Daniel (hebreo) 9:11 - Qullan Arunaca

¹¹ Take Israel jakenacaw yatichäwinacamjja jan ist'apcti, juman arsutanacamarusa janiw jaysapcaractti, ucatpï nanacjjarojj purinejja take ñankhachäwi arunacajja, uqhamaraqui cuna juramentotejj Moisesan leyipan kellkatäqui ucarjama, nanacasti juma tokew jucha lurapjjta.

Aymar Bibliia 1986

¹¹ Take Israel jakenacaw yatichäwinacamjja jan ist'apcti, juman arsutanacamarusa janiw jaysapcaractti, ucatpï nanacjjarojj purinejja take ñankhachäwi arunacajja, uqhamaraqui cuna juramentotejj Moisesan leyipan kellkatäqui ucarjama, nanacasti juma tokew jucha lurapjjta.

Qullan Arunaka DC

¹¹ Israelankirinakax taqiniw yatichäwinakam jan yäqapkiti, juman arsutanakamarus janiw jaysapkarakiti; ukat nanakxaru wakt'apxitu, Moisés luqtiriman kamachipan qillqatäki uka juramentompi, taqi ñanqhachäwi arunakampisa, nanakan juma nayraqatan juchachasipxatax layku.

Daniel (hebreo) 9:11 Jak'a apnaqawi uñst'ayäwi

2 Reyes 18:12

Ucasti lurasïnwa jan Tatit Diosapar ist'apjjatap laycu, jan ucasti sumancäwiru mantatäqui ucjja p'aquintapjjänwa. Janiw ist'añ munapcänti cuntï Tatitun sirviripa Moisesajj arsuwaycäna lurapjjañapataqui ucaru, ni phokhapcaraquïnsa.

2 Reyes 22:16

Naya Tatitusa sistwa: ‘Mä jan walt'añwa aca chekarusa, jakenacapjjarusa apayanëjja, cunjämtï Judá marcanquir reyejj leet'qui uca libron cuntï yatiyqui uqhamaru.

Isaías 1:3

Orko vacajj jakeparojj uñt'asiwa, asnos jakepan uywa uyupjja uñt'asiraquiwa; ucampisa Israel marcajjajj, nayan quipca marcajjajj, janiw uñt'quiti, janiraquiw amuyt'ascaraquisa.”

Isaías 43:28

apnakerinacamasti nayan templojj-jja taquisipjjaraquiwa, ucatpï Israelarojja, Jacobon marcaparojja t'unjatäñapataqui jisc'achjatäñapataquiraqui apanuctjja.

Jeremías 16:11

Jumasti jupanacarojj saraquim: ‘Tatitusti arsuwa: Acasti jutiwa jumanacan nayra awquinacamajj nayaru apanucuwayasinjja yakha diosanacan khepapwa sarjjapjjäna, ucanacar quillt'asisina yupaychañataqui; nayarusti apanucuwayapjjetänwa, janiraquiw cuntejj nayajj jupanacaru siscäyäta ucanacjja phokhapcänti.

Jeremías 2:29

¿Cunraqui jumanacasti nayaru sapjjetasma? Take jumanacajjay nayataquejj sayt'asipjjstajja. Naya Tatituw ucjja arsta.

Jeremías 30:14

Take munirinacamasti apanucuwayjjapjjtamwa, janiw jumat amtascjjapjjaraquiti. Nayaw jumarojj uqham chhojjriñchsmajja, uñisirimäquiristsa uqhama jan qhuyapt'ayasisaw mutuyämajja, walja jach'a juchanac luratam laycuw uqham lursmajja.

Jeremías 32:23

Ucampisa cunapachatejj jupanacajj aca orakeru mantanipjjän ucapachasti, aca oraksa catuntasipjjän ucapachasa, janiw jumarojj ist'apcäyätamti, uqhamaraqui cuna arunactejj siscäyäta ucanacsa janiw phokhapcaraquïyätamti, take cuntejj jumajj jupanacaru siscäyäta uca arunacsti janiw catokapcänti. Ucatwa jichhajj take aca t'akhesiñanac apayantajja.

