Daniel (hebreo) 8:25 - Qullan Arunaca

²⁵ Jupan sallka cancañapampisti, sallka luratanacapajj atipt'aquipuniniwa. Jach'a jach'araquiw tucuraquini, walja jakenacaruwa, qhitinacatejj jupar alcatata sarnakapcäna ucanacarojj ch'ojjña lurasaw jiwarayaraquini. Jilïrinacan jilïripampisa jiquintasiscaquiniwa, ucampisa uca jilïrin atipjataw uñjasiraquini.

Aymar Bibliia 1986

²⁵ Jupan sallka cancañapampisti, sallka luratanacapajj atipt'aquipuniniwa. Jach'a jach'araquiw tucuraquini, walja jakenacaruwa, qhitinacatejj jupar alcatata sarnakapcäna ucanacarojj ch'ojjña lurasaw jiwarayaraquini. Jilïrinacan jilïripampisa jiquintasiscaquiniwa, ucampisa uca jilïrin atipjataw uñjasiraquini.

Qullan Arunaka DC

²⁵ Jupan sallqa kankañapampisti, sallqa luratanakapax atipt'akipuniniwa. Jach'a jach'arakiw tukuni, jupar alkatat sarnaqirinakat walja jaqinakaruw ch'uxña luras jiwarayarakini. Jilïrinakan jilïripampisa jikintasiskakiniwa, ukampis uka jilïrin atipjataw uñjasini.

Daniel (hebreo) 8:25 Jak'a apnaqawi uñst'ayäwi

Job 34:20

Jakenacajj acatjamatacwa mä aruma jiwt'awayjjapjje; jakesti walwa ch'ajjwi, ucatsti chhaktawayjjapjjaraquiwa; ch'amani jakesti jan cunaqui jakonucutaraquiwa.

Jeremías 48:26

Moab marcarojj machjayapjjam, Tatitutaqui sayt'asitap laycu. Ucapachaw Moab marcajj pachpa wak'sutapar korumnakani, takeniw jupatjja larusipjjaraquini.

Lamentaciones 4:6

Orakejjanquiri marcan juchapasti Sodoma marcan juchapat sipansa juc'ampiwa, uca marcasti janc'aqui t'unjataquëjjänwa, jan qhitin nuwata t'unjataquiraquïnwa.

Daniel (hebreo) 11:12

Uqham atipjatapasti, uñisirinacapan waljani jiwaratapatsa uca reyirojj wali jach'achasiyaraquini, ucampisa jupan munañanïñapajj janiw wiñayataquïcaniti.

Daniel (hebreo) 11:45

Ucatsti campamentopjja jach'a kotampi, uqhamaraqui Suma Oraken kollan kollupäqui uca taypiruw utt'ayasiraquini. Ucampisa uca pachparuw jiwañapa horasajj puriniraquini, janiraquiw qhitis jupar yanapt'irejj utjcaniti.

Daniel (hebreo) 7:26

Ucampisa tribunalajj take cunsa chekaparuw uñjani, munañanïñapsti apakjjaraquiniwa, k'ala tucjatwa apanucjjaraquini.

Daniel (hebreo) 7:8

“Uca wajjranac uñch'ucquipansti, uca wajjranac taypitjja yakha jisc'a wajjraw mistuniraquïna, uca khepa wajjrajj mistuncänsa ucaru mä cheka churañataquejja quimsa wajjranacwa jiq'irapjjäna, uca khepïri wajjrasti jake nayrat nayranacanïnwa, mä lacaw utjaraquïna, uca lacasti wali jach'a jach'a tucusaraquiw parläna.

Daniel (hebreo) 8:11

alajjpacha ejerciton jilïriparusa “Nuwasiñäni” saraquïnwa; sapa uru sacrificio loktasiñsti t'unjaraquïnwa, yupaychañäqui uca chekanacsa taquisiraquïnwa.

Daniel (hebreo) 9:25

Jichhajj acwa yatiñama, amuyt'añamaraqui: Cunapachattejj Jerusalén marcajj wasitata uñstayañataqui sayt'ayañataqui arsutäni, Tatitur loktatäqui uca jach'a jilïrin puriniñapcama, pakallko semananacaw pasascañapa, Jerusalén marcan wasitata sayt'ayatäñataqui callenacapasa, perkanacapasa, sojjta tunca payani semananacanwa lurasini, ucampisa uca urunacajj wali t'akhesiña urunacäniwa.

Hechos 12:23

Ucspachaw Tatitun angelapajj Herodesar usuntayäna, Diosan sutip jan jach'achatap laycu. Ucatsti jisc'a lak'onacan mank'antataw Herodesajj jiwjjäna.

2 Tesalonicenses 2:3

Jan cunäquipansa sallkjayasipjjamti. Janïra uca urojj purinquipanjja Dios contra sayt'añaw jutañapa, cunapachatejj ñankha jakejj uñstancani cawquïritejj t'unjañataqui juchañchatäqui uca.

2 Tesalonicenses 2:8

Ucatsti qhä ñankha jakejj uñstaniniwa, Tatit Jesusasti saman phust'apampiquiw jiwayani, c'ajquir jutäwipampiw t'unjaraquini.

Apocalipsis 17:14

Corderompiw nuwasipjjani, ucampis Corderojj jupanacarojj atipjaniwa, jupasti munañaninacans Munañanipa, reyinacansa Reyiparaquiwa. Qhitinacatejj jupampïqui ucanacasti Diosan jawsata ajllitanacapawa, suma arquirinacäpjjaraquiwa” sasa.

Apocalipsis 19:16

Mantopjjarusti, uqhamarac charapjjarusa aca suti kellkt'ataraquïnwa: “reyinacans Reyipa, munañaninacans Munañanipa” sasa.