Daniel (hebreo) 8:27 - Qullan Arunaca

²⁷ “Naya, Daniel, k'ala ch'ama thayjtataw uñjasïyäta, walja urunacaraquiw usuntata jicjjatasiraquïyäta. Take ucanac pasatasti wasitatwa marca apnacañanacan luräwinacapjja uñjaraquïyäta. Ucampisa cuna unañchäwtejj uñjcta ucanacatjja wali llaquitapuniw jicjjatasïyäta, jan amuyt'añjamätap laycu.”

Aymar Bibliia 1986

²⁷ “Naya, Daniel, k'ala ch'ama thayjtataw uñjasïyäta, walja urunacaraquiw usuntata jicjjatasiraquïyäta. Take ucanac pasatasti wasitatwa marca apnacañanacan luräwinacapjja uñjaraquïyäta. Ucampisa cuna unañchäwtejj uñjcta ucanacatjja wali llaquitapuniw jicjjatasïyäta, jan amuyt'añjamätap laycu.”

Qullan Arunaka DC

²⁷ “Naya, Danielasti, ch'ama thayjtataw uñjasïyäta, walja urunakaw usuntat jikxatasirakïyäta. Uka qhipatsti wasitat marka apnaqäwin lurañanakap luraskakïyäta. Ukampis kuna unañchäwtix uñjkäyäta ukanakan jan amuyt'añjamätapatxa, wali llakitapuniw jikxatasïyäta.

Daniel (hebreo) 8:27 Jak'a apnaqawi uñst'ayäwi

Daniel (hebreo) 10:16

Acatjamatwa, mä jakejj nayaru lacajjat llamct'itu, jupasti jaken yokapjamänwa. Ucat nayajj saracta qhititejj nayan nayrakatajjan sayt'atäcän ucaru, aqham sasa: ‘Tata, aca unañchäwi uñjatajjajj wali llaquisiyitu, jan ch'amani tucuyaraquitu.

Daniel (hebreo) 10:8

Cunapachatejj nayajj uca jach'a unañchäwi uñjcäyät ucapachasti sapaquiw jicjjatasïyäta. Nayan ajanojjas k'ellupuniw tucuraqui, jan ch'amaniw uñjasiracta.

Daniel (hebreo) 4:19

Uqhamasti Daniel waynajj, qhitirutejj Beltsasar sas sutichapcäna ucajja wali muspharataw uñjasïna, cuna amtäwinacatejj p'ekeparu jutcän ucanacampisa wali mayjt'ataw uñjasiraquïna. Ucampisa naya, reyejj, juparojj saractwa: ‘Beltsasar, jan jumajj llaquisimti cuna samctejj samcascta ucatjja, uqhamaraqui khanañchäwipatsa’ sasa. Beltsasarasti ucjjarojj saraquituwa: ¡Jach'a rey, cuntejj uca samcajj sañ munqui ucanacasti juman uñisirinacamjjaru purpan!

Daniel (hebreo) 5:14

Nayarusti yatiyapjjaraquituwa jumanjja Diosan ajayupajj utjatapa, amuyumasa suma khanätapa, uqhamaraqui jumajj wali ch'iqhi, suma amuyt'ani jakëtama.

Daniel (hebreo) 7:28

“Ucaw uca unañchäwin tucuyäwipajja. Naya, Daniel, wali mayjt'atapuniw jicjjatasta, ajanojjas k'elluw tucuraqui, ucampisa janiw qhitirusa cunsa aca toketjja siscaractti.”

Daniel (hebreo) 8:17

“Ucatwa uca jakejj nayaru jac'achasinitu. Nayasti sustjasiractwa, orakcamawa ajanojjsa alt'asiracta, ucat jupajj nayarojj aqham situ: ‘Jaken yokapa, amuyam, aca unañchäwi uñjcta ucajj aca urunacan tucusiñapwa yatiyasqui’ sasa.

Daniel (hebreo) 8:2

Uca uñjäwinsti nayajj Susa marcanjamac jicjjatasïyätjja, Elam sisqui uca provinciana, Ulai sisqui uca jawira thiyana.

Daniel (hebreo) 8:7

Ucatsti uca pä wajjrapsa p'aquiränwa, uca ovejasti jan ch'amaniw uñjasïna uca cabritompi mokentasiñataqui. Uca khepatsti cabritojj mokentasin orakeruw liwinucüna, ucaruw tacjaraquïna, janiraquiw qhitis uca ovejat arjjatirejj utjcänti.

Habacuc 3:16

Take ucanac ist'asajja ajjsarayastwa: janiw cunas arsuñjamäquiti; cayunacajjas janiw sayt'asiñataquejj ch'amanïcjjeti, take cuerpojjas janiraquiw ch'amanïcjjeti. Uqhamäquipansa, jan ajjsarañampiw suyt'äjja, cuna urutï Diosajj llaquisiñaru uchcani, jiwasanacaru t'akhesiyiri ejercitonacaparu.

1 Samuel 3:15

Ucanac ist'asinsti Samuelojj iquintjjänwa, khepärmanthi alwaw sartjjaraquïna, Tatitun templopa jist'araraqui. Ucatsti Samuelojj ajjsararaquïnwa cuntejj Tatitojj unañchäwin siscatayna ucanac Elí sacerdoteru yatiyañjja,