Jeremías 40:3

Jumanacarojj acajj pasapjjtamwa Tatitu toke jucha lurapjjatamata janiraqui juparu jaysapjjatamata.

Jeremías 44:22

Ucatpï Tatitojj jan juc'ampi jumanacan jan wali luratanacamjja uñjañ muncjjäntejja, uca luräwinacamasti juparojj ñankhachänwa. Ucataracwa jumanacan marcanacamajj k'ala t'unjatajja, janiraquiw ucanacanjja maynis jaccjjeti, takenin uñjcata maldecitaw tucuraqui, ajjsarcañaraquiwa.

Jeremías 44:23

Jichhasti cuna jan walt'añantejj jicjjatasipcta ucasti uqham jumanacan yakha diosanacaru incienso loktasipjjatamatwa jutapjjtamjja, uqhamatracwa jumanacajj Tatitutaqui jucha lurapjjtajja, janiraquiw yatichäwinacapsa, leyinacapsa, camachinacapsa ist'apctati ni phokhapcaractasa.”

Jeremías 6:19

Jumas, orake ist'araquim: Aca marcarusti mä jach'a jan walt'añwa apayani, jan wali lurañanacaqui amtasipcatapata; arunacajjarusti janiw ist'apcaraquitänti, jan ucasti yatichäwinacajj-jja jisc'achapjjewa.

Jeremías 9:26

Egipto, Judá, Edom, Amón, uqhamaraqui Moab orakenacarusa, take wasara token utjirinacarusa, qhitinacatejj paranacapa qhithurasipqui ucanacarusa. Take uca marcanacasti, uqhamaraqui Israel marcasa, chuymanacapanjja janiw Diosar uñt'apquiti.”

Daniel (hebreo) 9:13

Take aca jan walinacaw nanacjjaru jutejja, cunjämatejj Moisesan leyipan kellkatäqui uqhamarjama; ucampisa nanacajj janiw jumarojj thakapcsmati, nanacan Tatitojja, nanacan Diosajja, janiraquiw nanacan ñankha lurañanacajjsa apanucupcti, ni juman chekapa arunacamarus arcapcaractti.

Daniel (hebreo) 9:5

Nanacajj juma nayrakatan jucha lurapjjta, ñankhanacsa lurapjjaracta; cunatejj jan walïqui ucacwa lurapjjtjja, jumaru apanucusaw jacapjjaracta; camachi arunacamsa, arsutanacamsa apanucupjjaractwa.

Zacarías 1:6

Ucampisa, arunacajjas, camachi arunacajjsa, cuntejj jaytawayta nayar yupaychiri profetanacaru parlañapataqui, ucasti purt'awayiwa nayra awquinacamarojja. Jupanacasti cutt'anjjapjjewa, wasitat amuyt'asa, naya take ch'amani Tatitojja sarnakäwinacaparjama, luräwinacaparjama uñjañajjajj waquisitap yatisina.’ ”

Zacarías 7:12

Chuymanacapjja kalarayasipjjewa, ch'ollkhe diamante kalar uñtata, yatichäwinaca, camachi arunaca cuntejj take ch'amani Tatitojj parlawayi ajayup toke nayra profetanac toketa ucanac jan ist'añataqui. Ucatwa Tatitojj wali colerasi,

Zacarías 8:13

Jumanacasa, Judá marcasa, Israel marcasa maldecitäpjjänwa yakha marcanac taypinjja. Jichhajj uqhamaracwa nayajj khespiyäjja, bendecitaracwa tucuyaraquëjja. ¡Jan ajjsarapjjamti! ¡Ch'amañchasipjjam!”

Deuteronomio 8:20

Cunjämtï Diosajj t'unjcani cawquïri marcanacatï sarnakäwinacaman jicjjatasini ucanacarojja, uqhamaraquiw jumanacajj t'unjatäpjjäta Tatitu Diosar jan ist'atanacam laycu.