharcaña, jan atipjcay Dios, Wiñay Awqui, Sumancañan Jilïripa’ sasa.

Daniel (hebreo) 8:11

alajjpacha ejerciton jilïriparusa “Nuwasiñäni” saraquïnwa; sapa uru sacrificio loktasiñsti t'unjaraquïnwa, yupaychañäqui uca chekanacsa taquisiraquïnwa.

Daniel (hebreo) 8:25

Jupan sallka cancañapampisti, sallka luratanacapajj atipt'aquipuniniwa. Jach'a jach'araquiw tucuraquini, walja jakenacaruwa, qhitinacatejj jupar alcatata sarnakapcäna ucanacarojj ch'ojjña lurasaw jiwarayaraquini. Jilïrinacan jilïripampisa jiquintasiscaquiniwa, ucampisa uca jilïrin atipjataw uñjasiraquini.

Daniel (hebreo) 9:23

Cunapachatejj jumajj Diosar mayisiñ kalltta, ucapachaw Diosajj jumar ist'tam. Nayasti jumaru uca Diosan ist'atapa yatiyiriw jutsma, Diosasti jumarojj walpun munaractam. Jichhasti sum suma ist'am cuntejj siscäma uca arunacaru, uqhamat uca unañchäwi toket suma amuyt'añamataqui:

Miqueas 5:1

“Ucampis jichhajj Jerusalén marca, waquicht'asim sayt'asiñamataqui, uñisirinacamampi muyuntataraquïtawa, Israelan jilïriparusti walwa mutuyapjjaraquini.

Miqueas 5:2

Jumatsti, Belén Efrata, Judá orakenquir marcanacatjja jisc'aquïtawa, jumatwa Israelar mayni apnakerejj mistuni, ucasti mä nayra familiat jutiriwa.”

Mateo 13:23

Ucampis suma lak'aru purir jathajja acamp sasiwa: Diosan arunacapa ist'asinjja amuyt'apjjewa, ucatsti mä sumwa achupjjaraqui, mayat patacaru sojjta tuncaru uqhamaraqui quimsa tuncarusa.”

Mateo 24:15

“Daniel profetajj kellkänwa cunatejj jan wali lurirïqui tucjirïcaraqui ucjjata. Cunapachatejj jumanacajj kollana chekar uc purir uñjapcäta ucqhajja, ac leet'irejj amuyt'pan,

Marcos 13:14

“Daniel profetajj kellkänwa cunatejj jan wali lurirïqui, tucjirïcaraqui ucjjata. Cunapachatejj jumanacajj uqham lurañanaca jan waquisquir chekana (ac leet'irejj amuyt'pan) uñjapjjät ucqhajja; Judeanquirinacajj kollunacar jaltapjjañapawa.

Juan 1:41

Andresajj janïr cunäquipana Simón jilaparuw thaker saräna, ucatsti saraquïnwa: —Mesiasaruw jicjjatapjjta. (Ucasti Cristo sañwa muni.)

Juan 4:25

Ucjjarusti warmejj saraquïnwa: —Nayajj yattwa Cristo sutini Mesiasan jutañapa; cunapachatejj jupajj jutcani ucqhawa take cun yatichistani —sasa.

Hechos 3:15

Uqhampï jumanacajj jacañ churirirojj jiwayapjjtajja. Ucampis Diosajj juparojj jiwatanac taypitjja jactayiwa. Take acanacjja nanacaw uñjapjjaracta.

Hechos 5:31

Ucatsti Diosajj jach'aruraquiw apti, cupëjjaparu utt'ayasa. Jach'a munañan Jilïri Khespiyiriracwa tucuyi, Israel marcajj juchanacapat arrepientisisa perdón catokañapataqui.

Hechos 8:30

Felipesti jac'achasisinjja, Isaías profetan librop leesquir ist'äna. Ucatwa uca etiope jakerojj jisct'i: —¿Cuntï leecta ucjja amuytati? —sasa.

Efesios 5:16

Jan tiempjja ina ch'usaru tucuyapjjamti, urunacajj jan walëjjatap laycu.

Apocalipsis 1:5

Diosan cheka testigopa Jesucristotsa catokapjjaraquim bendicionapjja. Uca Jesucristowa jiwatanacat nayrïri jactirejja. Take acapach reyinacjjarus jupajj munañaniraquiwa. Jesucristojj jiwasarojj walwa munistu, juchanacasatsa wilapampiw jarekestu.

Apocalipsis 19:16

Mantopjjarusti, uqhamarac charapjjarusa aca suti kellkt'ataraquïnwa: “reyinacans Reyipa, munañaninacans Munañanipa” sasa.