Daniel (hebreo) 9:19 - Qullan Arunaca

¹⁹ ¡Tatay, Tatay! ¡Ist'apjjeta, perdonapjjaraquita! ¡Ist'apjjet, Tatay, ucatsti yanapt'apjjaraquita! Juman jach'a sutim laycu, Dios Tata, marcam laycu, jakenacam laycu, qhitinacatejj sutimsa jach'achapctjja, ucanacaru janc'aqui jutam.’

Aymar Bibliia 1986

¹⁹ ¡Tatay, Tatay! ¡Ist'apjjeta, perdonapjjaraquita! ¡Ist'apjjet, Tatay, ucatsti yanapt'apjjaraquita! Juman jach'a sutim laycu, Dios Tata, marcam laycu, jakenacam laycu, qhitinacatejj sutimsa jach'achapctjja, ucanacaru janc'aqui jutam.”

Qullan Arunaka DC

¹⁹ ¡Tatay, Tatay! ¡Ist'apxitaya, juchanakax pampachapxitaya! ¡Tatay uñtanipxitaya, nanakar yanapt'ir jutakimaya! Tatituxay, juman jach'a sutim layku, markam layku, sutim art'asinir jaqinakam layku, jank'akiy jutam.’

Daniel (hebreo) 9:19 Jak'a apnaqawi uñst'ayäwi

2 Crónicas 6:21

Nayan mayisitajjsa, uqhamarac Israel marcaman aca chekana jumaru mayisitapsa ist'amaya. Jumajj ist'amaya cawqhantï alajjpachana jacta ucqhatpacha, ucatsti juchanacajjatjja pampachapjjaraquita.

2 Crónicas 6:39

Jumajj alajjpachatpacha ist'am oracionanacapa, mayisitanacapsa cawqhantï jumajj utjtajja ucqhatpacha, jupanacarusti arjjatam, uqhamarac marcaman jucha luratanacapatjja pampacharaquim.

Isaías 43:7

take qhitinacatejj nayan sutejj apapqui, qhitinacarutejj nayajj uywcta, jilsuycaracta, nayan cusisiñajjataqui uywcta ucanacaru cuttayanjjam” sasa.

Jeremías 14:7

¡Tata, juchanacajjajj nanacatac sayt'cchi ucasa, sutim laycusay nanacat sayt'amjja! Walja cutiw nanacajj jan jumatacjam sarnakapcti, juma nayrakatan jucha lurapjjaracta.

Jeremías 14:9

¿Cunatsa mä lokherat jakjam tucta, guerran nuwasir jaker uñtata jan yanapt'asa? Ucampisa Tata, jumajj nanaca taypincasctawa, takeniw yatipjjaraqui nanacajj juman marcamätajj-jja; ¡Janiquiy nanacar apanuct'asipjjestati!

Jeremías 25:29

Jichhasti mutuyäwinacajj apayanï cawquïri marcatejj nayataqui yakhachatäcäna uca marcjjarojja. ¿Jumanacasti amuyapjjtati jan mutuyataqui kheparañjja? Janiw uqhamaqui jumanacajj kheparapcätati, guerran nuwasiñsti take acapachanquir jakenacjjaruw apayanï. Naya Tatituw ucjja arsta.’

Ezequiel 20:14

Ucampisa sutejjar munatajj laycuw jan ucjja lurcti, uqhamat yakha marcanac nayrakatan jan jisc'achata uñjasiscañajjataqui, uca marcanacasti nayarojj uñjapjjaraquitänwa Israelar Egiptot apsunirjja.

Ezequiel 20:22

Ucampisa, sutejjar munatajj laycuw nayajj jupanacat qhuyapt'ayasïyäta, jan jisc'achata uñjasiscañajjataqui cawquïri marcanacatejj jupanacaru Egipto marcat apsunir uñjquitu, ucanac nayrakatana.

Ezequiel 20:9

Ucampisa sutejjan jach'añchäwip laycuw luraracta, uqhamat yakha marcanac nayrakatan jan mayjt'ascañataqui, cawquïri marcanac taypintejj jupanacajj jacapcän uca marcanac nayrakatana, uca marcanac nayräjjanracwa jupanacaru uñstäyätjja, uqhamaraqui Egiptot apsjjañataquis arsuraquïyätjja.

Ezequiel 36:22

“Ucatpï jichhajj Israel marcarojj parlätajja: ‘Aqham siw Tatitojja: Cuntejj jichhajj lurcä ucajj, israelita jakenaca, janiw jumanac laycuti lurcäjja, jan ucasti kollana sutejj laycuwa, jumanacasti nayan sutejj-jja cawqui marcanacarutejj sarapcta ucanjja taquisipjjtawa.

Ezequiel 39:25

Ucatpï jichhajj Tatitojj sejja: “Jichhajj take Israel marcpachatwa qhuyapayasëjja, take Jacobon wawanacapata. Jichhajj Israelan sarnakäwipajj sumäjjaniwa, uqhamat wayt'añajjataqui nayan kollan sutejjajj suma uñjatäñapataqui.

Daniel (hebreo) 9:18

Ist'apjjet Tata, nanacan Diosajja; nanacan aynacht'atanacajjarusti uñtanipjjaraquita, cawquïri marcatejj sutima apqui uca marcan aynacht'atapsa. Janiw nanacan asquïpjjatajj laycutejj jumaru mayisinipcsma, jan ucasti juman jach'a qhuyapayasiñam laycuw mayisinipjjsma.

Amós 7:2

Cunapachatï t'ijut'ijunacajj tucuya koramppacha mank'antjjäna ucapachajj sistwa: “¡Dios Tatitu perdonapjjeta! ¿Cunjämaraqui Jacob marcamasti take acanacampi mutuspasti? Jupajj wali jisc'aquïchejjaya” sasa.

Números 14:19

Juman munasiñamasti sinti jach'awa, perdonamay aca marcan juchanacapjja, niyaquejjay jupanacat qhuyapayasstajja, Egiptotpacha aca chekcama.

Números 6:27

“Uqhamwa jupanacajj sutejja israelitanacar arsupjjani, ucatsti nayajj jupanacarojj bendiciraquïwa.”

Lucas 11:8

Sapjjsmawa, amigopätap laycojja janis sartcpan cun churiri, ucampis jan juc'amp majasiñap laycojja sartaniwa, ucatsti take cuntejj mayqui ucanac churaraquini.

Hechos 15:17

Uqhamatwa maynïr jakenacajj takpachan Tatiturojj thakapjjani, cawquïr marcanacantejj sutejjajj aytatäqui uca marcanquir jakenacasa.

Efesios 1:12

Ucjj luriwa jiwasanacajj Cristoru nayrakat iyawsapjjtan ucanacajj Diosatac jacañasataqui, jach'a ch'amanïtapat jupar yupaychañasataqui.

Efesios 1:6

Ucatpï Diosarojj yupaychapuntanjja muspharcañ qhuyapayasiñapata, uca pachpa qhuyapayasiñapampiw bendicistu munat Yokapampi mayaquïtas laycu.

Efesios 3:10

Ucasti jichhajj iglesia tokew lurasi take munañaninacaru uqhamarac alajjpachanquir jilïrinacaru Diosan yatiñapjja take toketa uñt'apjjañapataqui.